കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

വിഎസ്സിനെ പ്രശംസിച്ച് ആര്യാടന്‍

  • By Soorya Chandran
Google Oneindia Malayalam News

തിരുവനന്തപുരം: പിണറായി വിജയന്‍ മുമ്പ് പറഞ്ഞതിനെ കുറ്റം പറയാന്‍ പറ്റില്ല. മറ്റ് പലര്‍ക്കും പാര്‍ട്ടിക്ക് പുറത്തു നിന്നുള്ള, ബൂര്‍ഷ്വാസികള്‍ അടക്കമുള്ളവരുടെ പിന്തുണ ലഭിച്ചപ്പോള്‍ തനിക്ക് പാര്‍ട്ടിയുടെ പിന്തുണയാണ് ലഭിച്ചത് എന്നായിരുന്നു പിണറായി പറഞ്ഞത്. ലാവലിന്‍ കേസില്‍ കുറ്റ വിമുക്തനാക്കപ്പെട്ടതിന് ശേഷം നടത്തിയ പത്ര സമ്മേളനത്തില്‍ ആണ് പിണറായി വിഎസ്സിനെ കൊള്ളിച്ച് ഇങ്ങനെ പറഞ്ഞത്.

പിണറായി വിജയന്‍ അന്ന് പറഞ്ഞത്, ഇപ്പോഴിതാ വീണ്ടും വന്നു ഭവിച്ചിരിക്കുന്നു. വിഎസ് അച്യുതാനന്ദനെ പ്രശംസിച്ചുകൊണ്ട് വൈദ്യുതി വകുപ്പ് മന്ത്രിയും മുതിര്‍ന്ന കോണ്‍ഗ്രസ് നേതാവും ആയ ആര്യാടന്‍ മുഹമ്മദ് ആണ് ഇപ്പോള്‍ രംഗത്തെത്തിയിരിക്കുന്നത്.

Aryadan Muhammed

ജനങ്ങള്‍ക്ക് വിഎസ്സില്‍ വിശ്വാസമുണ്ട് എന്നാണ് ആര്യാടന്‍ പറഞ്ഞത്. പ്രമാണിയായ കമ്യൂണിസ്റ്റ് എന്നും വിശേഷിപ്പിച്ചു. മറ്റ് കമ്യൂണിസ്റ്റ് നേതാക്കള്‍ക്ക് ഒരു പാരകൂടി ആര്യാടന്‍ വച്ചു. ജീവിച്ചിരിക്കുന്ന കമ്യൂണിസ്റ്റുകാരില്‍ മാന്യനായ കമ്യൂണിസ്റ്റാണ് വിഎസ് എന്നാണ് ആര്യാടന്‍ പറഞ്ഞത്.

പാര്‍ട്ടിക്കുള്ളില്‍ വിഎസ് തെറ്റ് ചെയ്തിട്ടുണ്ടോ എന്നതൊന്നും നാട്ടുകാര്‍ക്ക് പ്രശ്‌നമല്ല. ജനങ്ങള്‍ക്ക് വിശ്വാസമുള്ള നേതാവ് തന്നെയാണ് വിഎസ് അച്യുതാനന്ദന്‍ എന്നും ആര്യാടന്‍ പറഞ്ഞു.

'വരയില്‍ വിരിയുന്ന വിഎസ്' എന്ന കെബി ഹരികുമാറിന്റെ കാര്‍ട്ടൂണ്‍ സമാഹാരം തിരുവനന്തപുരം വിജെടി ഹാളില്‍ പ്രകാശനം ചെയ്യുകയായിരുന്നു ആര്യാടന്‍.

English summary
People believe in VS Achuthanandan, says Araydan .
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X