• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

പ്രതിശ്രുത വധു കിടപ്പുമുറിയിൽ തൂങ്ങിമരിച്ചു, വിവരമറിഞ്ഞ വരൻ കടലിൽ ചാടി! സംഭവം കണ്ണൂരിൽ...

കണ്ണൂർ: തലശേരിയിൽ പ്രതിശ്രുത വധു ആത്മഹത്യ ചെയ്ത സംഭവത്തിൽ ദുരൂഹത തുടരുന്നു. യുവതിയുടെ ആത്മഹത്യാക്കുറിപ്പ് കണ്ടെത്തിയെങ്കിലും ആത്മഹത്യയ്ക്ക് പിന്നിലെ കാരണമെന്താണെന്ന് ഇതുവരെ വ്യക്തമായിട്ടില്ല. തലശേരി ധർമ്മടം പോലീസ് സ്റ്റേഷന് സമീപം സ്നേഹഗാഥയിൽ സ്നേഹ മാധവനെ കഴിഞ്ഞ തിങ്കളാഴ്ചയാണ് വീട്ടിനുള്ളിൽ തൂങ്ങിമരിച്ച നിലയിൽ കണ്ടെത്തിയത്.

വിവാഹ പന്തലിൽ എത്തിയത് വരന്റെ മൃതദേഹം! കണ്ണീർതോരാതെ കല്ല്യാണ വീട്... പുടവ കാത്തിരുന്ന പ്രതിശ്രുത വധു

അതിനിടെ, പ്രതിശ്രുത വധു ആത്മഹത്യ ചെയ്തെന്ന വിവരമറിഞ്ഞ് വരൻ ജോലിസ്ഥലത്ത് നിന്ന് കടലിൽ ചാടിയെന്ന റിപ്പോർട്ടും പുറത്തുവന്നു. രാഷ്ട്രദീപിക ദിനപ്പത്രമാണ് ഈ വാർത്ത റിപ്പോർട്ട് ചെയ്തിരിക്കുന്നത്. ചരക്കുകപ്പലിൽ നിന്നും കടലിൽ ചാടിയ യുവാവിനെ ഇതുവരെ കണ്ടെത്താനായിട്ടില്ലെന്നും റിപ്പോർട്ടിൽ പറയുന്നു.

 ആത്മഹത്യ...

ആത്മഹത്യ...

തലശേരി ധർമ്മടം സ്വദേശിനി സ്നേഹ മാധവനെ കഴിഞ്ഞ തിങ്കളാഴ്ചയാണ് വീട്ടിലെ കിടപ്പുമുറിയിൽ തൂങ്ങിമരിച്ച നിലയിൽ കണ്ടെത്തിയത്. ഒരു വർഷം മുൻപ് നിശ്ചയിച്ച വിവാഹം ഉടനെ നടക്കാനിരിക്കെയായിരുന്നു സ്നേഹ ജീവനൊടുക്കിയത്.

 ഉച്ചയോടെ...

ഉച്ചയോടെ...

സ്കൂൾ അദ്ധ്യാപികയായ സ്നേഹ സംഭവദിവസം അവധിയെടുത്തിരുന്നു. തിങ്കളാഴ്ച രാവിലെ പ്രധാനാദ്ധ്യാപികയെ ഫോണിൽ വിളിച്ച സ്നേഹ ഉച്ചവരെ അവധി വേണമെന്നാണ് ആവശ്യപ്പെട്ടിരുന്നത്. അതിനിടെ സമയം വൈകിയത് കൊണ്ടാണെങ്കിൽ അച്ഛൻ സ്കൂട്ടറിൽ കൊണ്ടുവിടാമെന്ന് പറഞ്ഞെങ്കിലും ഇതും നിരസിച്ചു.

കിടപ്പുമുറിയിൽ...

കിടപ്പുമുറിയിൽ...

