കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഐസിയുവിന് ഒരു ലക്ഷം ലൈക്ക് കഴിഞ്ഞേ...!!!

  • By Soorya Chandran
Google Oneindia Malayalam News

തിരുവനന്തപുരം: ചളു, ചളി എന്നീ വാക്കുകള്‍ മലയാളത്തില്‍ അല്‍പം ന്യൂ ജനറേഷനാണ്. എന്നാല്‍ ഫേസ്ബുക്കില് എത്തുമ്പോള്‍ ചളു എന്നത് ഇപ്പോള്‍ ഒരു ഹിറ്റ് പ്രയോഗം ആണ്. വെറും ചളുവല്ല, ഇന്റര്‍നാഷണല്‍ ചളു.

ഇന്റര്‍നാഷണല്‍ ചളു യൂണിയന്‍ അഥവാ ഐസിയു. ഫേസ്ബുക്കില്‍ കയറിയിറങ്ങുന്നവര്‍ ഈ പേര് കേള്‍ക്കാതിരിക്കില്ല. സമകാലിക സംഭവങ്ങളെ നര്‍മത്തില്‍ ചാലിച്ച്, ചിന്തോദ്ദീപകങ്ങളായ ഫലിതങ്ങളുമായി അവര്‍ നമുക്കൊപ്പം തന്നെയുണ്ട്.

ICU1

ഐസിയു ഇപ്പോള്‍ വലിയൊരു നേട്ടം സ്വന്തമാക്കിയിരിക്കുകയാണ്. ഇവരുടെ ഫേസ്ബുക്ക് പേജിന് ലൈക്കുകള്‍ ഒരു ലക്ഷം കവിഞ്ഞു. ഏറ്റവും ഒടുവില്‍ നോക്കുമ്പോള്‍ 1,21,739.

ICU2

ഫേസ്ബുക്കിനും എല്ലോയ്ക്കും, ട്വിറ്ററിനും മുമ്പ്... ഓര്‍ക്കൂട്ടിന്റെ ഒരു കാലമുണ്ടായിരുന്നു. അന്ന് തന്നെ ആയിരുന്നു ഐസിയുവിന്റെ തുടക്കം. 2007 ല്‍ കിടങ്ങൂര്‍ കോളേജ് ഓഫ് എന്‍ജിനീയറിംഗിലെ വിദ്യാര്‍ത്ഥി ആയിരുന്ന റോഷന്‍ തോമസ് ആണ് ഇതിന്‍റെ ശില്‍പി. ചെറുസൗഹൃ കൂട്ടായ്മയായിട്ടായിരുന്നു തുടക്കം. എന്നാല്‍ ഓര്‍ക്കൂട്ട് പൂട്ടി, ഫേസ്ബുക്ക് തകര്‍ത്താടാന്‍ തുടങ്ങിയപ്പോള്‍ അവിടേയും ഐസിയു എത്തി.

പിന്നീട് സംസ്ഥാന/ദേശീയ/ അന്തര്‍ദേശീയ വിഷയങ്ങളെ ആക്ഷേപഹാസ്യത്തിന്റെ മേമ്പൊടിയോടെ മലയാളികള്‍ക്ക് മുന്നില്‍ എത്തിക്കുന്നവരില്‍ പ്രമുഖരായി ഇവര്‍. ഫോട്ടോഷോപ്പിന്റെ വികാസം ഈ ഗ്രൂപ്പിനെ കൂടുതല്‍ ക്രിയാത്മകമാക്കി.

നൂറ് കണക്കിന് പേരാണ് ഇപ്പോള്‍ സജീവമായിട്ടുള്ളത്. ഐസിയുവിന്റെ പേജില്‍ പോസ്റ്റ് ചെയ്യുന്ന കോമഡികള്‍ക്ക് കൃത്യമായ മാര്‍ഗ്ഗ രേഖകളും ഉണ്ട്.

English summary
Facebook page ICU crossed 1 lakh likes
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X