Click it and Unblock the Notifications
Just In
Don't Miss
-
IPL 2024: സഞ്ജു റിസ്കെടുക്കണം! അശ്വിന് ടീമില് വേണ്ട, ഈ കാരണങ്ങള്, പകരം ഈ താരം -
മകൻ അച്ഛനെ കാണാറുണ്ട്; ആദ്യ വിവാഹ ബന്ധം പിരിഞ്ഞപ്പോൾ; തനിക്ക് മാത്രമല്ല ഇത് സംഭവിച്ചതെന്നും മേതിൽ ദേവിക -
അവധിക്കാലം കുട്ടികള്ക്ക് ഉഷാറാക്കാന് സ്വീറ്റ് സോഫ്റ്റ് കേക്ക് -
ടൊയോട്ട ഇനി ചന്ദ്രനിലേക്കോ, നാസയുമായി കൈകോർത്ത് ബ്രാൻഡ് -
എല്ലാ മാസവും ഉറപ്പായ വരുമാനം, റിട്ടയർമെന്റ് ജീവിതം അടിപൊളിയാക്കൂ, ഇതാണ് പദ്ധതി -
2 രൂപ വ്യത്യാസത്തിൽ ഇങ്ങനെ മാജിക്ക് കാണിക്കാൻ ബിഎസ്എൻഎല്ലിനേ പറ്റൂ! കാണുന്നവർ അമ്പരക്കും -
ബാംഗ്ലൂർ നഗരത്തിലെ യാത്രകൾ ഈസി; 2 കിലോമീറ്ററിന് 20 രൂപ, ജിപിഎസ് ട്രാക്കിങ്, കുട്ടികൾക്ക് സൗജന്യ യാത്ര..
വിരമിക്കുന്നതിന് 1 മണിക്കൂര്‍ മുന്‍പ് പ്രൊഫസറെ വിദ്യഭ്യാസമന്ത്രി പ്രിന്‍സിപ്പാളാക്കി, എന്തിന്?
തിരുവനന്തപുരം: സര്‍ക്കാരുകള്‍ മാറുന്നതിന് അനുസരിച്ച് ഇഷ്ടക്കാര്‍ക്ക് സ്ഥാനക്കയറ്റം കിട്ടുന്നതും ആവശ്യക്കാര്‍ക്ക് സ്ഥലംമാറ്റം കിട്ടുന്നതും ഒന്നും കേരളത്തില്‍ പുതുമയുള്ള കാര്യമൊന്നുമല്ല. കേരളത്തില്‍ മാത്രമല്ല, എല്ലായിടത്തും സ്ഥിതി ഇങ്ങനെയൊക്കെ തന്നെയാണ്. എന്നാല്‍, വിരമിക്കാന്‍ ഒരു മണിക്കൂര്‍ മാത്രം ബാക്കി നില്‍ക്കേ ഒരു അധ്യാപകന് സ്ഥാനക്കയറ്റം നല്‍കി പ്രിന്‍സിപ്പാളാക്കിയാല്‍, അതിലെ ധാര്‍മികത എന്താണ് എന്ന് ആളുകള്‍ ചോദിച്ചുപോയാല്‍ തെറ്റ് പറയാന്‍ കഴിയുമോ.
സി പി എം അനുകൂല അധ്യാപക സംഘടനയായ കെ ജി ഒ എയുടെ സംസ്ഥാന സെക്രട്ടറി പ്രൊഫ. ശശികുമാറിനെ വിരമിക്കുന്നതിന് തൊട്ടുമുമ്പ് പ്രിന്‍സിപ്പാളാക്കി പ്രമോഷന്‍ നല്‍കിയ എല്‍ ഡി എഫ് സര്‍ക്കാരിന്റെ നടപടിയാണ് ഇപ്പോള്‍ വിവാദത്തിലായിരിക്കുന്നത്. ഇടത് അധ്യാപക സംഘടനാ നേതാവ് മാത്രമല്ല, വിദ്യഭ്യാസ മന്ത്രി പ്രൊഫ. സി രവീന്ദ്ര നാഥിന്റെ അടുത്ത സുഹൃത്ത് കൂടിയാണ് പ്രൊഫ. ശശികുമാര്‍ എന്നാണ് അറിയുന്നത്.
ഒരു മണിക്കൂര്‍ നേരം മാത്രം പ്രിന്‍സിപ്പാളായി ഇരുന്ന് വിരമിച്ചത് കൊണ്ട് സി ശശികുമാറിന് എന്താണ് നേട്ടം എന്നാണ് സോഷ്യല്‍ മീഡിയയില്‍ ഇക്കാര്യം ചര്‍ച്ച ചെയ്യുന്നവര്‍ ചോദിക്കുന്നത്. പ്രൊഫസറായി റിട്ടയര്‍ ചെയ്യുമ്പോള്‍ കിട്ടുന്നതിലും കൂടുതല്‍ പെന്‍ഷന്‍ കിട്ടുമെന്ന് ഒരു കൂട്ടര്‍. അല്ല സ്വന്തം പ്രൊഫൈലില്‍ റിട്ട. പ്രിന്‍സിപ്പാള്‍ എന്ന് ചേര്‍ക്കാമെന്ന് മറ്റൊരു കൂട്ടര്‍. ഇത് രണ്ടും മെച്ചമാണ് എന്നത് സത്യം. എന്നാല്‍ ഉന്നത വിദ്യാഭ്യാസ വകുപ്പിന് എന്ത് മെച്ചമാണ് ഇത് കൊണ്ട് കിട്ടുക എന്ന ചോദ്യത്തിന് മാത്രം ഉത്തരമില്ല.
കോട്ടയം രാജീവ് ഗാന്ധി ഇന്‍സ്റ്റിറ്റ്യൂട്ട് ഓഫ് ടെക്‌നോളജിയിലെ പ്രൊഫസറായ ശശികുമാറിനെ ചൊവ്വാഴ്ച വൈകുന്നേരം മൂന്ന് മണിക്കാണ് തിരുവനന്തപുരം കോളജ് ഓഫ് എഞ്ചിനീയറങില്‍ പ്രിന്‍സിപ്പാളാക്കി നിയമിച്ചത്. സ്ഥാനമേറ്റെടുത്തതിന് പിന്നാലെ വൈകുന്നേരം അഞ്ച് മണിക്ക് അദ്ദേഹം വിരമിക്കുകയും ചെയ്തു. ഖജനാവ് കാലിയാണെന്ന് പരാതി പറയുകയും, ചെലവ് ചുരുക്കുമെന്ന് ഗീര്‍വാണം വിടുകയും ചെയ്യുന്ന ഒരു സര്‍ക്കാരാണ് സ്വന്തക്കാരന് വേണ്ടി ഇങ്ങനെ ചെയ്തത് എന്നതാണ് രസകരം.
