• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

വിമാനത്താവളത്തില്‍ മോശം അനുഭവം.... ജെറ്റ് എയര്‍വേസിനെതിരെ പൊട്ടിത്തെറിച്ച് ദുല്‍ഖര്‍ സല്‍മാന്‍!!

കൊച്ചി; ജെറ്റ് എയര്‍വേയ്‌സ് എന്ന വിമാനക്കമ്പനിയെ കുറിച്ച് നിരവധി പരാതികള്‍ മുമ്പ് ലഭിച്ചിട്ടുണ്ട്. പലതരത്തില്‍ യാത്രക്കാരെ ബുദ്ധിമുട്ടിക്കുന്ന നടപടികളാണ് ജെറ്റ് എയര്‍വേയ്‌സ് സ്വീകരിക്കുന്നതെന്ന് പലരും കുറപ്പെടുത്തിയിരുന്നു. എയര്‍ ഇന്ത്യയുടെ മറ്റൊരു പതിപ്പാണ് ഇതെന്ന് വരെ സോഷ്യല്‍ മീഡിയയില്‍ പരിഹാസമുണ്ട്. ഇപ്പോഴിതാ സൂപ്പര്‍ താരം ദുല്‍ഖര്‍ സല്‍മാനാണ് ജെറ്റ് എയര്‍വേയ്‌സിനെതിരെ രൂക്ഷമായി പ്രതികരിച്ചിരിക്കുന്നത്.

തനിക്ക് വളരെ മോശം അനുഭവമാണ് ജെറ്റ് എയര്‍വേയ്‌സില്‍ നിന്ന് ഉണ്ടായതെന്ന് ദുല്‍ഖര്‍ പറയുന്നു. ഇത് വ്യക്തമാക്കി ട്വീറ്റും ചെയ്തിട്ടുണ്ട് താരം. ജെറ്റ് എയര്‍വേസിന്റെ ഗ്രൗണ്ട് സ്റ്റാഫ് മോശമായി പെരുമാറിയെന്നാണ് താരത്തിന്റെ പരാതി. അതേസമം ദുല്‍ഖറിന്റെ ട്വീറ്റ് സോഷ്യല്‍മീഡിയയില്‍ ട്രെന്‍ഡിങായിട്ടുണ്ട്. മിക്കവാറും സ്റ്റാഫിനെതിരെ നടപടിയുണ്ടാവാനും സാധ്യതയുണ്ട്.

ആകാശയാത്ര വലച്ചു

ആകാശയാത്ര വലച്ചു

ആകാശയാത്രയിലെ പരാതിയാണ് ദുല്‍ഖര്‍ പ്രധാനമായും ഉന്നയിച്ചിരിക്കുന്നത്. തുടര്‍ന്ന് ഈ ട്വീറ്റ് സോഷ്യല്‍ മീഡിയയില്‍ വൈറലായതോടെ സ്വന്തം അനുഭവങ്ങളും പലരും ഷെയര്‍ ചെയ്തിട്ടുണ്ട്. യാത്രക്കാര്‍ക്ക് പലപ്പോഴും അസ്വസ്ഥത ഉളവാക്കുന്ന തരത്തിലാണ് ജെറ്റ് എയര്‍വെയ്‌സ് അധികൃതകരുടെ പെരുമാറ്റം. പല വിമാനത്താവളങ്ങളിലെ കൗണ്ടറുകളിലും കവാടങ്ങളിലും തനിക്ക് സമാന അനുഭവങ്ങള്‍ ഉണ്ടായിട്ടുണ്ടെന്നും ദുല്‍ഖര്‍ പറയുന്നു.

ഇങ്ങനെയാണോ യാത്രക്കാരോട പെരുമാറുക

ഇങ്ങനെയാണോ യാത്രക്കാരോട പെരുമാറുക

വളരെ മോശമായും അപമാനിക്കുകയും ചെയ്യുന്ന തരത്തിലാണ് ജെറ്റ് എയര്‍വേയ്‌സിന്റെ ജീവനക്കാര്‍ യാത്രക്കാരോട് പെരുമാറുന്നത്. അവരുടെ പെരുമാറ്റവും സംസാരവും പലപ്പോഴും യാത്രക്കാരെ ബുദ്ധിമുട്ടുകയും ചെയ്യുന്നു. ഇന്നേ വരെ എനിക്ക് സ്വന്തം ഫ്‌ളൈറ്റുകള്‍ക്കായി വൈകേണ്ടി വന്നിട്ടില്ല. പ്രത്യേക അവകാശങ്ങള്‍ നേടാനോ ക്യൂവില്‍ പരിഗണന ലഭിക്കാനോ ഞാന്‍ ശ്രമിച്ചിട്ടില്ലെന്നും താരം പറഞ്ഞു.

എന്റെ കണ്‍മുന്നില്‍ വച്ച്

എന്റെ കണ്‍മുന്നില്‍ വച്ച്

താരപരിവേഷത്തില്‍ അഭിരമിക്കുന്ന ഒരാളല്ല ഞാന്‍. പക്ഷേ ഇന്ന് എന്റെ കണ്‍മുന്നിലാണ് ഒരു യാത്രക്കാരനോട് അവരുടെ മോശം പെരുമാറ്റമുണ്ടായത്. മുമ്പ് കുഞ്ഞുമായി പോകുമ്പോള്‍ എന്റെ കുടുംബത്തിനും ഇത്തരം മോശം അനുഭവങ്ങള്‍ ഉണ്ടായിട്ടുണ്ട്. പല വിമാനത്താവളങ്ങളിലെ കൗണ്ടറുകളിലും കവാടങ്ങളിലും തനിക്ക് സമാന അനുഭവങ്ങള്‍ നേരിടേണ്ടി വന്നിട്ടുണ്ടെന്നും ദുല്‍ഖര്‍ ട്വീറ്റ് ചെയ്തു.

