എന്ട്രന്സ് കോച്ചിങ് അഴിമതിയില് കുരുങ്ങി മാനന്തവാടി ബ്ലോക്ക് പഞ്ചായത്ത്; പ്രസിഡന്റ് പ്രീതാരാമന് ഉള്പ്പെടെ ഏഴ്പേര്ക്കെതിരെ കേസ്
മാനന്തവാടി: എന്ട്രന്സ് കോച്ചിങ് അഴിമതിയില് കുരുങ്ങി മാനന്തവാടി ബ്ലോക്ക് പഞ്ചായത്ത്. പ്രസിഡന്റ് പ്രീതാരാമന് ഉള്പ്പെടെ ഏഴ് പേര്ക്കെതിരെ കേസ്. 2015-16 സാമ്പത്തിക വര്ഷത്തിലെ ടി.എസ്.പി.ഫണ്ടിലെ 37 ലക്ഷത്തോളം രൂപ ഉപയോഗിച്ച് എസ് ടി വിദ്യാര്ത്ഥികള്ക്ക് എന്ട്രന്സ് പരിശീലനം നല്കിയെന്ന പേരില് വ്യാജരേഖ ചക്കുകയും വ്യാജസര്ട്ടിഫിക്കറ്റ് നല്കിയെന്നുമാണ് വിജിലന്സ് കേസ്.
പ്രീതാരാമനെ കൂടാതെ വൈസ് പ്രസിഡന്റ് കെ.ജെ പൈലി, വികസനകാര്യ സ്റ്റാന്റിംഗ് കമ്മറ്റി ചെയര്പേഴ്സണ് ഗീതബാബു, വിദ്യാഭ്യസ ആരോഗ്യ കാര്യ സ്റ്റാന്റിംഗ് കമ്മറ്റി ചെയര്പേഴ്സണ് തങ്കമ്മയേശുദാസ്,ബ്ലോക്ക് പഞ്ചായത്ത് സെക്രട്ടറി സി കെ.മോഹനന്നായര്,ഹെഡ് ക്ലാര്ക്ക് സിബി തോമസ് അമേരിക്കന് എഡ്യുക്കേഷന് ഇന്സ്റ്റിറ്റ്യൂട്ട് പി ആര് ഒ കെ.പി.ഫിലിപ്പ് എന്നിവര്ക്കെതിരെയാണ് വയനാട് വിജിലന്സ് ആന്റ് ആന്റികറപ്ഷന് ബ്യൂറോ എഫ് ഐ ആര് രജിസ്റ്റര് ചെയ്തിരിക്കുന്നത്. 34 ലക്ഷത്തോളം രൂപയുടെ പദ്ധതിയാണ് ടി.എസ്.പി ഫണ്ട് ഉപയോഗിച്ച് ബ്ലോക്ക് പഞ്ചായത്ത് ആവിഷ്കരിച്ചത്.
മാനന്തവാടി ബ്ലോക്കിന് കീഴിലുള്ള വിവിധ ഹയര് സെക്കന്ഡറി സ്കൂളിലെ വിദ്യാര്ഥികള്ക്ക് എന്ട്രന്സ് പരിശീലനം നല്കുകയായിരുന്നു ലക്ഷ്യം. പി കെ കാളന് മെമ്മോറിയല് കോളജ്, നല്ലൂര്നാട് അംബേദ്കര് റസിഡന്ഷ്യല് സ്കൂള് എന്നിവിടങ്ങളിലായി 205 വിദ്യാര്ഥികള്ക്ക് പരിശീലനം നല്കിയതായാണ് രേഖയിലുള്ളത്. പരിശീലനത്തിന് ഒരു വിദ്യാര്ഥിക്ക് 1600 രൂപയാണ് നിശ്ചയിച്ചിരുന്നത്. പഠനോപകരണങ്ങള്, യാത്ര, ഭക്ഷണം തുടങ്ങിയവയും നല്കണം. ഇതുപ്രകാരം 205 വിദ്യാര്ഥികള്ക്ക് ഇരുസ്ഥാപനങ്ങളിലുമായി പരിശീലനം നല്കിയെന്നും പറയുന്നു. എന്നാല് ഇതില് പകുതിപേര്ക്ക് പോലും പരിശീലനം ലഭിച്ചില്ലെന്ന് പരാതിയുയര്ന്നിരുന്നു. മുഴുവന് കുട്ടികളും എല്ലാദിവസവും പരിശീലനത്തില് പങ്കെടുത്തതായി കാണിച്ച് തുക കൈപ്പറ്റാനായിരുന്നു ശ്രമം.
