കുടുംബ വഴക്കിനെ തുടർന്ന് അച്ഛന്റെ വെടിയേറ്റ മകൻ മരിച്ചു!! അച്ഛൻ അറസ്റ്റിൽ!!

വയറിൽ മൂന്നിടത്ത് വെടിയേറ്റിരുന്നു. ഇതിനെ തുടർന്ന് വ‍ൃക്ക തകരാറിലായതാണ് മരണകാരണം.സംഭവവുമായി ബന്ധപ്പെട്ട് ബിനുവിന്റെ പിതാവ് അച്ചൻകുഞ്ഞിനെ പോലീസ് അറസ്റ്റ് ചെയ്തു.

കൊച്ചി: ഇടുക്കി സൂര്യ നെല്ലിയിൽ കുടുംബ വഴക്കിനെ തുടർന്ന് പിതാവിന്റെ വെടിയേറ്റ മകൻ മരിച്ചു. കൊച്ചി സ്വകാര്യ ആശുപത്രിയിൽ ചികിത്സയിലായിരുന്ന ബിനുവാണ് മരിച്ചത്. ശനിയാഴ്ചയാണ് ബിനുവിന് വെടിയേറ്റത്. വയറിലായിരുന്നു വെടിയേറ്റത്.

വയറിൽ മൂന്നിടത്ത് വെടിയേറ്റിരുന്നു. ഇതിനെ തുടർന്ന് വ‍ൃക്ക തകരാറിലായതാണ് മരണകാരണം.സംഭവവുമായി ബന്ധപ്പെട്ട് ബിനുവിന്റെ പിതാവ് അച്ചൻകുഞ്ഞിനെ പോലീസ് അറസ്റ്റ് ചെയ്തു.

ലൈസൻസില്ലാത്ത തോക്ക് ഉപയോഗിച്ചായിരുന്നു അച്ചൻകുഞ്ഞ് വെടിവച്ചത്. തോക്കും പോലീസ് പിടിച്ചെടുത്തു. സ്ഥിരമായി മദ്യപിച്ചെത്താറുള്ള അച്ചൻ കുഞ്ഞ് റിസോർട്ട് ജീവനക്കാരനായ ഇളയ മകന്റെ ഭാര്യയുമായി വഴക്കാറുണ്ടായിരുന്നു. ശനിയാഴ്ചയും വഴക്കിടുന്നതിനിടെ ഇടപെട്ടതിനെ തുടർന്നാണ് ബിനുവിനെ വെടിവച്ചത്.

ഇളയമകന്റേത് പ്രണയ വിവാഹമായിരുന്നു. ഇത് അച്ചൻകുഞ്ഞിന് ഇഷ്ടമില്ലായിരുന്നു. ഇതിനെ തുടർന്നായിരുന്നു വഴക്ക്. വഴക്ക് മൂർച്ഛിച്ചതോടെയായിരുന്നു ബിനു ഇടപെട്ടത്. ഇതിനിടെ അടുക്കളയിൽ ഒളിപ്പിച്ചിരുന്ന തോക്കെടുത്ത് അച്ചൻകുഞ്ഞ് ബിനുവിനെ വെടിവയ്ക്കുകയായിരുന്നു. അയൽവാസികളാണ് ബിനുവിനെ ആശുപത്രിയിലെത്തിച്ചത്.

ഇതിനു പിന്നാലെ അച്ചൻ കുഞ്ഞ് ഒളിവിൽ പോയിരുന്നു. എന്നാൽ പോലീസ് പിടികൂടുകയായിരുന്നു. മരിച്ച ബിനു അവിവാഹിതനാണ്. സംഭവം നടക്കുമ്പോൾ ഇളയ മകൻ വീട്ടിൽ ഉണ്ടായിരുന്നില്ല.

English summary

father shoot son died on family clash.