കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഓപ്പറേഷന്‍ സുലൈമാനിക്ക് ദുല്‍ഖറിന്റെ പിന്തുണ

  • By Anwar Sadath
Google Oneindia Malayalam News

കോഴിക്കോട്: കോഴിക്കോട് നഗരത്തിലെ വിശക്കുന്നവര്‍ക്ക് ആഹാരം നല്‍കുന്ന ഓപ്പറേഷന്‍ സുലൈമാനി എന്ന പരിപാടിക്ക് നടന്‍ ദുല്‍ഖര്‍ സല്‍മാന്‍ പൂര്‍ണ പിന്തുണ അറിയിച്ചു. ദുല്‍ഖര്‍ നായകനായ ഉസ്താദ് ഹോട്ടല്‍ എന്ന ചിത്രത്തില്‍ നിന്ന് പ്രചോദനം ഉള്‍ക്കൊണ്ട് നടപ്പാക്കുന്നതുകൊണ്ടുതന്നെ പരിപാടിയെക്കുറിച്ച് ഏറെ അഭിമാനിക്കുന്നതായി ദുല്‍ഖര്‍ അറിയിച്ചു.

വിശിപ്പില്ലാത്തവരുടെ നഗരമായി കോഴിക്കോട് മാറുകയെന്നത് വലിയൊരു കാര്യമാണ്. ഷൂട്ടിങ് തിരക്കുകള്‍ ഉള്ളതിനാല്‍ പരിപാടിയുടെ ഉദ്ഘാടനത്തിന് എത്തിച്ചേരാന്‍ കഴിയില്ലെങ്കിലും എല്ലാവിധ ആശംസയും ദുല്‍ഖര്‍ നേര്‍ന്നു. ജില്ലാ കളക്ടര്‍ പ്രശാന്തിന്റെ നേതൃത്വത്തില്‍ കോഴിക്കോട് ജില്ലാ ഭരണകൂടവും ഹോട്ടല്‍ ആന്‍ഡ് റെസ്‌റ്റോറന്റ് അസോസിയേഷനും ചേര്‍ന്നാണ് ഓപ്പറേഷന്‍ സുലൈമാനി എന്ന മാതൃകാ പരിപാടിക്ക് തുടക്കമിടുന്നത്. ഉസ്താദ് ഹോട്ടലിന്റെ തിരക്കഥാകൃത്ത് അഞ്ജലി മേനോനും പരിപാടിയുടെ ഭാഗമാകുന്നുണ്ട്.

dulquar-salman

തുടക്കത്തില്‍ കോഴിക്കോട് നഗരത്തിലും പിന്നീട് ജില്ലയില്‍ എമ്പാടും പരിപാടി വ്യാപിപ്പിക്കാനാണ് സംഘാടകരുടെ ഉദ്ദേശം. ഭക്ഷണം ആവശ്യമുള്ളവര്‍ക്ക് വില്ലേജ് ഓഫീസുകള്‍ വഴി കൂപ്പണ്‍ വിതരണം ചെയ്യുകയും ഈ കൂപ്പണുകള്‍ തെരഞ്ഞെടുത്ത ഹോട്ടലുകളില്‍ നല്‍കിയാല്‍ സൗജന്യമായി ഭക്ഷണം നല്‍കുകയുമാണ് പദ്ധതി.

ആശുപത്രികള്‍, റെയില്‍വേ സ്‌റ്റേഷന്‍ തുടങ്ങിയ സ്ഥലങ്ങളില്‍ പ്രത്യേക കൗണ്ടറുകള്‍ തുറന്നായിരിക്കും കൂപ്പണ്‍ വിതരണം ചെയ്യുക. എല്ലാവര്‍ക്കും ഭക്ഷണം നല്‍കുക എന്നതാണ് പരിപാടിയുടെ പിന്നണിയില്‍ പ്രവര്‍ത്തിക്കുന്നവരുടെ പ്രധാന ലക്ഷ്യം. ജില്ലയിലാകെ പദ്ധതി വ്യാപിക്കുന്നതോടെ കോഴിക്കോട് ജില്ല രാജ്യത്തിന് തന്നെ മാതൃകയാകുമെന്നുറപ്പാണ്.

English summary
Dulquer Salmaan support operation Sulaimani Calicut
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X