'പണത്തിനോട് ഇത്ര ആർത്തിയാണേൽ വേറെ പണി നോക്ക്'; ആന്റണി പെരുമ്പാവൂരിന് പൊങ്കാല

കൊച്ചി; പ്രേക്ഷകർ ഏറെ കാത്തിരുന്ന മരയ്ക്കാർ അറബിക്കടലിന്റെ സിംഹം ഒടിടിയിൽ റിലീസ് ചെയ്തേക്കുമെന്നാണ് കഴിഞ്ഞ ദിവസം ചിത്രത്തിന്റെ നിർമ്മാതാവായ ആന്റണി പെരുമ്പാവൂർ അറിയിച്ചത്. ചിത്രം ഇനിയും നീട്ടിക്കൊണ്ടുപോകാനാകില്ല. ആമസോൺ പ്രൈമുമായി ചർച്ച നടത്തുന്നുണ്ട്. ഒ ടി ടിയിലും തിയറ്ററിലുമായുള്ള റിലീസ് പരിഗണനയിലില്ലെന്നും ആൻറണി പെരുമ്പാവൂർ പറഞ്ഞിരുന്നു.

സിനിമ ഒടിടിയിൽ ഇറക്കാനുള്ള തിരുമാനത്തിനിടെ തീയറ്റർ ഉടമകളുടെ സംഘടനയായ ഫിയോക് കടുത്ത പ്രതിഷേധം ഉയർത്തി കഴിഞ്ഞു. ഇപ്പോഴിതാ ആന്റണി പെരുമ്പാവൂറിന്റെ സോഷ്യൽ മീഡിയ പേജുകളിലും പ്രതിഷേധം നിറയുകയാണ്. ചിത്രം തീയറ്ററിൽ റിലീസ് ചെയ്യണമെന്ന് ആവശ്യപ്പെട്ടുള്ള പൊങ്കാലയാണ് ആരാധകർ നടത്തുന്നത്.

ഡോ അന്തോണി, തനിക്ക് പണത്തിനോട് ഇത്രയും കൊതിയാണേൽ താൻ വേറെ വല്ല പരിപാടിയും നോക്കടോ..ഈ പടം ഒക്കെ തീയറ്റർ എക്സ്പീരിയൻസ് ചെയ്യാൻ ഉള്ളതാണ്. അല്ലാതെ നാലിഞ്ച് സ്ക്രീനിൽ കാണാൻ ഉള്ളതല്ല. അങ്ങനെ ഉള്ളത് താൻ കുറേ എടുത്ത് വെച്ചിട്ടില്ലേ..അതൊക്കെ താൻ ഒടിടിക്കോ എന്തിനേലും കൊടുക്ക്, പക്ഷേ മികച്ച സിനിമയ്ക്കുള്ള നാഷ്ണൽ അവാർഡ് വരെ കിട്ടിയ മരക്കാർ പോലെ തീയേറ്റർ വാച്ച് പടം ഒക്കെ പണത്തിന് വേണ്ടി താൻ ഒടിടിക്ക് കൊടുത്താൽ ഇത് സിനിമാ പ്രേമികളോടും ആരാധകരോടും ചെയ്യുന്ന ഏറ്റവും വലിയ ചതിയാണ്. ചെയ്യുന്ന പ്രൊഫഷനോടും വളർത്തി വലുതാക്കിയവരോടും അൽപ്പമെങ്കിലും കമ്മിറ്റ്മെന്റ് ഉണ്ടേൽ താൻ പടം തീയറ്ററിൽ റിലീസ് ചെയ്യ്, എന്നായിരുന്നു ഒരാളുടെ കമന്റ്.

മരക്കാർ അറബിക്കടലിന്റെ സിംഹം *
എന്ന ആശിർവാദ് സിനിമാസ് ന്റെ സിനിമ തീയേറ്ററിൽ മാത്രമേ റിലീസ് ചെയ്യുക എന്നുപറഞ്ഞ വരാണ് നിർമ്മാതാവ് ആൻറണി പെരുമ്പാവൂർ സംവിധായകൻ പ്രിയദർശൻ പിന്നെ നമ്മുടെ ലാലേട്ടൻ
ഈ സിനിമ തിയേറ്റർ റിലീസ് അല്ലാതെ ഡയറക്റ്റ് OTT ആണെങ്കിൽ *ലാലേട്ടൻ* ആരാധകൻ എന്ന നിലയിൽ ഞാൻ ഉറപ്പിച്ചു പറയും ഇനി *ആശിർവാദ്* സിനിമാസ് ആന്റണി പെരുമ്പാവൂരിന്റെ ന്റെ ബാനറിൽ ഉള്ള ഒരു സിനിമയും തിയേറ്റർ പോയി കാണുകയില്ല എന്ന്, മറ്റ്റൊരാൾ കുറിച്ചു.

മരക്കാർ ott റിലീസ് വേണ്ട, ഇത്രയും കാലം കാണാൻ കാത്തിരുന്നത് തീയേറ്ററിൽ ആണ്, കോവിഡ് 2 ഇയർ ആയില്ലേ, ആളുകൾക്ക് മടുത്തു, ബീച്ചിൽ ഓക്കെ ജനപ്രളയം ആണ്, മരക്കാർ തീയേറ്ററിൽ ഇറക്കണം, എന്നായിരുന്നു മറ്റൊരു കമന്റ്.

ഭരതം വാനപ്രസ്തനം പോലെ സിനിമകൾ സാമ്പത്തിക ലാഭം നോക്കാതെ എടുത്ത ലാലേട്ടൻ ഇപ്പോൾ മരക്കാർ ഒടിടിക്ക് കൊടുക്കാൻ പോകുന്നു. കഷ്ടം.. ഇനിയുള്ള കാലം ഡ്രൈവർ നും ഏട്ടനും ഒടിടിയിൽ ഇറക്കി ശിഷ്ടക്കാലം സുഖമായി ജീവിക്കാം. ഫാൻസ് സപ്പോർട്ട് പ്രതീക്ഷിക്കണ്ടെന്നും ചിലർ കുറിച്ചു..

English summary

Fans against antony perumbavoor over the decision of maraikkar's ott release