ഫാന്സിനുള്ള കിരീടം കേരളത്തിന് തന്നെ.. 'നെയ്മറിന്റെ' റെക്കോഡ് തകര്ത്ത് 'മെസി'; കൂറ്റന് കട്ടൗട്ടുകള് എത്തി
കോഴിക്കോട്: കേരളത്തില് ലോകകപ്പ് ആവേശത്തിന്റെ അലയൊലികള് അടങ്ങുന്നില്ല. കിക്കോഫ് കഴിഞ്ഞിട്ടും ലോകത്തിന് മുന്നില് കേരളത്തിന്റെ കാല്പന്ത് ആവേശം മാനം മുട്ടെ ഉയരുകയാണ്. കാല്പന്ത് കളിയുടെ ഈറ്റില്ലമായ മഞ്ചേരിയില് നിന്നാണ് ഫുട്ബോള് ആവേശത്തിന്റെ ഏറ്റവും പുതിയ വാര്ത്ത പുറത്ത് വന്നിരിക്കുന്നത്.
മഞ്ചേരിയില് 150 അടി ഉയരത്തില് ഉള്ള അര്ജന്റീനന് താരം ലയണല് മെസിയുടെ കൂറ്റന് കട്ടൗട്ട് ആണ് പിറന്നിരിക്കുന്നത്. സംസ്ഥാനത്ത് ഏറ്റവും ഉയരമുള്ള ലയണല് മെസ്സിയുടെ ഫ്ളെക്സ് ആണ് മഞ്ചേരിക്ക് സ്വന്തമായിരിക്കുന്നത്. ഇന്ത്യന് മെഡിക്കല് അസോസിസേഷന് ( ഐ എം എ ) കവളങ്ങാട് നിര്മിക്കുന്ന 23 നില കെട്ടിട സമുച്ചയത്തില് ആണ് ലയണല് മെസിയുടെ കൂറ്റന് ഫ്ലെക്സ് സ്ഥാപിച്ചിരിക്കുന്നത്. ഏകദേശം 2 ലക്ഷം രൂപയാണ് ലയണല് മെസിയുടെ ഈ പടുകൂറ്റന് കട്ടൗട്ടിനായി ചെലവാക്കിയിരിക്കുന്നത്.
കെട്ടിടത്തിന്റെ 17 നില ഉയരത്തിലാണ് ഫ്ളക്സ് സ്ഥാപിച്ചിരിക്കുന്നത്. 150 അടി ഉയരവും 40 അടി വീതിയുമുള്ള 6 ഭാഗങ്ങളാക്കിയാണ് ഫ്ളെക്സ് രൂപപ്പെടുത്തിയിരിക്കുന്നത്. കെട്ടിടത്തിന്റെ നിര്മാണം നടക്കുന്നതിനാല് ഓരോ നിലയിലെയും സ്കാഫോള്ഡും ഫ്ളക്സിന് വേണ്ടി പ്രയോജനപ്പെടുത്തി. ഞായറാഴ്ച വൈകിട്ട് എട്ടരയോടെ ഇരുപതോളം തൊഴിലാളികള് ചേര്ന്നായിരുന്നു പടുകൂറ്റന് ഫ്ളെക്സ് സ്ഥാപിച്ചത്.
അതോടൊപ്പം ഇടുക്കിയിലെ തൊടുപുഴയിലും കൂറ്റന് കട്ടൗട്ട് ഉയര്ന്നിട്ടുണ്ട്. സൂപ്പര്ഹിറ്റ് സിനിമയായ ദൃശ്യത്തിലെ ജോര്ജ്കുട്ടിയുടെ വീടായി ചിത്രീകരിച്ച മഠത്തില്പറമ്പില് വീടിന്റെ പറമ്പിലാണ് ലയണല് മെസിയുടെ 70 അടി ഉയരത്തിലുള്ള കട്ടൗട്ട് സ്ഥാപിച്ചിരിക്കുന്നത്. ഉയരം കൊണ്ട് മഞ്ചേരിയിലേതിനേക്കാള് ചെറുതാണെങ്കിലും ഇന്ത്യയില് കൈകൊണ്ടു വരച്ച ഏറ്റവും വലിയ മെസി കട്ടൗട്ടാണ് ഇത് എന്നാണ് ആരാധകര് പറയുന്നത്.
കൈകൊണ്ടു വരച്ച കൂറ്റന് കട്ടൗട്ട് എന്ന ആശയം ജോമി വഴിത്തലക്കാരന് എന്ന വ്ളോഗറുടെ മനസിലാണ് ആദ്യം ഉരുത്തിരിഞ്ഞത്. പിന്നീട് മാറിക പുത്തന്പള്ളി അര്ജന്റീന ഫാന്സ് ഇതിനായി കൈകോര്ത്തു. രണ്ട് സ്പോണ്സര്മാരേയും കിട്ടിയതോടെ സംഗതി ഉഷാറായി. ഇതിനായി ഒന്നര ലക്ഷം രൂപയോളമാണ് സമാഹരിച്ചത്. കലാകാരന്മാരായ രാജി മയൂരയും രാജേഷ് മയൂരയും ചേര്ന്ന് പ്രതിഫലമൊന്നും വാങ്ങാതെയാണ് മെസിയുടെ ചിത്രം വരച്ചത്.
പ്ലൈവുഡില് തുണി ഒട്ടിച്ച് 6 ഭാഗങ്ങളായാണ് ചിത്രം തയ്യാറാക്കിയത്. ഫ്ളെക്സിന് ബ്രസീല്, പോര്ച്ചുഗല് ഫാന്സും അഭിവാദ്യമേകി.. ബ്രസീല് ആരാധകര് കട്ടൗട്ട് കെട്ടാന് കൂടിയതും ഫുട്ബോള് ഐക്യത്തിന്റെ പ്രതിധ്വനി തീര്ത്തു. അതേസമയം പാലക്കാട് ഒറ്റപ്പാലത്ത് ബ്രസീല് താരം നെയ്മറിന്റേയും കൂട്ടന് കട്ടൗട്ട് സ്ഥാപിച്ചു. ഒറ്റപ്പാലം പാലത്തിന് സമീപമാണ് 105 അടി ഉയരത്തില് നെയ്മറിന്റെ കട്ടൗട്ട് വന്നത്.
നഗരസഭ ചെയര്പേഴ്സണ് കെ ജാനകിദേവിയാണ് കൂറ്റന് കട്ടൗട്ട് ഉദ്ഘാടനം ചെയ്തത്. അര്ജന്റീന ഫാന്സുയര്ത്തിയ 65 അടിയുള്ള മെസിയുടെ കട്ടൗട്ടിന് മറുപടി എന്നോണമാണ് 105 അടിയില് തീര്ത്ത കൂറ്റന് കട്ടൗട്ടുയര്ന്നത്. ഒറ്റപ്പാലം ബ്രസീല് ഫാന്സും പി.ടി. ആഡ്സും ചേര്ന്നാണ് കട്ടൗട്ട് ഉയര്ത്തിയത്.
-
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ്
Click it and Unblock the Notifications
Sign in with Google