പിന്നീട് കിടപ്പുമുറിയിലേക്ക് പോയ സ്നേഹയെ ഏറെനേരമായിട്ടും കാണാത്തതിനെ തുടർന്നാണ് വീട്ടുകാർ അന്വേഷിച്ചത്. എന്നാൽ മകളെ അന്വേഷിച്ചെത്തിയ മാതാപിതാക്കൾ കണ്ടത് തൂങ്ങിമരിച്ച നിലയിലുള്ള സ്നേഹയുടെ മൃതദേഹമായിരുന്നു.

 ഡയറിയിൽ...

ഡയറിയിൽ...

സംഭവമറിഞ്ഞ് സ്ഥലത്തെത്തിയ ധർമ്മടം പോലീസ് സ്നേഹയുടെ സ്വകാര്യ ഡയറി കസ്റ്റഡിയിൽ എടുത്തിരുന്നു. ഈ ഡയറിയിൽ നിന്നാണ് സ്നേഹയുടെ ആത്മഹത്യാക്കുറിപ്പ് കണ്ടെത്തിയത്.

 ഉത്തരവാദിയല്ല...

ഉത്തരവാദിയല്ല...

''എന്റെ മരണത്തിൽ മറ്റാരും ഉത്തരവാദിയല്ല, ഏട്ടനെ ഉപദ്രവിക്കരുത്, അമ്മയോടും അച്ഛനോടും മാപ്പ് ചോദിക്കുന്നു'' എന്നാണ് ഡയറിയിൽ എഴുതിയിരുന്നതെന്ന് രാഷ്ട്രദീപികയുടെ റിപ്പോർട്ടിൽ പറയുന്നു.

ഒരു വർഷം മുൻപ്...

ഒരു വർഷം മുൻപ്...

ഒരു വർഷം മുൻപാണ് ധർമ്മടം സ്വദേശിനിയായ സ്നേഹയും മുഴപ്പിലങ്ങാട് സ്വദേശിയായ യുവാവും തമ്മിലുള്ള വിവാഹം ഉറപ്പിച്ചത്. വിവാഹ ഉറപ്പിച്ചതിന് പിന്നാലെ ഇരുവരും തമ്മിലുള്ള മോതിരം മാറൽ ചടങ്ങും നടത്തിയിരുന്നു.

കടലിൽ ചാടി...

കടലിൽ ചാടി...

അതിനിടെ, പ്രതിശ്രുത വധു തൂങ്ങിമരിച്ചെന്ന വിവരമറിഞ്ഞ് വരൻ കടലിൽ ചാടിയെന്നും റിപ്പോർട്ടുണ്ട്. ദിവസങ്ങളോളം അന്വേഷിച്ചിട്ടും യുവാവിനെ കണ്ടെത്താനായില്ലെന്നും, ഇയാൾക്ക് വേണ്ടിയുള്ള തിരച്ചിൽ തുടരുകയാണെന്നും രാഷ്ട്രദീപിക റിപ്പോർട്ട് ചെയ്തു.

അന്വേഷണം...

അന്വേഷണം...

മുഴപ്പിലങ്ങാട് സ്വദേശിയെ കാണാതായ വിവരം ഇയാൾ ജോലിചെയ്യുന്ന ചരക്കുകപ്പലിലെ സഹപ്രവർത്തകർ പോലീസിനെ അറിയിച്ചിട്ടുണ്ട്. അതേസമയം, സ്നേഹയുടെ ആത്മഹത്യയ്ക്ക് പിന്നിലെ കാരണമെന്തെന്ന് സംബന്ധിച്ച് ഇതുവരെ വ്യക്തമായ സൂചനയൊന്നും ലഭിച്ചിട്ടില്ല.

കതിർമണ്ഡപത്തിൽ പൊട്ടിക്കരഞ്ഞ നവവധു ആ രഹസ്യം വെളിപ്പെടുത്തി! വിവാഹം മുടങ്ങി... സംഭവം തിരുവനന്തപുരത്ത്

English summary
fiancee commits suicide in kannur; mystery continues.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more