Click it and Unblock the Notifications
Just In
Don't Miss
-
വേനൽക്കാല യാത്രയിലെ ട്രെൻഡിങ് ഇടങ്ങൾ.. ഗൂഗിളിന്റെ ലിസ്റ്റ്.. ഇതിലേതാണ് നിങ്ങളുടെ ഇടം? -
ഫാഷൻ ലോകത്തെ താര റാണി; കൈയിലെത്തുന്നത് കോടികൾ; മാളവികയുടെ സമ്പാദ്യം; റിപ്പോർട്ട് -
IPL 2024: ഡിക്കെ എന്തിനു ലോകകപ്പ് ടീമില്? റായുഡുവിനെ കളിയാക്കി ഇര്ഫാന്, സഞ്ജു മതി -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഇടംകൈയ്യനിൽ ഒതുങ്ങില്ല! ലോകത്തെ ആദ്യ റൈറ്റ് ഹാൻഡ് ഡ്രൈവ് ഹമ്മർ ഇവി ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
ഹൈഡ്രോളിക് സംവിധാനത്തില്‍ തകരാര്‍; എയര്‍ ഇന്ത്യ എക്‌സ്പ്രസിന്റെ ലാന്റിംഗിന് കൊച്ചിയില്‍ അടിയന്തരാവസ്ഥ
കൊച്ചി: ഷാര്‍ജ-കൊച്ചി വിമാനത്തിന്റെ ലാന്‍ഡിംഗിനിടെ നെടുമ്പാശ്ശേരി വിമാനത്താവളത്തില്‍ അടിയന്തരാവസ്ഥ പ്രഖ്യാപിച്ചു. ഷാര്‍ജയില്‍ നിന്ന് കൊച്ചിയിലേക്കുള്ള ഐഎക്സ് 412-ല്‍ ഉണ്ടായ ഹൈഡ്രോളിക് സംവിധാനത്തിലെ തകരാറിനെ തുടര്‍ന്നാണ് വിമാനത്താവളത്തില്‍ അടിയന്തരാവസ്ഥ പ്രഖ്യാപിച്ചത്.
ഇന്നലെ രാത്രി 8.04 ന് നെടുമ്പാശ്ശേരിയില്‍ ഇറങ്ങേണ്ടതായിരുന്നു വിമാനം. എന്നാല്‍ ഹൈഡ്രോളിക് സംവിധാനത്തിലെ തകരാര്‍ ശ്രദ്ധയില്‍പ്പെട്ടതിനെ തുടര്‍ന്ന് സമ്പൂര്‍ണ അടിയന്തരാവസ്ഥ പ്രഖ്യാപിച്ചതിന് ശേഷം 8.26 ന് ആണ് വിമാനം സുരക്ഷിതമായി ഇറക്കിയത് എന്ന് കൊച്ചിന്‍ ഇന്റര്‍നാഷണല്‍ എയര്‍പോര്‍ട്ട് ലിമിറ്റഡ് (സിയാല്‍) പ്രസ്താവനയില്‍ പറഞ്ഞു.
പിന്നീട് അടിയന്തരാവസ്ഥ പിന്‍വലിച്ചു എന്നും കൊച്ചിന്‍ ഇന്റര്‍നാഷണല്‍ എയര്‍പോര്‍ട്ട് ലിമിറ്റഡ് അറിയിച്ചു. മറ്റ് വിമാനങ്ങളുടെ വഴിതിരിച്ചുവിടലോ റണ്‍വേ തടസ്സങ്ങളോ ഉണ്ടായില്ല എന്നും അടിയന്തരാവസ്ഥ പിന്‍വലിച്ചതിന് ശേഷം വിമാനത്താവള പ്രവര്‍ത്തനങ്ങള്‍ സാധാരണ നിലയിലായി എന്നും അധികൃതര്‍ പറഞ്ഞു.
ഷാര്‍ജ-കൊച്ചി വിമാനത്തിന് അടിയന്തര ലാന്‍ഡിംഗ് നടത്തേണ്ടി വന്നിട്ടില്ല എന്ന് എയര്‍ ഇന്ത്യ എക്സ്പ്രസ് വക്താവ് വ്യക്തമാക്കി. ഹൈഡ്രോളിക് പ്രഷര്‍ സിസ്റ്റത്തില്‍ ഏറ്റക്കുറച്ചിലുകള്‍ ഉണ്ടായിരുന്നു എന്നും ഇത് ശ്രദ്ധയില്‍പ്പെട്ട പൈലറ്റ് മുന്‍കരുതല്‍ നടപടിയായി എ ടി സിയെ വിവരമറിയിക്കുകയായിരുന്നു എന്നും അദ്ദേഹം പറഞ്ഞു.
193 യാത്രക്കാരും ആറ് ജീവനക്കാരുമാണ് വിമാനത്തിലുണ്ടായിരുന്നത്. നെടുമ്പാശേരിയില്‍ ഇറങ്ങാന്‍ മിനിറ്റുകള്‍ മാത്രം ശേഷിക്കെ ആയിരുന്നു സാങ്കേതിക തകരാര്‍ പൈലറ്റ് ശ്രദ്ധിക്കുന്നത്. ഇതോടെ വിമാനത്താവളത്തില്‍ പൂര്‍ണ്ണ അടിയന്തരാവസ്ഥ പ്രഖ്യാപിച്ചു.
സങ്കീര്‍ണമായ ഏത് സാഹചര്യവും നേരിടാന്‍ ഫയര്‍ഫോഴ്സും ആംബുലന്‍സുകളും സുരക്ഷ ക്രമീകരണങ്ങളും സജ്ജമാക്കിയിരുന്നു. സമീപത്തെ ആശുപത്രികളായ ആലുവ, അങ്കമാലി എന്നിവിടങ്ങളിലെ സ്വകാര്യ ആശുപത്രികള്‍ക്കും സന്ദേശം കൈമാറിയിരുന്നു.
അതേസമയം വിമാനത്തിന്റെ തകരാര്‍ പരിഹരിച്ച ശേഷം ഡയറക്ടര്‍ ജനറല്‍ ഓഫ് സിവില്‍ ഏവിയേഷന്റെ അനുമതി ലഭിച്ചാല്‍ മാത്രമേ ഇനി സര്‍വീസ് നടത്താനാവൂ എന്നാണ് അധികൃതര്‍ അറിയിക്കുന്നത്.
