Click it and Unblock the Notifications
Just In
Don't Miss
-
ഉള്ളി കേടുകൂടാതെ ഫ്രഷ് ആയി കൂടുതല് കാലം സൂക്ഷിക്കാനുള്ള മാര്ഗ്ഗങ്ങള് -
IPL 2024: 20ാം ഓവര് എന്തുകൊണ്ട് യഷിന് നല്കി? രാഹുല് ധോണിയെ സഹായിച്ചു! തെളിവ് ഇതാ -
അച്ഛന്റെ കൂടെ സംസാരിക്കാനോ പുറത്ത് പോകാനോ അനുവാദമില്ലായിരുന്നു; ബ്രേക്കപ്പിന്റെ സമയത്ത് മരണം; സൗഭാഗ്യ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
കോഴിക്കോട് 'ഉദയനാണ് താരം' മോഡൽ മോഷണം! സിനിമയുടെ തിരക്കഥ മോഷ്ടിച്ചു, ഷൂട്ടിങ് മുടങ്ങി...
തിരക്കഥയ്ക്ക് പുറമേ ലാപ്ടോപ്, മൊബൈൽ ഫോൺ, വസ്ത്രങ്ങൾ എന്നിവയും ഇവർ മോഷ്ടിച്ചിരുന്നു.
കോഴിക്കോട്: ഉദയനാണ് താരം സിനിമയെ അനുസ്മരിപ്പിക്കും വിധം കോഴിക്കോട് തിരക്കഥാ മോഷണം. സിനിമാ പ്രവർത്തകർ താമസിക്കുന്ന കൊയിലാണ്ടിയിലെ ലോഡ്ജിൽ നിന്നാണ് തിരക്കഥ മോഷണം പോയത്. സംഭവവുമായി ബന്ധപ്പെട്ട് രണ്ട് യുവാക്കളെ പോലീസ് അറസ്റ്റ് ചെയ്തു.
കണയങ്കോട് കൊപ്രപാണ്ടിക വീട്ടിൽ ആഷിക്ക്(26), നടേരി കണ്ണറ്റിട വയൽക്കുനി നിഷാദ്(23) എന്നിവരെയാണ് പോലീസ് അറസ്റ്റ് ചെയ്തത്. തിരക്കഥയ്ക്ക് പുറമേ ലാപ്ടോപ്, മൊബൈൽ ഫോൺ, വസ്ത്രങ്ങൾ എന്നിവയും ഇവർ മോഷ്ടിച്ചിരുന്നു. കോഴിക്കോട് വെങ്ങളം ബൈപാസ് റോഡിലെ കൈരളി ലോഡ്ജിലെ മുറിയിൽ കയറിയാണ് യുവാക്കൾ മോഷണം നടത്തിയത്.
സംവിധായകർ...
വെങ്ങളം ബൈപ്പാസിലെ കൈരളി ലോഡ്ജിൽ രണ്ട് ദിവസം മുമ്പാണ് മോഷണം നടന്നത്. പ്രമുഖ സംവിധായകരായ ബിനീഷ് ചേവായൂർ, സഹസംവിധായകൻ ഉണ്ണി സത്യൻ തുടങ്ങിയ സിനിമാ പ്രവർത്തകർ താമസിച്ചിരുന്ന മുറിയിലായിരുന്നു മോഷണം.
ഉറങ്ങിയത്...
തിരക്കഥ സംബന്ധിച്ച ചർച്ചകൾക്ക് ശേഷം പുലർച്ചെ രണ്ട് മണിയോടെയാണ് എല്ലാവരും ഉറങ്ങാൻ കിടന്നത്. ഇതിനിടെ മുറിയുടെ വാതിൽ അകത്തുനിന്ന് പൂട്ടിയിടാനും മറന്നുപോയി. ഇതാണ് മോഷ്ടാക്കൾക്ക് കാര്യങ്ങൾ എളുപ്പമാക്കിയത്.
തിരക്കഥയും ലാപ്ടോപ്പും...
ലൊക്കേഷൻ നിശ്ചയിച്ച ഉടൻ ചിത്രീകരണം ആരംഭിക്കാനിരിക്കുന്ന സിനിമയുടെ തിരക്കഥയാണ് ലോഡ്ജിൽ നിന്നും മോഷണം പോയത്. ഇതിനു പുറമേ സിനിമാപ്രവർത്തകരുടെ ലാപ്ടോപ്, മൊബൈൽ ഫോൺ, വസ്ത്രങ്ങൾ എന്നിവയും മോഷ്ടാക്കൾ അടിച്ചുമാറ്റി.
എല്ലാം പൂർത്തിയായി...
പ്രമുഖ നടന്മാരായ ധർമ്മജൻ, ബിജുക്കുട്ടൻ, രാഹുൽ മാധവൻ തുടങ്ങിയവരാണ് പ്രസ്തുത ചിത്രത്തിൽ അഭിനയിക്കുന്നത്. ഉടൻ ചിത്രീകരണം ആരംഭിക്കാനിരുന്ന സിനിമയ്ക്ക് ഇതുവരെ പേരിട്ടിരുന്നില്ല.
മുടങ്ങി...
തിരക്കഥ മോഷണം പോയതിനാൽ സിനിമയുടെ ഷൂട്ടിങ് താൽക്കാലികമായി മുടങ്ങുകയും ചെയ്തു. കവർച്ച നടന്നത് ശ്രദ്ധയിൽപ്പെട്ടയുടൻ പോലീസിൽ വിവരമറിയിച്ചെങ്കിലും രണ്ട് ദിവസത്തിന് ശേഷമാണ് പ്രതികളെ പിടികൂടിയത്.
രണ്ടുപേർ...
സിനിമാപ്രവർത്തകരുടെ ലാപ്ടോപും, മൊബൈലും സിനിമയുടെ തിരക്കഥയും മോഷ്ടിച്ച രണ്ട് യുവാക്കളെ പോലീസ് ശനിയാഴ്ചയോടെ അറസ്റ്റ് ചെയ്തു. സിഐ കെ ഉണ്ണികൃഷ്ണൻ, എസ്ഐ കെ ബാബുരാജ് എന്നിവരുടെ നേതൃത്വത്തിലുള്ള പോലീസ് സംഘമാണ് പ്രതികളെ പിടികൂടിയത്.
