കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

അഹമ്മദിന് ഭൂരിപക്ഷം കൂടുമെന്ന് യുഡിഎഫ്

  • By Soorya Chandran
Google Oneindia Malayalam News

മലപ്പുറം: ഇത്തവണത്തെ തിരഞ്ഞെടുപ്പില്‍ മലപ്പുറം മണ്ഡലത്തില്‍ മുസ്ലീം ലീഗ് സ്ഥാനാര്‍ത്ഥി ഇ അഹമ്മദിന്റെ ഭൂരിപക്ഷം കൂടുമെന്ന് യുഡിഎഫിന്റെ വിലയിരുത്തല്‍. മലപ്പുറം ജില്ലാ യുഡിഎഫ് സമിതിയാണ് കണക്കുകളുടെ അടിസ്ഥാനത്തില്‍ ഇത്തരമൊരു വിലയിരുത്തല്‍ നടത്തിയിരിക്കുന്നത്.

ഇ അഹമ്മദിന് ഇത്തവണ 145,000 വോട്ടിന്റെ ഭൂരിപക്ഷം എങ്കിലും ഉണ്ടാകുമെന്നാണത്രെ യുഡിഎഫിന്റെ കണക്ക് കൂട്ടല്‍. കഴിഞ്ഞ തവണ സിപിഎമ്മിന്റെ ടികെ ഹംസയെ 1.15 ലക്ഷം വോട്ടുകള്‍ക്കായിരുന്നു അഹമ്മദ് തോല്‍പിച്ചത്.

E. Ahmed

എന്നാല്‍ ഇത്തവണ മലപ്പുറത്തെ സ്ഥിതി വ്യത്യസ്തമായിരുന്നു. ഇ അഹമ്മദിനെ സ്ഥാനാര്‍ത്ഥിയാക്കരുതെന്ന് ഭൂരിപക്ഷം മണ്ഡലം കമ്മിറ്റികളും ആവശ്യപ്പെട്ടിട്ടും അത് അംഗീകരിക്കാതെയായിരുന്നു സംസ്ഥാന നേതൃത്വത്തിന്റെ തീരുമാനം. ഇതില്‍ സാധാരണ പ്രവര്‍ത്തകര്‍ക്ക് ഏറെ പ്രതിഷേധവും ഉണ്ടായിരുന്നു.

കഴിഞ്ഞ തവണ മികച്ച പോളിങ് രേഖപ്പെടുത്തിയ മലപ്പുറത്ത് ഇത്തവണ വോട്ടിങ് ശതമാനത്തില്‍ കനത്ത ഇടിവാണ് ഉണ്ടായത്. ഇത് അഹമ്മദിന്റെ സ്ഥാനാര്‍ത്ഥിത്വത്തിനോടുള്ള പ്രതിഷേധത്തിന്റെ ഭാഗമാണെന്നായിരുന്നു രാഷ്ട്രീയ നിരീക്ഷകര്‍ വിലയിരുത്തിയിരുന്നത്.

എന്നാല്‍ കാര്യങ്ങള്‍ ഇങ്ങനെയല്ലെന്നാണ് മലപ്പുറത്തെ യുഡിഎഫ് നേതൃത്വത്തിന്റെ കണക്ക് കൂട്ടല്‍. എല്‍ഡിഎഫ് സ്ഥാനാര്‍ത്ഥി പികെ സൈനബയോടുള്ള എതിര്‍പ്പ് അഹമ്മിനുള്ള വോട്ടായി മാറിയിട്ടുണ്ടെന്നാണ് യുഡിഎഫിന്റെ കണക്കുകൂട്ടല്‍.

English summary
E Ahmed will win with greater margin than previous election: UDF
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X