• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Elections 2019

ഇടതുമുന്നണിയുടെ നേതൃസ്ഥാനത്ത് വിഎസ് തന്നെയെന്ന് പന്ന്യന്‍

  • By Anwar Sadath

പത്തനംതിട്ട: നിയമസഭാ തെരഞ്ഞെടുപ്പിലും വിഎസ് അച്യുതാനന്ദന്‍ ഇടതുമുന്നണിയെ നയിക്കുമെന്ന സൂചന നല്‍കിയ സിപിഐ നേതാവ് സി ദിവാകരന് പിന്നാലെ പന്ന്യന്‍ രവീന്ദ്രനും വിഎസ് അനുകൂല പ്രസ്താവനയുമായി രംഗത്തെത്തി. ഇടതുമുന്നണിയെ ഇപ്പോള്‍ നയിക്കുന്നത് വിഎസ് അച്യുതാനന്ദനാണെന്നാണ് പന്ന്യന്റെ നിലപാട്.

ഇടതുപക്ഷത്തെ ഏറ്റവും ജനകീയനായ നേതാവ് വിഎസ് തന്നെയാണ്. അതില്‍ മാറ്റമല്ല. അതേസമയം, നിയമസഭാ തെരഞ്ഞെടുപ്പില്‍ ആരു നയിക്കണമെന്നതിനെക്കുറിച്ചും മുഖ്യമന്ത്രി സ്ഥാനാര്‍ഥിയെക്കുറിച്ചും ചര്‍ച്ച ചെയ്യേണ്ട സമയമല്ല ഇതെന്ന് പന്ന്യന്‍ വ്യക്തമാക്കി. അക്കാര്യം പിന്നീട് ചര്‍ച്ചചെയ്ത് തീരുമാനമെടുക്കുമെന്നും അദ്ദേഹം പറഞ്ഞു.

നിയമസഭാ തെരഞ്ഞെടുപ്പില്‍ വിഎസ് മത്സരിക്കുമോ എന്ന് അദ്ദേഹം തന്നെ പറഞ്ഞിട്ടില്ല. അതുകൊണ്ടുതന്നെ അത്തരം ചര്‍ച്ചകള്‍ അപ്രസക്തമാണ്. വിഎസ്സിന്റെ മനസ്സറിഞ്ഞശേഷം മാത്രം ഈ വിഷയങ്ങള്‍ ചര്‍ച്ച ചെയ്യാന്‍ സാധിക്കൂ. ഇപ്പോള്‍ തദ്ദേശ തെരഞ്ഞെടുപ്പാണ് ഇടതുമുന്നണിക്ക് മുന്നിലുള്ളത്. തെരഞ്ഞെടുപ്പ് പ്രചരണം നയിക്കുന്നത് വിഎസ് ആണെന്നും പന്ന്യന്‍ വ്യക്തമാക്കി.

വിഎസ് അച്യുതാനന്ദന്‍ നിയമസഭാ തെരഞ്ഞെടുപ്പില്‍ മുഖ്യമന്ത്രി സ്ഥാനാര്‍ഥിയാകുമോ എന്ന കാര്യത്തില്‍ ഇടതുമുന്നണിയിലെ ചില നേതാക്കള്‍ വിരുദ്ധാഭിപ്രായങ്ങള്‍ പറഞ്ഞിരുന്നു. ഇതേതുടര്‍ന്നാണ് പിണറായി വിജയനാണോ വിഎസ് ആണോ തെരഞ്ഞെടുപ്പ് നയിക്കുക എന്ന ചര്‍ച്ച ഉയരാന്‍ ഇടയായത്. എന്നാല്‍ വിഎസ് അച്യുതാനന്ദന്‍ വിഷയത്തില്‍ പ്രതികരിച്ചിട്ടില്ല.

English summary
election campaign; pannyan raveendran support v s achuthanandan
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more