ഇന്ത്യയുടെ ബഹുസ്വരത സംരക്ഷിക്കാന് ജനാധിപത്യ വിശ്വാസികള് ജാകരൂകരായിരിക്കണം: ഇഎം സതീശന്
വടകര: ഇന്ത്യയുടെ ബഹുസ്വരത സംരക്ഷിക്കാന് ജനാധിപത്യ വിശ്വാസികള് ജാകരൂകരായിരിക്കണമെന്ന് ഇഎം സതീശന് പറഞ്ഞു. ഭൂരിപക്ഷ വര്ഗ്ഗീയതാ വാദം ഉപയോഗിച്ച് മഹത്തായ ഇന്ത്യന് സംസ്കാരത്തെ വളച്ചൊടിക്കുകയും ഹിന്ദു രാഷ്ട്ര വാദം ശക്തിപ്പെടുത്തുകയും ചെയ്യുന്ന അധികാരവര്ഗ്ഗ രാഷ്ട്രീയത്തെ തിരിച്ചറിഞ്ഞ് ഇന്ത്യയുടെ ബഹുസ്വരത സംരക്ഷിക്കാന് ജനാധിപത്യ വിശ്വാസികള് ജാകരൂകരായിരിക്കണമെന്ന് യുവകലാസാഹിതി സംസ്ഥാന സെക്രട്ടറി ഇഎം സതീശന് അഭിപ്രായപ്പെട്ടു.
'ദേശീയത, മാനവികത,ബഹുസ്വരത' എന്ന വിഷയത്തില് സംസ്ഥാന വ്യാപകമായി യുവകലാസാഹിതി സംഘടിപ്പിക്കുന്ന പ്രഭാഷണ പരമ്പരയുടെ ഭാഗമായി വടകര പുതിയ ബസ് സ്റ്റാന്റ് പരിസരത്ത് നടന്ന പരിപാടിയില് സംസാരിക്കുകയായിരുന്നു അദ്ദേഹം. യുവകലാസാഹിതി വടകര മണ്ഡലം കമ്മിറ്റി സംഘടിപ്പിച്ച പരിപാടിയില് ആര്ട്ടിസ്റ്റ് രാംദാസ് അധ്യക്ഷത വിഹിച്ചു. പ്രശസ്ത ഗാനരചയിതാവ് ഇവി വത്സനെ ചടങ്ങില് ആദരിച്ചു.
കഴിഞ്ഞ ദിവസം നിര്യാതനായ യുവ കവി ജിനേഷ് മടപ്പള്ളിക്ക് സമ്മേളനം ആദരാഞ്ജലികള് അര്പ്പിച്ചു. വടകര നഗരസഭ ഉപാധ്യക്ഷ പി ഗീത, സോമന് മുതുവന, റൂബി, അഷറഫ് കുരുവട്ടൂര്, പി കെ ബാലകൃഷ്ണന്, എന് പി അനില്കുമാര്, മനോജ് കുയ്യാലില്, പി അനീഷ്, കെ പി രമേശന് എന്നിവര് സംസാരിച്ചു.