പ്രണയം വീട്ടുകാര് എതിര്ത്തു!! പ്ലസ്ടു വിദ്യാര്ഥികളായ കമിതാക്കള് ചെയ്തത്!!
ഇരുവരും പ്ലസ്ടു വിദ്യാര്ഥികളാണ്. കാഞ്ഞിരംകുളം പികെഎസ് ഹയര് സെക്കന്ഡറി സ്കൂളിലാണ് ഇരുവരും പഠിക്കുന്നത്. പ്ലസ് ടു പരീക്ഷ എഴുതി ഫലം കാത്തിരിക്കുകയായിരുന്നു.
തിരുവനന്തപുരം: തിരുവനന്തപുരത്ത് കമിതാക്കള് ഒരു ഷോളില് തൂങ്ങി മരിച്ചു. കാഞ്ഞിരംകുളം അവണാകുഴി പെരിങ്ങോട്ട് തേരിവിള വീട്ടില് സെല്വരാജിന്റെയും അജിതയുടെയും മകന് ദിപിന്(18) അവണാകുഴി കാടുതരിശി ആഷികാ ഭവനില് മനോഹരന്റെയും സിംലയുടെയും മകള് ആഷിക(18) എന്നിവരാണ് തൂങ്ങിമരിച്ചത്.
ഇരുവരും പ്ലസ്ടു വിദ്യാര്ഥികളാണ്. കാഞ്ഞിരംകുളം പികെഎസ് ഹയര് സെക്കന്ഡറി സ്കൂളിലാണ് ഇരുവരും പഠിക്കുന്നത്. പ്ലസ് ടു പരീക്ഷ എഴുതി ഫലം കാത്തിരിക്കുകയായിരുന്നു. പുല്ലുവിളിയിലെ ആഷികയുടെ അമ്മുമ്മയുടെ വീട്ടിലാണ് മൃതദേഹം കണ്ടെത്തയത്.
ആഷികയും ദിപിനും പ്രണയത്തിലായിരുന്നു. എന്നാല് ഇരുവരുടെയും വീട്ടുകാര് ഇതിനെ എതിര്ത്തിരുന്നു. ഇതിനെ തുടര്ന്നാണ് ഇരുവരും ആത്മഹത്യ ചെയ്തതെന്നാണ് വിവരം. എന്നാല് ഇക്കാര്യം പൂ ര്ണമായി സ്ഥിരീകരിച്ചിട്ടില്ല. മരണത്തില് ദുരൂഹതയുണ്ടെന്നാണ് ആരോപണം.
തിങ്കളാഴ്ച രാവിലെ മുതല് ഇരുവരെയും കാണാനില്ലായിരുന്നു.ഉച്ചയോടെ ഇരുവരുടെയും ബന്ധുക്കള് പോലീസില് പരാതി നല്കി. തുടര്ന്ന് നടത്തിയ അന്വേഷണത്തിലാണ് മൃതദേഹങ്ങള് കണ്ടെത്തിയത്. നെയ്യാറ്റിന്കര പോലീസിലും കാഞ്ഞിരം കുളം പോലീസിലും പരാതി നല്കിയിരുന്നു. എന്നാല് സംഭവത്തില് ദുരൂഹത ഇല്ലെന്നാണ് പോലീസ് പറയുന്നത്.