എക്സിറ്റ് പോൾ ഫലങ്ങൾ ശുദ്ധ അസംബദ്ധം; പിവി അൻവർ തോൽക്കും , പക്ഷെ മൊട്ടയടിക്കേണ്ട';എംവി ഗോവിന്ദൻ

എക്സിറ്റ് പോളുകളെ തള്ളി സി പി എം സംസ്ഥാന സെക്രട്ടറി എംവി ഗോവിന്ദൻ. എക്സ്റ്റിറ്റ് പോൾ ഫലങ്ങളെ കുറിച്ച് യാതൊരു ആശങ്കയും ഇടതുപക്ഷത്തിനില്ലെന്നും മൂന്നാം തവണയും എൽഡിഎഫ് അധികാരത്തിൽ വരുമെന്നും അദ്ദേഹം പറഞ്ഞു.

പോൾ ഫലങ്ങൾ ശുദ്ധ അസംബദ്ധനാണ്. എക്സിറ്റ് പോളിന് പിന്നിൽ പല താൽപര്യങ്ങളുണ്ട്. ചിലർ ബി ജെ പി ക്ക് 16 സീറ്റകൾ പ്രവച്ചിട്ടുണ്ട്. എ ൽ ഡി എഫിന് തുടർ ഭരണത്തിന് നല്ല സാധ്യതകളുണ്ടെന്നും അദ്ദേഹം പറഞ്ഞു. ബേപ്പൂരിൽ പരാജയപ്പെട്ടാൽ താൻ കോഴിക്കോട് നഗരത്തിലൂടെ മൊട്ടയടിച്ച് കമ്മലിട്ട് നടക്കുമെന്ന പിവി അൻവറിൻ്റെ പ്രതികരണത്തെ കുറിച്ചുള്ള ചോദ്യത്തിനും അദ്ദേഹം മറുപടി നൽകി. ബേപ്പൂരുിൽ അദ്ദേഹം പരാജയപ്പെടുക തന്നെ ചെയ്യും. എന്നാൽ പരാജയപ്പെട്ടത് കൊണ്ട് അദ്ദേഹം മൊട്ടയടിച്ച് കമ്മലിട്ട് നടക്കേണ്ട ആവശ്യമില്ലെന്ന് അദ്ദേഹം പറഞ്ഞു.

അതിനിടെ എക്സിറ്റ് പോളുകളിൽ നിന്ന് വിഭിന്നമായ ഫലം കേരളത്തിൽ ഉണ്ടാകുമെന്നും അത് ഇടതുപക്ഷത്തിന് അനുകൂലമായിരിക്കുമെന്നും സിപിഎം ദേശീയ ജനറൽ സെക്രട്ടറി എംഎ ബേബിയും പറഞ്ഞു. 'ഭരണവിരുദ്ധ വികാരം എന്ന ഒരു സാഹചര്യമില്ല ഇവിടെ. മുഖ്യമന്ത്രിക്കെതിരായിട്ട് ആസൂത്രിതമായി വളരെ നിലവാരം കുറഞ്ഞ ആക്ഷേപങ്ങളും ആരോപണങ്ങളും ആണ് ചിലർ ഉന്നയിച്ചത്. അതൊന്നും ഈ എക്സിറ്റ് പോളിൽ അഭിപ്രായം പ്രകടിപ്പിച്ച വോട്ടർന്മാരെ ബാധിച്ചിട്ടില്ല . എൽഡിഎഫ് ഗവൺമെന്റിന് നേതൃത്വം കൊടുത്ത സിപിഎമിന്റെ പോളിറ്റ് ബ്യൂറോ അംഗമായിട്ടുള്ള ,പരിണിതപ്രജനായ പിണറായി വിജയന്റെ കഴിവുകളെ മുഖ്യമന്ത്രി എന്നുള്ള തരത്തിലുള്ള അദ്ദേഹത്തിന്റെ പ്രവർത്തനങ്ങളെ അംഗീകരിക്കുകയാണ് ഈ എക്സിറ്റ് പോളിൽ പങ്കെടുത്ത ഭൂരിപക്ഷ വോട്ടർന്മാർ ചെയ്തിരിക്കുന്നതെന്നും എംഎ ബേബി പറഞ്ഞു.

എൽഡിഎഫ് പ്രകടനത്തെ കുറിച്ചുള്ള എക്സിറ്റ് പോൾ പ്രവചനങ്ങൾ ഇങ്ങനെ

പോളിറ്റിക്കൽ ലാബ് 45-46 സീറ്റുകൾ നൽകുമ്പോൾ ആക്സിസ് മൈ ഇന്ത്യ 49-62 സീറ്റുകളും, പീപ്പിൾ ഇൻസൈറ്റ് 58-68 സീറ്റുകളും പ്രവചിക്കുന്നു. സിഎൻഎൻ വോട്ട് വൈബ് 58-68 , ചാണക്യ സ്ട്രാറ്റജീസ് 58-64 , പീപ്പിൾസ് പൾസ് 55-65 , നൗ-ജെവിസി 52-61 , മാട്രൈസ് 60-65 , ജേർണോ മിറർ 55-65 , പിഎംഎആർക്യു 62-69 എന്നിങ്ങനെയാണ് പ്രവചനങ്ങൾ.