Click it and Unblock the Notifications
Just In
Don't Miss
-
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ! -
മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ -
കോടിക്കണക്കിന് രൂപയുടെ ആസ്തി... ആഡംബര കാറുകള് എന്നിട്ടും മക്കൾക്കൊപ്പം ഓട്ടോയിൽ സഞ്ചരിച്ച് നയൻതാര! -
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
ജോസഫിനും യുഡിഎഫിനും കനത്ത തിരിച്ചടി; രണ്ടില ചിഹ്നം ജോസിനെന്ന് തിര. കമ്മീഷന്‍
ദില്ലി: കേരള കോണ്‍ഗ്രസ് എമ്മിന്‍റെ രണ്ടില ചിഹ്നം ജോസ് കെ മാണി വിഭാഗത്തിന് അവകാശപ്പെട്ടതെന്ന് വ്യക്തമാക്കി തിരഞ്ഞെടുപ്പ് കമ്മീഷന്‍. പിജെ ജോസഫ് വിഭാഗത്തിനും ജോസിനെ മുന്നണിയില്‍ നിന്ന് പുറത്താക്കാന‍് ഒരുങ്ങുന്ന യുഡിഎഫിനും കനത്ത തിരിച്ചടിയാണ് തിരഞ്ഞെടുപ്പ് കമ്മീഷന്റെ തീരുമാനം. കമ്മീഷനിലെ മൂന്നില്‍ രണ്ട് അംഗങ്ങളുടെ പിന്തുണയോടെയാണ് ജോസിന് ചിഹ്നം അനുവദിക്കപ്പെട്ടത്. ഒരംഗം ജോസ് വിഭാഗത്തിന് രണ്ടില ചിഹ്നം അനുവദിക്കുന്നതിനെ എതിര്‍ത്തപ്പോള്‍ രണ്ട് അംഗങ്ങള്‍ അനുകൂലിച്ചു. ഏറെ നാളായി ചിഹ്നം സംബന്ധിച്ച് ഇരുവിഭാഗങ്ങളും തർക്കം തുടരുകയായിരുന്നു.
സത്യത്തിന്‍റെ വിജയം
സത്യത്തിന്‍റെ വിജയം എന്നായിരുന്നു തിരഞ്ഞെടുപ്പ് കമ്മീഷന്‍ തീരുമാനത്തോടുള്ള ജോസ് കെ മാണിയുടെ ആദ്യ പ്രതികരണം. അതേസമയം തീരുമാനത്തിനെതിരെ അപ്പീല്‍ നല്‍കുമെന്ന് പിജെ ജോസഫ് അറിയിച്ചു. യുഡിഎഫിന് പുറത്തേക്ക് പോവാന്‍ ഒരുങ്ങുന്ന ജോസ് കെ മാണിയെ സംബന്ധിച്ച് കമ്മീഷന്‍ തീരുമാനം ഏറെ ആശ്വാസകരമാണ്.
ജോസിന്‍റെ നിലപാട്
ചിഹ്നത്തിന്‍റെ കാര്യത്തില്‍ തീരുമാനം വന്നതിന് ശേഷം ഇടതുമുന്നണി പ്രവേശനത്തിന്‍റെ കാര്യത്തില്‍ തീരുമാനം എന്നായിരുന്നു ജോസിന്‍റെ നിലപാട്. തദ്ദേശ തിരഞ്ഞെടുപ്പില്‍ തങ്ങളുടെ ശക്തി തെളിയിക്കാന്‍ ജോസിന് ചിഹ്നം ഏറെ അനുകൂല ഘടകമാവും. അതേസമയം മറുവശത്ത് പിജെ ജോസഫിനെ സംബന്ധിച്ച് ചിഹ്നം നഷ്ടം വലിയ തിരിച്ചടിയുമാവുന്നു. നിലവിലെ സാഹചര്യത്തില്‍ ഉപതിരഞ്ഞെടുപ്പില്‍ അവര്‍ പുതിയ ചിഹ്നം തേടേണ്ടി വരും.
മാണിയുടെ നിര്യാണത്തിന് പിന്നാലെ
കെഎം മാണിയുടെ നിര്യാണത്തിന് പിന്നാലെ കേരള കോണ്‍ഗ്രസ് എമ്മില്‍ രൂപപ്പെട്ട അധികാര വടംവലിയുടെ ബാക്കിപത്രമായിട്ടായിരുന്നു ചിഹ്നത്തെ കുറിച്ചുള്ള തര്‍ക്കവും ഉയര്‍ന്നു വരുന്നത്. രണ്ടില ചിഹ്നത്തിന്‍റെ യഥാര്‍ത്ഥ അവകാശി ആരെന്ന് വ്യക്തമാവാത്ത പശ്ചാത്തലത്തില്‍ പാലാ ഉപതിരഞ്ഞെടുപ്പില്‍ പാര്‍ട്ടി കേരള കോണ്‍ഗ്രസ് എം സ്ഥാനാര്‍ത്ഥിക്ക് പാര്‍ട്ടി ചിഹ്നം അനുവദിക്കപ്പെട്ടിരുന്നില്ല.
നേരത്തെ ജോസഫിന് അനുകൂലം
എന്നാല്‍ 2019 നവംബര്‍ 30 ന് കോട്ടയം അകലക്കുന്നം ഗ്രാമപ്പഞ്ചായത്തിലെ പൂവത്തിളപ്പ് വാര്‍ഡ് ഉപതിരഞ്ഞെടുപ്പുമായി ബന്ധപ്പെട്ട് പിജെ ജോസഫ് വിഭാഗത്തിന് സംസ്ഥാന തിരഞ്ഞെടുപ്പ് കമ്മീഷന്‍ രണ്ടില ചിഹ്നം അനുവദിച്ചിരുന്നു. പാര്‍ട്ടി വര്‍ക്കിങ് ചെയര്‍മാനായ പിജെ ജോസഫ് നിര്‍ദേശിക്കുന്ന സ്ഥാനാര്‍ഥിക്ക് രണ്ടില ചിഹ്നം അനുവദിക്കാമെന്ന് വരണാധികാരിയെ തിരഞ്ഞെടുപ്പ് കമ്മിഷന്‍ അറിയിക്കുകയായിരുന്നു.
2020 ജനുവരി 20 ന്
എന്നാല്‍ 2020 ജനുവരി 20 ന് രണ്ടില ചിഹ്നം കേന്ദ്ര തിരഞ്ഞെടുപ്പ് കമ്മീഷന്‍ മരവിപ്പിച്ചത് ജോസഫ് വിഭാഗത്തിന് കനത്ത തിരിച്ചടിയായി. ജോസ് കെ മാണി വിഭാഗത്തിന്റെ പരാതിയില്‍ പ്രാഥമിക വാദം കേട്ട ശേഷമാണ് തിരഞ്ഞെടുപ്പ് കമ്മീഷന്റെ നടപടി. പിജെ ജോസഫ് വിഭാഗം രണ്ടില ചിഹ്നം ദുരുപയോഗം ചെയ്യുന്നുവെന്ന് കാട്ടി ജോസ് സമര്‍പ്പിച്ച പരാതിയിലായിരുന്നു കമ്മീഷന്‍ നടപടി.
