'ഇയാളെ കാണാൻ എന്നെ പോലെയുണ്ടെന്ന് പറഞ്ഞിരുന്നു; ആ അഭിമാനവും പോയി'; സച്ചിനെതിരെ ഹരീഷ് പേരടി
കോഴിക്കോട്: കര്ഷക സമരത്തെ പിന്തുണച്ച് വിദേശ സെലിബ്രിറ്റികള് രംഗത്തെത്തിയതോടെ പ്രക്ഷോഭം ലോക ശ്രദ്ധ നേടിയിരിക്കുകയാണ്. വിദേശ സെലിബ്രിറ്റികള് പിന്തുണ അറിയിച്ച് രംഗത്തെത്തിയതിന് പിന്നാലെ ഇതിനെ വിമര്ശിച്ച് ക്രിക്കറ്റ് ഇതിഹാസം സച്ചിന് ടെന്ഡുല്ക്കര് ട്വീറ്റ് ചെയ്തത് വലിയ വിവാദത്തിനാണ് തിരികൊളുത്തിയത്. ഇപ്പോഴിതാ സച്ചിനെതിരെ വിമര്ശനവുമായി രംഗത്തെത്തിയിരിക്കുകയാണ് നടന് ഹരീഷ് പേരടി. ഫേസ്ബുക്ക് പോസ്റ്റിലാണ് ഹരീഷ് പേരടിയുടെ വിമര്ശനം. കുറിപ്പിന്റെ പൂര്ണരൂപം ഇങ്ങനെ...
ഇയാളെ കാണാന് എന്നെ പോലെയുണ്ടെന്ന് കേരളത്തില് എത്തിയ ഒരുപാട് അന്യ സംസ്ഥാന തൊഴിലാളികള് എന്നോട് പറഞ്ഞിരുന്നു...അന്നൊക്കെ അത് കേള്ക്കുമ്പോള് ഒരു സുഖം തോന്നിയിരുന്നു...ഇന്ന് ഏല്ലാ സുഖവും പോയി...അന്നം തരുന്ന കര്ഷകനോടൊപ്പം നില്ക്കാന് മനസ്സില്ലാത്ത ഒരാളുടെ രൂപത്തില് എനിക്ക് ഒരു അഭിമാനവുമില്ല...ഇനി വിദേശ രാജ്യങ്ങളില് കളിക്കാന് പോകുന്ന കളിക്കാരോട് വിദേശികളൂടെ പ്രോല്സാഹനം സ്വീകരിക്കരുത്...സ്വദേശികളൂടെത് മാത്രമേ സ്വീകരിക്കാന് പാടുകയുള്ളു എന്ന ഒരു ഉപദേശവും കൂടി താങ്കള് നല്കണം സാര്...ഇന്ഡ്യക്കാരുടെ കാര്യത്തില് ഇന്ത്യക്കാര് മാത്രം അഭിപ്രായം പറഞ്ഞാല് മതിയല്ലോ...- ഹരീഷ് പേരടി കുറിച്ചു.
എംബി രാജേഷിന്റെ ഭാര്യയുടെ കാലടിയിലെ നിയമനം വിവാദത്തില്; റാങ്ക് ലിസ്റ്റ് അട്ടിമറിച്ചെന്ന്
പോപ്പ് താരം റിഹാന, പരിസ്ഥിതി പ്രവര്ത്തക ഗ്രെറ്റ തുന്ബെര്ഗ്, മുന് പോണ് താരം മിയ ഖലീഫ അടക്കമുളളവര് കര്ഷക സമരത്തെ പിന്തുണച്ച് രംഗത്ത് വന്നിരുന്നു. ഇതിന് പിന്നാലെയാണ് ഇന്ത്യയിലെ സിനിമാ-കായിക രംഗത്തുളള നിരവധി പ്രമുഖര് കേന്ദ്ര സര്ക്കാരിന് പരോക്ഷ പിന്തുണയുമായി സോഷ്യല് മീഡിയയില് എത്തിയത്. സച്ചിന് പുറമെ, ബോളിവുഡ് താരങ്ങളായ അക്ഷയ് കുമാര്, അജയ് ദേവ്ഗണ്, കരണ് ജോഹര്, സുനില് ഷെട്ടി, എന്നിവര് സര്ക്കാരിന് പിന്തുണ അറിയിച്ച് രംഗത്തെത്തിയിരുന്നു. ഇന്ത്യയുടെ നയങ്ങള്ക്കെതിരായ പ്രചാരണങ്ങളെ ഐക്യത്തോടെ നിലകൊള്ളാനുള്ള കേന്ദ്രത്തിന്റെ ആഹ്വാനമാണ് താരങ്ങള് ഏറ്റെടുത്തിരിക്കുന്നത്.
കർഷക സമരത്തിൽ കേന്ദ്രത്തെ പരോക്ഷമായി പിന്താങ്ങി സച്ചിനും, സോഷ്യൽ മീഡിയയിൽ രൂക്ഷ വിമർശനം
Recommended Video