കേരളത്തിൽ ഇ-ചെലാന് പദ്ധതിക്ക് തുടക്കമായി: ഇന്റഗ്രേറ്റഡ് ട്രാഫിക് മാനേജ്മെന്റ് സംവിധാനം ഉടന് !!
തിരുവനന്തപുരം: ട്രാഫിക് നിയമങ്ങള് ലംഘിക്കുന്നവരില് നിന്ന് ഓണ്ലൈന് ആയി പിഴ ഈടാക്കാനുളള ഇ-ചെലാന് സംവിധാനത്തിന്റെ ഉദ്ഘാടനം മുഖ്യമന്ത്രി പിണറായി വിജയന് നിര്വ്വഹിച്ചു. വാഹന പരിശോധനയും പിഴ അടയ്ക്കലും ഏറെ എളുപ്പത്തിലാക്കുന്നതാണ് സംവിധാനം. തിരുവനന്തപുരം സിറ്റി, കൊല്ലം സിറ്റി, എറണാകുളം സിറ്റി, തൃശൂര് സിറ്റി, കോഴിക്കോട് സിറ്റി എന്നിവിടങ്ങളില് ഈ സംവിധാനം ഇന്ന് മുതൽ പ്രാബല്യത്തിൽ വരികയും ചെയ്തിട്ടുണ്ട്. അടുത്ത ഘട്ടത്തില് സംസ്ഥാനത്ത് എല്ലായിടത്തും ഇ-ചെലാന് സംവിധാനവും പ്രാബല്യത്തിൽ വരും.
പിജെ ജോസഫിനെതിരെ അടുത്ത നീക്കവുമായി ജോസ് കെ മാണി; അയോഗ്യരാക്കാൻ സ്പീക്കർക്ക് പരാതി
പരിശോധന നടത്തുന്ന ഉദ്യോഗസ്ഥരുടെ കൈവശമുളള പ്രത്യേക ഉപകരണത്തില് വാഹനത്തിന്റെ നമ്പറോ ഡ്രൈവിംഗ് ലൈസന്സ് നമ്പറോ നല്കിയാല് വാഹനത്തെ സംബന്ധിച്ച എല്ലാ വിവരങ്ങളും അറിയാന് കഴിയുമെന്ന് മുഖ്യമന്ത്രി പറഞ്ഞു. പിഴ അടയ്ക്കാനുളളവര്ക്ക് ഓണ്ലൈന്, ക്രെഡിറ്റ്, ഡെബിറ്റ് കാര്ഡുകള് ഉപയോഗിച്ച് പണം അടയ്ക്കാമെന്നതാണ് ഈ സംവിധാനത്തിന്റെ പ്രധാന മേന്മ. ഇത്തരം സംവിധാനങ്ങള് കൈവശം ഇല്ലാത്തവര്ക്ക് പിഴ അടയ്ക്കാന് പ്രത്യേകം സൗകര്യം ഏര്പ്പെടുത്തണമെന്നും മുഖ്യമന്ത്രി നിര്ദ്ദേശം നൽകിയിട്ടുണ്ട്.
ഡിജിറ്റല് സംവിധാനമായതിനാല് ഇതില് ഒരു വിധത്തിലുമുളള പരാതിക്കും അഴിമതിക്കും പഴുതുണ്ടാവില്ല. സുതാര്യത പൂര്ണ്ണമായും ഉറപ്പാക്കാനും സാധിക്കും. കേസുകള് എളുപ്പത്തിൽ വിര്ച്വല് കോടതിയിലേയ്ക്ക് കൈമാറാനും ഈ സംവിധാനത്തിലൂടെ സാധിക്കും. നാഷണല് ഇന്ഫര്മാറ്റിക്സ് സെന്ററാണ് ഇ ചെലാൻ പദ്ധതിയ്ക്കുള്ള സോഫ്റ്റ് വെയര് തയ്യാറാക്കിയത്. ട്രഷറി വകുപ്പിന് പുറമേ ഫെഡറല് ബാങ്കിന്റെ സഹകരണവും ഈ പദ്ധതിക്കുണ്ട്.
സംസ്ഥാനത്ത് ഇന്റഗ്രേറ്റഡ് ട്രാഫിക് മാനേജ്മെന്റ് സംവിധാനം സ്ഥാപിക്കാനുളള നടപടി അന്തിമഘട്ടത്തിലാണെന്നും മുഖ്യമന്ത്രി പറഞ്ഞു. ഇതിനായി തിരുവനന്തപുരത്ത് സ്ഥാപിക്കുന്ന കണ്ട്രോള് റൂമില് നമ്പര്പ്ലേറ്റ് തിരിച്ചറിയാന് കഴിയുന്നവ ഉള്പ്പെടെ സംസ്ഥാനത്തെ വിവിധ ജില്ലകളില് നിന്നായി 3000 ക്യാമറകള് ബന്ധിപ്പിക്കും. ഉദ്ഘാടന ചടങ്ങില് സംസ്ഥാന പോലീസ് മേധാവി ലോക്നാഥ് ബെഹ്റ, എഡിജിപി മനോജ് എബ്രഹാം, ട്രാഫിക് ആന്റ് റോഡ് സേഫ്റ്റി ഐജി ജി ലക്ഷ്മണ് എന്നിവരും മറ്റ് മുതിര്ന്ന ഉദ്യോഗസ്ഥരും പങ്കെടുത്തു.