ഇതിനായി പരിശീലനം നല്കാന് ചുമതലപ്പെടുത്തിയ സ്ഥാപനം ബ്ലോക്ക് പഞ്ചായത്ത് ഓഫിസര് സമീപിച്ചപ്പോഴാണ് സംഭവം വിവാദമാകുന്നത്. തുടര്ന്ന് അന്വേഷണവും ആരംഭിച്ചു. ഒടുവില് പണം നല്കാന് ബ്ലോക്ക് പഞ്ചായത്ത് ഭരണ സമിതി നടപടികള് തുടങ്ങിയിരുന്നുവെങ്കിലും പദ്ധതിയിലെ ക്രമക്കേട് സംബന്ധിച്ച് നിരന്തരമായി മാധ്യമ വാര്ത്തകള് വന്നതിനെ തുടര്ന്ന് ആ നീക്കം ഉപേക്ഷിക്കുകയായിരുന്നു. തലശ്ശേരി വിജിലന്സ് കോടതിയിലാണ് എഫ്ഐആര് സമര്പ്പിച്ചിരിക്കുന്നത്.ഐ.പി.സി 120 (ആ),420,465,468,471 ഐപിസി എന്ന വകുപ്പ് പ്രകാരമാണ് കേസ്
-
സര്വീസില് സ്ഥിരമാകും, വാഹനം വാങ്ങാനുള്ള ആഗ്രഹം സഫലമാകും, ഭൂമിയില് നിന്ന് കൂടുതല് വരുമാനം, നാൾഫലം -
സ്വർണ വില ഇന്നും താഴേക്ക്; 75,000 രൂപ വരെയെങ്കിലും പവന് വരുമോ? പഴയ സ്വർണം വിൽക്കേണ്ടവർ അറിയാൻ -
ഭക്ഷണം ശ്വാസകോശത്തിൽ കുടുങ്ങി, പിന്നാലെ കുഴഞ്ഞു വീണു; കാർത്തിക് സൂര്യയ്ക്ക് സംഭവിച്ചത് -
ദേശീയപാത 66; ചർക്കള-നീലേശ്വരം, നീലേശ്വരം-തളിപ്പറമ്പ് റീച്ചുകളുടെ പ്രവർത്തനം അന്തിമഘട്ടത്തിലേക്ക് -
സ്വർണ വില ഉച്ചയ്ക്കും ഇടിഞ്ഞു; മഞ്ഞലോഹത്തിൻ്റെ കുതിപ്പ് തീർന്നോ? ഇനി വിലക്കുറവിൻ്റെ നാളുകളോ? -
''ടേബിളിലിരുന്ന പാത്രം മമ്മൂക്ക എന്റെ നേരേ നീട്ടി, വിറയാർന്ന കൈകളാൽ അത് വാങ്ങി, അത് അപൂർവ്വ സുന്ദര നിമിഷം'' -
'മൊണാലിസയെ 35 കഷണങ്ങളാക്കും'; വിവാഹത്തിൽ വിദ്വേഷ പ്രസ്താവനയുമായി സാധ്വി പ്രാചി -
അഖിൽ മാരാർ കൊട്ടാരക്കരയിലേക്കല്ല, തൃപ്പൂണിത്തുറയിൽ? അതിലും രണ്ട് അഭിപ്രായം..സാബുവിനായി ബിജെപി -
അമേരിക്കക്ക് കനത്ത തിരിച്ചടി; ഇറാഖിൽ യുഎസ് ടാങ്കർ വിമാനം തകർന്ന് വീണു -
വര്ക്ക് ഫ്രം ഹോമിലേക്ക് ഈ നഗരങ്ങള്; ബെംഗളൂരുവിലും കൊച്ചിയിലും കമ്പനികള് ജീവനക്കാര്ക്ക് നല്കിയ നിര്ദേശം -
എൽദോസ് കുന്നപ്പിള്ളി കൊച്ചിയിലേക്കോ? നേമത്ത് ശബരിനാഥന്, മണ്ഡലം പിടിക്കാൻ മത്സരിപ്പിക്കണമെന്ന് മൂന്ന് എംപിമാർ -
ഹൈദരാബാദിൽ പാചകവാതക ക്ഷാമം രൂക്ഷം; ഹോസ്റ്റലുകളിൽ നിയന്ത്രണം, വർക്ക് ഫ്രം ഹോം ആവശ്യം ശക്തമാവുന്നു
Click it and Unblock the Notifications
Sign in with Google