ലോക്ക് ഡൗണ് ഇളവ് സിനിമാ മേഖലയിലും: പോസ്റ്റ് പ്രൊഡക്ഷന് ജോലികള് മെയ് 4 മുതല് ആരംഭിക്കാം
തിരുവനന്തപുരം: സിനിമ മേഖലയിലും ലോക്ക് ഡൗണ് ഇളവുകള് പ്രഖ്യാപിച്ച് സംസ്ഥാന സര്ക്കാര്. സിനിമയുടെ പോസ്റ്റ് പ്രൊഡക്ഷൻ ജോലികൾ മെയ് നാല് മുതൽ ആരംഭിക്കാൻ അനുമതി നൽകുമെന്ന് സാംസ്കാരിക വകുപ്പ് മന്ത്രി എകെ ബാലന് അറിയിച്ചു. പരമാവധി അഞ്ച് പേർക്ക് ചെയ്യാവുന്ന, സിനിമയുടെ പോസ്റ്റ് പ്രൊഡക്ഷൻ ജോലികൾ മെയ് നാല് മുതൽ ആരംഭിക്കാൻ അനുമതി നൽകും. ഇതു സംബന്ധിച്ച് ഇന്ന് മുഖ്യമന്ത്രിയുമായി സംസാരിച്ച ശേഷമാണ് തീരുമാനമെടുത്തതെന്ന് എകെ ബാലന് അറിയിച്ചു.
ഗ്രീൻ സോണിൽ ഓഫീസുകൾ പരിമിതമായ ആളുകളെ വെച്ച് തുറക്കുന്ന സാഹചര്യത്തിലാണ് സിനിമാ-ടെലിവിഷൻ മേഖലയിലും ചില ജോലികൾക്ക് അനുമതി നൽകുന്നത്. ഡബ്ബിങ്ങ്, സംഗീതം, സൗണ്ട് മിക്സിങ്ങ് എന്നീ ജോലികൾ തിങ്കളാഴ്ച്ച മുതൽ ആരംഭിക്കാം.
Recommended Video
ജോലികൾ പുനഃരാരംഭിക്കുന്നതിനു മുമ്പ്, സ്റ്റുഡിയോകൾ അണുമുക്തമാക്കണം. സർക്കാർ നിർദ്ദേശിച്ചിട്ടുള്ള സുരക്ഷാ മർഗ്ഗങ്ങളായ മാസ്ക് ധരിക്കുക, കൈകൾ അണുവിമുക്തമാക്കുക, സാമൂഹ്യ അകലം തുടങ്ങിയവ കർശ്ശനമായി പാലിച്ചു വേണം സ്റ്റുഡിയോ ജോലികൾ പുനഃരാരംഭിക്കുവാനെന്നും മന്ത്രി അറിയിച്ചു.
അതേസമയം, മൂന്നാം ഘട്ട ലോക്ക് ഡൗണില് സംസ്ഥാനത്തെ സോണുകൾ നിശ്ചയിക്കുക കേന്ദ്ര തീരുമാനത്തിൻ്റെ അടിസ്ഥാനത്തില് മതിയെന്നും ഇന്ന് ചേര്ന്ന ഉന്നതതല യോഗം തീരുമാനിച്ചു. 14 ജില്ലകളിലേയും സാഹചര്യം പരിഗണിച്ചാവും ഇളവുകൾ നൽകുന്നതും ഹോട്ട് സ്പോട്ടുകൾ നിശ്ചയിക്കുന്നതും. കേന്ദ്ര സര്ക്കാര് നിര്ദേശപ്രകാരം സോണുകള് നിശ്ചയിക്കുമ്പോള് തന്നെ കേരള സര്ക്കാരും സ്വന്തം നിലയില് ഇളവുകള് കൂടുതല് നിയന്ത്രണങ്ങളും മൂന്നാം ഘട്ട ലോക്ക് ഡൗണില് കൊണ്ടുവരുമെന്നാണ് സൂചന.
Click it and Unblock the Notifications
Sign in with Google