Click it and Unblock the Notifications
Just In
Don't Miss
-
കാരണമില്ലെങ്കിലും ഉണ്ടാക്കിയെടുത്ത് വഴക്ക്; ദമ്പതികളുടെ വഴക്കിന് 10 സാധാരണ കാരണങ്ങള് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം -
കോൾ ഇന്ത്യ ഓഹരി 15% കുതിക്കും, ഇതാണ് കാരണം, ഓഹരി വാങ്ങാൻ ബ്രോക്കറേജ് നിർദ്ദേശം -
IPL 2024:ഫിഫ്റ്റി, 1 വിക്കറ്റ്, 3 ക്യാച്ച്; പക്ഷെ അക്ഷര് കളിയിലെ താരമായില്ല! റിഷഭിനായി ഒതുക്കി? -
സൂക്ഷിച്ചാൽ ദുഖിക്കേണ്ട! സെക്കൻഡ് ഹാൻഡ് ഫോൺ വാങ്ങുന്നവർ ശ്രദ്ധിക്കേണ്ട കാര്യങ്ങൾ -
ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
മുല്ലപ്പെരിയാറില്‍ പുതിയ ഡാം, മോദി സര്‍ക്കാര്‍ കേരളത്തിനൊപ്പം?
ദില്ലി: മുല്ലപ്പെരിയാര്‍ തര്‍ക്കത്തില്‍ കോടതിയില്‍ തോറ്റുകൊണ്ടിരിക്കുന്ന കേരളത്തിന് കേന്ദ്രം ഭരിക്കുന്ന നരേന്ദ്ര മോദി സര്‍ക്കാര്‍ തുണയാകുമോ. അപകടകരമായി സ്ഥിതിചെയ്യുന്ന മുല്ലപ്പെരിയാര്‍ അണക്കെട്ടിന് പകരം പുതിയ ഡാം പണിയാനുള്ള പരിസ്ഥിതി പഠനത്തിന് കേന്ദ്രസര്‍ക്കാര്‍ അനുമതി നല്‍കിയിരിക്കുകയാണ് ഇപ്പോള്‍.
കേന്ദ്ര വനം പരിസ്ഥിതി മന്ത്രാലയമാണ് കേരളത്തിന് അതീവ പ്രധാന്യമുള്ള ഈ അനുമതി നല്‍കിയത്. പുതിയ ഡാം നിര്‍മിക്കാനായി കേരളം നല്‍കിയ പദ്ധതി റിപ്പോര്‍ട്ടിന് തത്വത്തില്‍ അംഗീകാരമാണ് ഈ അനുമതി. മുല്ലപ്പെരിയാറില്‍ പുതിയ ഡാം കെട്ടുന്നതിന് വേണ്ടി ആവശ്യമായ പരിസ്ഥിതി പഠനങ്ങള്‍ നടത്താനാണ് അനുമതി.
പെരിയാര്‍ കടുവ സങ്കേതത്തിനുള്ളിലാണ് പുതിയ ഡാം നിര്‍മിക്കാന്‍ പദ്ധതിയിടുന്നത്. ഇതിനുള്ള പരിസ്ഥിതി പഠനം ആറ് മാസം കൊണ്ട് പൂര്‍ത്തിയാക്കാനാണ് കേരളത്തിന് നിര്‍ദ്ദേശം കിട്ടിയിരിക്കുന്നത്. മുല്ലപ്പെരിയാറില്‍ ഇപ്പോഴുള്ള ഡാമിന്റെ സുരക്ഷ മുന്‍നിര്‍ത്തിയാണ് കേരളം പുതിയ ഡാമിനായി അപേക്ഷ സമര്‍പ്പിച്ചിരിക്കുന്നത്.
എന്നാല്‍ പുതിയ ഡാം കെട്ടാന്‍ കേരളത്തിന് അനുവാദം നല്‍കരുത് എന്നാണ് തമിഴ്നാട് വാദിക്കുന്നത്. വന്യജീവി ബോര്‍ഡിന്റെ ശുപാര്‍ശയുടെ അടിസ്ഥാനത്തില്‍ പുതിയ ഡാം കെട്ടുന്നതില്‍ കേരളത്തെ വിലക്കണമെന്നാണ് തമിഴ്നാട് സുപ്രീം കോടതിയില്‍ വാദിക്കുന്നത്. മാത്രമല്ല, തമിഴ്‌നാടിന്റെ കൂടി അനുമതിയുണ്ടെങ്കിലേ പുതിയ ഡാം നിര്‍മിക്കാവൂ എന്ന് സുപ്രീം കോടതി വിധിയുണ്ടെന്നും തമിഴ്നാട് വാദിക്കുന്നു.
