ഇ സനീഷ് ഇന്ത്യാവിഷനില് നിന്ന് രാജിവച്ചു
കൊച്ചി: പ്രമുഖ മാധ്യമപ്രവര്ത്തകന് ഇ സനീഷ് ഇന്ത്യാവിഷനില് നിന്ന് രാജിവച്ചു. ചാനലിന്റെ എക്സിക്യൂട്ടീവ് എഡിറ്റര് എംപി ബഷീറിനേയും കോ-ഓര്ഡിനേറ്റിങ് എഡിറ്റര് ഉണ്ണകൃഷ്ണനേയും പുറത്താക്കിയ മാനേജ്മെന്റ് നടപടിയോടുള്ള പ്രതിഷേധത്തിന്റെ ഭാഗമായാണ് രാജി. മാര്ച്ച് 18 ന് വൈകീട്ടോടെയാണ് രാജിക്കത്ത് നല്കിയത്.
മാനേജ്മെന്റ് നടപടിയില് പ്രതിഷേധിച്ച് മാര്ച്ച് 13 ന് ചാനലിന്റെ എഡിറ്റോറിയല് വിഭാഗം വാര്ത്താ സംപ്രേഷണം നിര്ത്തി വച്ചിരുന്നു. മാധ്യമ ചരിത്രത്തില് ആദ്യമായായിരുന്നു ഇത്തരമൊരു സമരം.
നിലവില് ചാനലിലെ ന്യൂസ് എഡിറ്ററാണ് ഇ സനീഷ്. ദൃശ്യമാധ്യമ രംഗത്ത് ഇന്ത്യാവിഷനിലൂടെയായിരുന്നു രംഗപ്രവേശനം. പിന്നീട് അല്പകാലം ഏഷ്യാനെറ്റ് ന്യൂസില് ജോലി ചെയ്തതിന് ശേഷം വീണ്ടും ഇന്ത്യാവിഷനില് തിരിച്ചെത്തുകയായിരുന്നു.ഇന്ത്യാവിഷന്റെ പ്രധാന വാര്ത്താ അവതാരകരില് ഒരാളായിരുന്നു.
എംപി ബഷീറിനേയും ഉണ്ണികൃഷ്ണനേയും പുറത്താക്കിയതിലും, ഇത്രനാളും മാനേജ്മെന്റ് തുടര്ന്നുവന്ന അഴിമതിയിലും പ്രതിഷേധിച്ചാണ് രാജിയെന്ന് സനീഷ് പറഞ്ഞു. ഫേസ്ബുക്കിലൂടെ രാജിക്കാര്യം സനീഷ് എല്ലാവരെയും അറിയിക്കുകയും ചെയ്തിട്ടുണ്ട്.