ജെറ്റ് എയര്‍വേസ് ശരിയല്ല

ജെറ്റ് എയര്‍വേസ് ശരിയല്ല

ജെറ്റ് എയര്‍വേസ് ഏറ്റവും മാതൃകാപരമായ സര്‍വീസല്ല നടത്തുന്നതെന്ന് നേരത്തെയുള്ള ആരോപണമാണ്. മുമ്പ് ജെറ്റ് എയര്‍വേസ് ഗ്രൗണ്ട് സ്റ്റാഫ്, യാത്രക്കാരനെ കൈയ്യേറ്റം ചെയ്ത സംഭവങ്ങള്‍ വരെ ഉണ്ടായിട്ടുണ്ട്. എന്നാല്‍ ഇതുവരെ ഇവര്‍ക്കെതിരെ കാര്യമായ നടപടികളൊന്നും വന്നിട്ടില്ല. താങ്കളുടെ കോണ്‍ടാക്ട് നമ്പര്‍ ഡയറക്ട് മെസേജ് അയക്കൂ പ്രശ്‌നങ്ങള്‍ പരിഹരിക്കാമെന്നുള്ള സ്ഥിരം മറുപടിയാണ് ദുല്‍ഖറിനും ജെറ്റ് എയര്‍വേസ് നല്‍കിയിരിക്കുന്നത്.

സോഷ്യല്‍ മീഡിയയില്‍ കൈയ്യടി

സോഷ്യല്‍ മീഡിയയില്‍ കൈയ്യടി

ദുല്‍ഖറിന്റെ ട്വീറ്റിനെ അഭിനന്ദിച്ച് നിരവധി പേര്‍ രംഗത്തെത്തിയിട്ടുണ്ട്. ദുല്‍ഖര്‍ ഇക്കാര്യങ്ങള്‍ തുറന്ന് പറഞ്ഞതിനെ സോഷ്യല്‍ കൈയ്യടികളോടെയാണ് സ്വീകരിച്ചത്. തങ്ങള്‍ക്കും ഇത്തരം അനുഭവങ്ങള്‍ ഉണ്ടായിട്ടുണ്ടെന്നാണ് പലരും പറയുന്നത്. ട്വീറ്റിന് മറുപടിയുമായി നിരവധി മലയാളികളും രംഗത്തെത്തിയിട്ടുണ്ട്. അതേസമയം ഇക്കാര്യം തുറന്ന് പറഞ്ഞത് കൊണ്ട് പലര്‍ക്കും ജെറ്റ് എയര്‍വേസിന്റെ സര്‍വീസിനെ കുറിച്ച് തിരിച്ചറിയാനായെന്നാണ് സോഷ്യല്‍ മീഡിയ പറയുന്നത്.

ഞങ്ങള്‍ക്ക് മനസിലാവും

ഞങ്ങള്‍ക്ക് മനസിലാവും

ഇത്തരം അനുഭവങ്ങള്‍ നിരവധി തവണ ജെറ്റ് എയര്‍വേസില്‍ നിന്നുണ്ടായതിനാല്‍ ദുല്‍ഖര്‍ പറഞ്ഞത് സാധാരണക്കാര്‍ക്ക് പെട്ടെന്ന് മനസിലാവുമെന്നാണ് സോഷ്യല്‍ മീഡിയയുടെ അഭിപ്രായം. ഇത്തരം കാരണങ്ങള്‍ കൊണ്ട് ജെറ്റ് എയര്‍വേസില്‍ സഞ്ചരിക്കില്ലെന്ന് ശപഥം ചെയ്തതായി ഒരാള്‍ ട്വീറ്റ് ചെയ്തു. അതേസമയം ഇതുകൊണ്ടൊന്നും അവരുടെ സ്വഭാവം ഒരിക്കലും മാറാന്‍ പോകുന്നില്ലെന്നാണ് മറ്റൊരാള്‍ അഭിപ്രായപ്പെട്ടത്.

ഇന്‍ഡിഗോ എയര്‍ലൈനും

ഇന്‍ഡിഗോ എയര്‍ലൈനും

ബാഡ്മിന്റണ്‍ താരം പിവി സിന്ധു നേരത്തെ ഇന്‍ഡിഗോ എയര്‍ലൈന്‍ മോശമായി പെരുമാറിയെന്ന് ആരോപിച്ചിരുന്നു. അതും ഗ്രൗണ്ട് സ്റ്റാഫ് തന്നെയായിരുന്നു. ഹൈദരാബാദില്‍ നിന്ന് മുംബൈയിലേക്ക് വിമാനത്തില്‍ വച്ചായിരുന്നു സംഭവം. അയാള്‍ തന്നോട് മോശമായി പെരുമാറിയെന്നും സഹ ജോലിക്കാരന്‍ അയാളോട് മാന്യമായി പെരുമാറാന്‍ നിര്‍ദേശിച്ചെന്നുമായിരുന്നു സിന്ധു ആരോപിച്ചത്. എന്നാല്‍ ഇത് ഇന്‍ഡിഗോ എയര്‍ലൈന്‍സ് തള്ളിയിരുന്നു.

ദുരിതാശ്വാസ നിധിയിലെ പണം കൊണ്ട് ആഢംബര കാര്‍... കേരളത്തിനെതിരെ വീണ്ടും വ്യാജ പ്രചാരണം

സപ്തംബര്‍ 12 ന് വിവാഹം.. എംഎല്‍എയുടെ പ്രതിശ്രുത വധു കാമുകനൊപ്പം ഒളിച്ചോടി!

English summary
dulquer salmaan against jet airways ground staff
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X