• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

മൂന്നു വയസുകാരന്റെ കവിള്‍ അച്ഛന്‍ കടിച്ചുമുറിച്ചു! സ്‌നേഹം കൊണ്ടെന്ന് അമ്മ, സംഭവം തിരുവനന്തപുരത്ത്..

  • By Dennis

തിരുവനന്തപുരം: മൂന്നു വയസുകാരനായ മകന്റെ കവിളുകള്‍ പിതാവ് കടിച്ചുമുറിച്ചു. തിരുവനന്തപുരം ആറ്റിങ്ങല്‍ സ്വദേശിയാണ് മകന്റെ ഇരുകവിളുകളും കടിച്ചുപറിച്ചത്. ഏതാനും ദിവസങ്ങള്‍ക്ക് മുന്‍പ് നടന്ന സംഭവം ഞായറാഴ്ചയാണ് പുറത്തറിയുന്നത്. പ്രതിക്കായി പോലീസ് തിരച്ചില്‍ ആരംഭിച്ചിട്ടുണ്ട്.

ഏതാനും ദിവസങ്ങള്‍ക്ക് മുന്‍പാണ് ഇരുകവിളുകളിലും കടിയേറ്റ് പല്ലുകള്‍ ആഴത്തില്‍ പതിഞ്ഞ് മുറിവേറ്റ നിലയില്‍ കുട്ടിയെ എസ്എടി ആശുപത്രിയില്‍ എത്തിച്ചത്. മാതാവിനോടൊപ്പമാണ് കുട്ടി ആശുപത്രിയിലെത്തിയത്. എന്നാല്‍ സംഭവിച്ചതിനെക്കുറിച്ച് മാതാവ് ഡോക്ടര്‍മാരോട് വ്യക്തമായി പറഞ്ഞിരുന്നില്ല.

മുറിവുകള്‍ ഭേദമായി കുട്ടിയെ ഡിസ്ചാര്‍ജ് ചെയ്തിട്ടും അമ്മയും മകനും ആശുപത്രി പരിസരത്ത് ചുറ്റിപ്പറ്റി നില്‍ക്കുന്നത് കണ്ടതോടെയാണ് ചിലര്‍ക്ക് സംശയം തോന്നിതുടങ്ങിയത്. തുടര്‍ന്ന് കാര്യമന്വേഷിച്ചപ്പോഴാണ് പോകാന്‍ വീടില്ലെന്നും, കവിളില്‍ അച്ഛന്‍ കടിച്ച് മുറിവേല്‍പ്പിച്ചതാണെന്നും മൂന്നു വയസുകാരന്‍ നാട്ടുകാരോട് വ്യക്തമാക്കിയത്.

നാട്ടുകാര്‍ ഉടന്‍തന്നെ മെഡിക്കല്‍ കോളേജ് പോലീസിനെ വിവരമറിയിച്ചു. തുടര്‍ന്ന് സ്ഥലത്തെത്തിയ പോലീസ് സംഘം അമ്മയെയും മകനെയും ഇവരോടൊപ്പമുണ്ടായിരുന്ന അമ്മൂമ്മയെയും സ്റ്റേഷനിലേക്ക് കൊണ്ടുപോയി. എന്നാല്‍ ഭര്‍ത്താവ് കുട്ടിയുടെ കവിളില്‍ സ്‌നേഹത്തോടെ കടിച്ചതാണെന്നായിരുന്നു മൂന്നു വയസുകാരന്റെ അമ്മ പോലീസിനോട് പറഞ്ഞത്. മൂന്നുപേരെയും പോലീസ് അത്താണി അഭയകേന്ദ്രത്തിലേക്ക് മാറ്റി. കടിയേറ്റ കുട്ടിയെ കൗണ്‍സിലിങിന് വിധേയനാക്കിയ ശേഷം സംഭവത്തില്‍ കൂടുതല്‍ നടപടികള്‍ സ്വീകരിക്കുമെന്ന് പോലീസ് അറിയിച്ചു.

English summary
father bites son's cheeks in trivandrum.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X