ചാനല്‍ അവതാരകയുടെ തട്ടിപ്പ് ആദ്യമായല്ല, പണ്ടും അറസ്റ്റിലായി

By Soorya Chandran

Updated: Thursday, May 14, 2015, 11:13 [IST]

കൊച്ചി: എന്‍ജിനീയറിംഗ് അഡ്മിഷന്റെ പേരില്‍ പത്ത് കോടി രൂപയുടെ തട്ടിപ്പ് നടത്തിയതിന് അറസ്റ്റിലായ ചാനല്‍ അവതാരക രാരി ജയേഷും ഭര്‍ത്താവ് ജയേഷും തട്ടിപ്പ് നടത്തുന്നത് ആദ്യമായിട്ടല്ലെന്ന് റിപ്പോര്‍ട്ട്. വ്യാജ കോഴ്‌സ് നടത്തിയതിന് ഇതിന് മുമ്പും ഇവരെ പോലീസ് അറസ്റ്റ് ചെയ്തിട്ടുണ്ട്.

രാഷ്ട്രീയ നേതാക്കളോട് അടുത്ത ബന്ധം പുലര്‍ത്തിയിരുന്നു ഇവര്‍. രാരി കൊല്ലത്തെ ഒരു പ്രമുഖ സിപിഎം നേതാവിന്റെ മകളും ആണ്. കേരളത്തിലും പുറത്തും ഉള്ള ബിജെപി നേതാക്കളുമായി അടുത്ത ബന്ധമാണ് ഇവര്‍ക്ക് ഉണ്ടായിരുന്നത്.

ആദ്യതട്ടിപ്പ്

2010 വ്യാജ കോഴ്‌സ് നടത്തിയതിനാണ് ചാനല്‍ അവതാരകയായ രാരിയും ഭര്‍ത്താവ് ജയേഷും ആദ്യമായി അറസ്റ്റിലാകുന്നത്.

വ്യാജ കോഴ്‌സ്

ഇവരുടെ ആദിത്യ അക്കാദമിയില്‍ ആക്‌സിഡന്റ് ട്രോമ എന്ന കോഴ്‌സ് നടത്തിയായിരുന്നു അന്ന് തട്ടിപ്പ് . വിദ്യാര്‍ത്ഥികളുടെ പരാതിയില്‍ പോലീസ് അന്ന് അവരെ അറസ്റ്റ് ചെയ്തു.

അംഗീകരമില്ലാത്ത കോഴ്‌സ്

പഞ്ചാബ് യൂണിവേഴ്‌സിറ്റിയുടെ അംഗീകാരമുള്ള കോഴ്‌സ് ആണെന്നാണ് പറഞ്ഞിരുന്നത്. അമേരിക്കന്‍ ഹാര്‍ട്ട് ഫൗണ്ടേഷന്റേയും നാഷണല്‍ ട്രോമകെയര്‍ സൊസൈറ്റിയുടേയും അഫിലിയേഷന്‍ ഉള്ള കോഴ്‌സ് എന്നായിരുന്നു വിദ്യാര്‍ത്ഥികളെ തെറ്റിദ്ധരിപ്പിച്ചത്.