നഗ്നചിത്രം പ്രചരിപ്പിക്കുമെന്ന് ഭീഷണി, പണം തട്ടല്‍

തിരുവനന്തപുരം: പ്രായപൂര്‍ത്തിയാകാത്ത പെണ്‍കുട്ടിയെ ലൈംഗികമായി പീഡിപ്പിച്ച് നഗ്ന ചിത്രങ്ങള്‍ പകര്‍ത്തി. ഈ ചിത്രങ്ങള്‍ ഫേസ്ബുക്കില്‍ പ്രചരിക്കുമെന്ന് പറഞ്ഞ് പെണ്‍കുട്ടിയില്‍ നിന്ന് പണം തട്ടിയതായി പരാതി.

തിരുവനന്തപുരം സ്വദേശിയായ പെണ്‍കുട്ടിയാണ് പീഡനത്തിന് ഇരയാത്. തുടര്‍ച്ചയായി ഭീഷണിപ്പെടുത്തി പണം തട്ടിയെടുത്തപ്പോഴാണ് പെണ്‍കുട്ടി വിവരം വീട്ടുകാരെ അറിയിച്ചത്. തുടര്‍ന്ന് വീട്ടുകാര്‍ പേട്ട പോലീസ് സ്‌റ്റേഷനില്‍ പരാതി നല്‍കുകയായിരുന്നു.

പെണ്‍കുട്ടിയും യുവാവും തമ്മില്‍ ആദ്യം പ്രണയത്തിലായിരുന്നത്രെ. സുഹൃത്തിന്റെ വീട്ടില്‍ വച്ചാണ് പെണ്‍കുട്ടിയുടെ നഗ്ന ചിത്രങ്ങള്‍ പകര്‍ത്തിയതും പീഡിപ്പിച്ചതും. ഈ ചിത്രങ്ങള്‍ കാണിച്ച് പത തവണ പെണ്‍കുട്ടിയുടെ കയ്യില്‍ നിന്ന് പണവും സ്വര്‍ണാഭരണങ്ങളും യുവാവ് സ്വന്തമാക്കിയിട്ടുണ്ടത്രെ.

ഇപ്പോള്‍ യുവാവ് വിദേശത്താണ്. വിദേശത്ത് എത്തിയതിന് ശേഷവും ഭീഷണി തുടരുകാണെന്ന് പരാതിയില്‍ പറയുന്നു. ഇതോടെയാണ് പെണ്‍കുട്ടി വിവരം വീട്ടുകാരെ അറിയിച്ചത്. പോലീസ് പെണ്‍കുട്ടിയുടെ മൊഴിയെടുത്തിട്ടുണ്ട്.

താന്‍ പറയുന്ന ആള്‍ക്ക് പണം നല്‍കണം, അല്ലെങ്കില്‍ ഫേസ്ബുക്ക്, യൂട്യൂബ് തുടങ്ങിയ സോഷ്യല്‍ മീഡിയകളിലൂടെ നഗ്ന ചിത്രങ്ങള്‍ പ്രചരിപ്പിക്കും എന്നായിരുന്നു യുവാവ് വിദേശത്തിരുന്ന് പെണ്‍കുട്ടിയെ ഭീഷണിപ്പെടുത്തിയത്.

English summary

Ex boy friend threatened girl spreading naked pics in FB.