• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ഉടമയ്ക്ക് യാത്രാമൊഴി നൽകുന്ന ആന; വൈകാരിക രംഗങ്ങൾ.. വീഡിയോ വൈറൽ

കോട്ടയം; 25 വർഷം സ്നേഹിച്ച് പരിപാലിച്ച പാപ്പാന് യാത്രാമൊഴി നൽകുന്ന ആനയുടെ വീഡിയോ, വൈകാരികമായ ആ രംഗങ്ങൾ ഇന്നിപ്പോൾ സോഷ്യൽ മീഡിയയിൽ വൈറലാണ്. കോട്ടയം സ്വദേശിയായ ളാക്കാട്ടൂർ കുന്നക്കാട്ട് ദാമോദരൻ നായരാണ് അന്തരിച്ചത്. കാൻസർ രോഗ ബാധിതനായിരുന്നു അദ്ദേഹം. തന്റെ സ്നേഹനിധിയായ പാപ്പാന് അന്തിമോപചാരം അർപ്പിക്കാൻ എത്തിയപ്പോഴുള്ള ആനയുടെ രംഗങ്ങളാണ് വീഡിയോയിൽ ഉള്ളത്.

പുല്ലാട്ട് ബ്രഹ്മദത്തൻ എന്ന ആനയാണ് പാപ്പാനെ അവസാനമായി കാണാൻ എത്തിയത്. അദ്ദേഹത്തിന്റെ ഭൗതിക ശരീരത്തിന് അടുത്തെത്തി ബ്രഹ്മദത്തൻ പല തവണ തുമ്പികൈ ഉയർത്തി കാണിക്കുന്നത് വീഡിയോ കാണാം. ആനയുടെ വൈകാരിക പ്രകടനങ്ങൾ കണ്ടുനിൽക്കുന്നവരെ പോലും കണ്ണീരിലാഴ്ത്തുന്നതായിരുന്നു. ദാമോദരന്റെ മകനായ രാജേഷ് ആനയുടെ തുമ്പിക്കൈയ്യിൽ പിടിച്ച് പൊട്ടിക്കരയുന്നത് വീഡിയോയിൽ ഉണ്ട്.. മിനിറ്റുകളോളം മൃതദേഹത്തിനടുത്ത് നിന്നതിന് ശേഷമാണ് ആന മടങ്ങിയത്.

ഓമനച്ചേട്ടൻ എന്ന് വിളിക്കുന്ന ദാമോദരൻ കഴിഞ്ഞ 25 വർഷമായി ബ്രഹ്മദത്തന്റെ പാപ്പാനാണ്. കേരളത്തിലെ പലക്ഷേത്രങ്ങളിലും ഓമനച്ചേട്ടനും അദ്ദേഹത്തിന്റെ ബ്രഹ്മദത്തനും സ്ഥിരം സാന്നിധ്യമായിരുന്നു. പുതുപ്പള്ളി സ്വദേശിയായ ആളുടെ ഉടമസ്ഥതയിലായിരുന്നു ആദ്യം ബ്രഹ്മദത്തൻ ഉണ്ടായിരുന്നത്. അന്നും ഓമനച്ചേട്ടൻ തന്നെയായിരുന്നു പാപ്പാൻ. പിന്നീട് ഇപ്പോഴത്തെ ബ്രഹ്മദത്തന്റെ ഉടമകളും സഹോദരങ്ങളുമായ പല്ലാട്ട് രാജേഷും മനോജും ആനയെ വാങ്ങുകയായിരുന്നു.

മാലിന്യക്കൂമ്പാരത്തിനിടയിലെ ജീവിതങ്ങൾ; ലോകപരിസ്ഥിതി ദിനത്തിൽ കാണേണ്ട ചിത്രങ്ങൾ

ബ്രഹ്മദത്തനെ കാണണമെന്നതായിരുന്നു ഓമനച്ചേട്ടന്റെ അവസാനത്തെ ആഗ്രഹം .അതുകൊണ്ടാണ് തങ്ങൾ ആനയെ എത്തിച്ചതെന്ന് രാജേഷും മനോജും പറയുന്നു. തന്റെ മകനെ പോലെയാണ് ബ്രഹ്മദത്തനെ ഓമനച്ചേട്ടൻ കണ്ടിരുന്നത്. ഞങ്ങളുടെ കുടുംബാഗത്തെ പോലെയാണ് ഓമച്ചേട്ടൻ. ആനപരിപാലനത്തിൽ ആറുപതിറ്റാണ്ടിന്റെ അനുഭവസമ്പത്ത് ഓമനച്ചേട്ടനുണ്ട്, ആനകളെ കുഞ്ഞുങ്ങളെ പോലെ പരിപാലിക്കുകയും ആനകൾ തിരിച്ച് സ്നേഹിക്കുകയും ചെയ്യുന്ന അപൂർവ്വം പാപ്പാൻമാരിൽ ഒരാളാണ് ഓമനച്ചേട്ടൻ എന്നും അവർ പറഞ്ഞു.

ഹോട്ട് ലുക്കിൽ നടി ഇതി ആചാര്യ.. ചിത്രങ്ങൾ

cmsvideo
    Tusker Brahmadathan came to see his beloved mahout for last time leaving spectators in tear

    English summary
    elephant giving last tribute to its mahout ,video goes viral
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X