കത്തിയ മൃതദേഹം ശ്മശാനത്തിലെ കക്കൂസില്‍, ജീവനക്കാര്‍ക്കെതിരെ കേസ്

കൊച്ചി: പാതി കത്തിയ മൃതദേഹം ശ്മശാനത്തിലെ കക്കൂസില്‍ കണ്ടെത്തി. കൊച്ചി തൃപ്പൂണിത്തുറയിലെ ഇരുമ്പം ശ്മശാനത്തിലാണ് ഇങ്ങനെയൊരു സംഭവം നടന്നത്. മൃതദേഹത്തോട് അനാദരവ് കാട്ടിയ ശ്മശാന ജീവനക്കാര്‍ക്കെതിരെ പോലീസ് കേസെടുക്കുകയും ചെയ്തു.

പാതി കത്തിയ മൃതദേഹം ജീവനക്കാര്‍ ശുചിമുറിയിലേക്ക് തള്ളുകയായിരുന്നുവെന്നാണ് റിപ്പോര്‍ട്ട്. ഇരുമ്പം സ്വദേശി ശശിധരന്റെ മൃതദേഹമാണ് ശുചിമുറിയില്‍ നിന്നും കണ്ടെത്തിയത്. രാവിലെയാണ് ശ്മശാനത്തില്‍ മൃതദേഹം എത്തിച്ചത്. ചടങ്ങുകളൊക്കെ കഴിഞ്ഞ് ഉച്ചയോടെ ബന്ധുക്കള്‍ മടങ്ങുകയായിരുന്നു. പിന്നീട് മറ്റൊരു മൃതദേഹം സംസ്‌കരിക്കാന്‍ എത്തിയപ്പോഴാണ് ശുചിമുറിയില്‍ കത്തിയ ജഡം കാണുന്നത്.

ശുചിമുറിയില്‍ കയറി നോക്കിയ നാട്ടുകാരാണ് മൃതദേഹം കാണുന്നത്. പിന്നീട് പ്രദേശത്ത് സംഘര്‍ഷാവസ്ഥ നിലനില്‍ക്കുകയായിരുന്നു. രംഗം വഷളായപ്പോള്‍ പോലീസും നഗരസഭ ചെയര്‍മാനും സ്ഥലത്തെത്തി.

ജീവനക്കാര്‍ ചിത വെള്ളം ഒഴിച്ചു കെടുത്തിയശേഷം ശുചിമുറിയിലേക്ക് തള്ളുകയാണുണ്ടായത്. ജീവനക്കാര്‍ മദ്യപിച്ചിരുന്നതായാണ് റിപ്പോര്‍ട്ട്. ജീവനക്കാര്‍ക്കെതിരെ നടപടി സ്വീകരിക്കണമെന്ന് നാട്ടുകാര്‍ പ്രതിഷേധിക്കുകയും പിന്നീട് പോലീസ് കേസ് ചാര്‍ജ് ചെയ്യുകയുമായിരുന്നു.

English summary

employees of crematorium accused for finding half burnt dead body in crematorium toilet