• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

കുഞ്ഞാപ്പ കേട്ടില്ലേ...ഫൈസലിന്റെ ആസ്തി!! കൈവശമുള്ള പണം ഇത്രമാത്രം!! ലോണുമുണ്ട്...

  • By Manu

മലപ്പുറം: ഉപതിരഞ്ഞെടുപ്പ് ആവേശത്തിന് തിരികൊളുത്തി എല്‍ഡിഎഫ് സ്ഥാനാര്‍ഥി എം ബി ഫൈസല്‍ നാമനിര്‍ദ്ദേശ പത്രിക സമര്‍പ്പിച്ചു. ജില്ലാ കളക്ടര്‍ അമിത് മീണയ്ക്ക് മുമ്പാകെയാണ് ഫൈസല്‍ നാമനിര്‍ദേശ പത്രിക നല്‍കിയത്. തന്റെയും ഭാര്യയുടെയും പേരിലുള്ള സ്വത്ത് വിവരങ്ങളുടെ കണക്കും ഫൈസല്‍ ഇതിനൊപ്പം സമര്‍പ്പിച്ചിട്ടുണ്ട്. യുഡിഎഫ് സ്ഥാനാര്‍ഥിയായ മുസ്‌ലീം ലീഗ് ദേശീയ ജനറല്‍ സെക്രട്ടറി പി കെ കുഞ്ഞാലിക്കുട്ടി തിങ്കളാഴ്ച നാമനിര്‍ദ്ദേശ പത്രിക നല്‍കിയിരുന്നു.

ആകെ സ്വത്ത്

തനിക്കും ഭാര്യക്കും കൂടി ആകെ 13.07 ലക്ഷത്തിന്റെ സ്വത്ത് ഉണ്ടെന്നാണ് ഫൈസല്‍ സമര്‍പ്പിച്ച സത്യവാങ്മൂലത്തിലുള്ളത്. ഫൈസലിന്റെ കൈവശമുള്ളത് 2000 രൂപ മാത്രമാണ്. ഭാര്യയുടെ കൈവശമുള്ളത് 1000 രൂപയും.

ബാങ്ക് നിക്ഷേപം

ഫൈസലിന് 1,200 രൂപയുടെ ബാങ്ക് നിക്ഷേപമാണുള്ളത്. സൗത്ത് ഇന്ത്യന്‍ ബാങ്കിന്റെ എടപ്പാള്‍ ശാഖയിലാണ് ഈ തുകയുള്ളത്. സ്വന്തം പേരില്‍ 3,06,862 രൂപയുടെ എല്‍ഐസി പോളിസി ഫൈസലിന്റെ പേരിലുണ്ട്.

ബൈക്കും കാറും

15,000 രൂപ വില മതിക്കുന്ന 2006 മോഡല്‍ മോട്ടോര്‍ സൈക്കിളും നാലു ലക്ഷം രൂപ വില കണക്കാക്കുന്ന 2012 മോഡല്‍ മാരുതി സ്വിഫ്റ്റ് കാറും തനിക്കുണ്ടെന്ന് ഫൈസല്‍ വെളിപ്പെടുത്തി.

സ്വത്തുക്കള്‍

ഭാര്യയുടെ കൈവശം 240 ഗ്രാം സ്വര്‍ണാഭരണമാണുള്ളത്. സ്വന്തം പേരില്‍ 7,25,062 രൂപയുടെയും ഭാര്യയുടെ പേരില്‍ 6,45,550 രൂപയുടെയും സ്വത്തുക്കളുണ്ടെന്നു രേഖയില്‍ പറയുന്നു. മറ്റെവിടെയും തന്റെയും ഭാര്യയുടെയും പേരില്‍ ഭൂമിയോ വീടോ മറ്റു വസ്തുക്കളോ ഇല്ലെന്നും ഫൈസല്‍ അറിയിച്ചു 60,000 രൂപയുടെ ബാങ്ക് ലോണ്‍ തനിക്കുണ്ടെന്ന് ഫൈസല്‍ സത്യവാങ്മൂലത്തില്‍ വ്യക്തമാക്കി.

ആത്മവിശ്വാസമുണ്ട്

തിരഞ്ഞെടുപ്പില്‍ വിജയിക്കുമെന്ന് 100 ശതമാനവും തനിക്കു ആത്മവിശ്വാസമുണ്ടെന്ന് പത്രിക സമര്‍പ്പിച്ച ശേഷം ഫൈസല്‍ പറഞ്ഞു. തിരഞ്ഞെടുപ്പില്‍ പ്രായമോ സീനിയോറിറ്റിയോ അല്ല കാര്യമെന്നും രാഷ്ട്രീയത്തെ രാഷ്ട്രീയം കൊണ്ടാണ് നേരിടുകയെന്നും അദ്ദേഹം കൂട്ടിച്ചേര്‍ത്തു.

കുഞ്ഞാലിക്കുട്ടിയുടെ ആസ്തി

വിവിധ ബാങ്കുകളിലും ട്രഷറികളിലുമായി 70.69 ലക്ഷം രൂപയുടെ നിക്ഷേപമാണ് കുഞ്ഞാലിക്കുട്ടിക്കുള്ളത്. 1.71 കോടി വിലമതിക്കുന്ന സ്ഥലവും അദ്ദേഹത്തിന്റെ പേരിലുണ്ട്. കുഞ്ഞാലിക്കുട്ടിയുടെ വാര്‍ഷിക വരുമാനം 6.66 ലക്ഷം രൂപയാണ് നാമനിര്‍ദേശ പത്രികയ്‌ക്കൊപ്പം സമര്‍പ്പിച്ച ആസ്തി രേഖകളിലാണ് കുഞ്ഞാലിക്കുട്ടി ഇക്കാര്യം വ്യക്തമാക്കിയത്.

ഭാര്യയുടെ പേരില്‍

കുഞ്ഞാലിക്കുട്ടിയേക്കാള്‍ ആസ്തിയുള്ളത് ഭാര്യ കുല്‍സുവിനാണ്. ഭാര്യയുടെ കൈവശം 2.42 കോടി രൂപയുടെ നിക്ഷേപമുണ്ട്. 106 പവന്‍ സ്വര്‍ണവും ഇവരുടെ കൈവശമുണ്ട്. 10.16 ലക്ഷം രൂപയാണ് കുല്‍സുവിന്റെ വാര്‍ഷിക വരുമാനം.

English summary
malappuram ldf candidate mb faisal reveals his asset.

Oneindia യില് നിന്നും തല്സമയ വാര്ത്തകള്ക്ക്
ഉടനടി വാര്ത്തകള് ദിവസം മുഴുവന് ലഭിക്കാന്

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more