എവിടെയും മാസപ്പിറവി കണ്ടില്ല; കേരളത്തിൽ ബുധനാഴ്ച ചെറിയ പെരുന്നാൾ
ശവ്വാൽ മാസപ്പിറവി കണ്ടതായി വിശ്വസനീയമായ വിവരം ലഭിക്കാത്തതിനാൽ ചൊവ്വാഴ്ച റംസാൻ 30 പൂർത്തിയാക്കി ബുധനാഴ്ച ചെറിയ പെരുന്നാളായിരിക്കുമെന്ന് കോഴിക്കോട് മുഖ്യ ഖാസി കെവി ഇമ്പിച്ചമ്മത് ഹാജി,കോഴിക്കോട് ഖാസി സയിദ് മുഹമ്മദ് കോയ തങ്ങൾ ജമലുലൈലി എന്നിവര് അറിയിച്ചു.
ചൊവ്വാഴ്ച പെരുന്നാള് എന്ന നിലയില് സോഷ്യല് മീഡിയയില് വരുന്ന വാര്ത്തകള് വ്യാജമാണെന്ന് കോഴിക്കോട് ഖാദി ജമലുല്ലൈലി തങ്ങള് അറിയിച്ചു. ഹിജ്റ വർഷം ശവ്വാൽ മാസത്തിലെ ആദ്യ ദിവസമുള്ള ലോക മുസ്ലീങ്ങളുടെ ആഘോഷമാണ് ഈദുൽ ഫിത്ർ അഥവാ ചെറിയ പെരുന്നാൾ. ഈദുൽ ഫിത്വർ എന്നാൽ മലയാളിക്ക് ചെറിയ പെരുന്നാളാണ്.
ഈദ് എന്ന അറബിക് പദത്തിന് ആഘോഷം എന്നും ഫിത്ർ എന്ന പദത്തിന് നോമ്പു തുറക്കൽ എന്നുമാണ് അർത്ഥം. അതിനാൽ റമദാൻ മാസമുടനീളം ആചരിച്ച നോമ്പിന്റെ പൂർത്തികരണത്തിനൊടുവിലുള്ള നോമ്പുതുറ എന്നതാണ് ഈദുൽ ഫിത്ർ എന്നത് പ്രതിനിധാനം ചെയ്യുന്നത്. ഈദിന്റെ (പെരുന്നാളിന്റെ) ആദ്യ ദിനം റമദാൻ കഴിഞ്ഞു വരുന്ന മാസമായ ശവ്വാൽ ഒന്നിനായിരിക്കും.
Click it and Unblock the Notifications
Sign in with Google