Click it and Unblock the Notifications
Just In
Don't Miss
-
ദേ വൈസ്റ്റ് സംസാരിക്കുന്നു എന്ന് ജാസ്മിൻ; പരിധി വിട്ടു; സിബിന്റെ ഭാഗത്തും ന്യായമുണ്ട്; പ്രേക്ഷകർ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
പി മോഹനനും ഫയാസും ജയിലില്‍ കൂടിക്കാഴ്ച നടത്തി
കോഴിക്കോട്: നെടുമ്പാശ്ശേരി സ്വര്‍ണക്കടത്ത് കേസില്‍ പിടിക്കപ്പെട്ട് കോഴിക്കോട് ജില്ലാ ജയിലില്‍ കഴിയുന്ന ഫയാസും ഇതേ ജയിലില്‍ ടിപി വധക്കേസുമായി ബന്ധപ്പെട്ട് വിചാരണ തടവുകാരനായി കഴിഞ്ഞിരുന്ന സിപിഎം നേതാവ് പി മോഹനന്‍ മാസറ്ററും കൂടിക്കാഴ്ച നടത്തിയെന്ന് റിപ്പോര്‍ട്ട്. ജയിലിലെ സിസി ടിവിയിലെ ദൃശ്യങ്ങള്‍ ഏഷ്യനെറ്റ് ന്യൂസ്ചാനലാണ് പുറത്തുവിട്ടത്.
ചാനല്‍ പുറത്തുവിട്ട ദൃശ്യങ്ങള്‍ പ്രകാരം വെല്‍ഫയര്‍ ഓഫീസറുടെ മുറിയില്‍ നിന്നും സെക്കന്റുകളുടെ വ്യത്യാസത്തില്‍ ഇരുവരും ഇറങ്ങിവരുന്നതാണ് കാണുന്നത്. അതേ സമയം ഫയാസും മോഹനനും തമ്മില്‍ കൂടിക്കാഴ്ച നടത്തി എന്നതിന് തെളിവുകളൊന്നും ലഭിച്ചിട്ടില്ല.
ടിപി വധക്കേസില്‍ ജയിലില്‍ കഴിയുന്ന പ്രതികളെ കാണാന്‍ ഫയാസ് ജയിലിലെത്തിയെന്ന റിപ്പോര്‍ട്ടുകള്‍ നേരത്തെ വിവാദമായിരുന്നു. താന്‍ കൊടിസുനിയെ കാണാനാണ് പോയതെന്ന് ഫയാസ് പറഞ്ഞു. 2013 ജൂണ്‍ എട്ടിനാണ് ഫയാസ് ടിപി വധക്കേസിലെ പ്രതികളെ കണ്ടത്. എന്നാല്‍ ഇതിന്റെ സിസിടിവി ദൃശ്യങ്ങള്‍ ഇല്ലെന്നായിരുന്നു ജയില്‍ അധികൃതരുടെ വാദം. സംഭവം ചര്‍ച്ചയായതോടെ ഫയാസ് പ്രതികള കണ്ടിട്ടില്ലെന്ന് സിപിഎമ്മും വാദിച്ചു.
അതേസമയം വിഷയത്തില്‍ അന്വേഷണം വേണമെന്ന് വിഎസ് അച്യുതാനന്ദന്‍ ആവശ്യപ്പെട്ടിരുന്നു. പിന്നീട് ഇതിലും നടപടിയുണ്ടായില്ല. ടിപി വധക്കേസില്‍ ഗൂഡാലോചനയില്‍ പങ്കുണ്ടെന്നാരോപിച്ചാണ് പി മോഹനനെ അറസ്റ്റ് ചെയ്തത്. എന്നാല്‍ കൊലയ്ക്ക് പങ്കില്ലെന്ന് കണ്ടെത്തിയ കോടതി പി മോഹനനെ കുറ്റവിമുക്തനാക്കി.
