തീഗോളം എറണാകുളത്ത് വീണു?നാല് സെന്റ് പുരയിടം കത്തി നശിച്ചു
എറണാകുളം: മധ്യകേരളത്തില് ആശങ്ക പടര്ത്തിയ തീഗോളം എറാകുളം ജില്ലയിലെ വടക്കന് പറവൂരിന് സമീപം കരമാല്ലൂരില് വീണതയി റിപ്പോര്ട്ട്. കരുമാല്ലൂരിലെ നാല് സെന്റ് പുരയിടം തീഗോളം വീണതിനെത്തുടര്ന്ന് കത്തിനശിച്ചതായും പറയപ്പെടുന്നു.
കരുമാല്ലൂര്. പുതുക്കാട് മാമ്പിള്ളിപ്പൊക്കത്ത് നീറിക്കോട് സ്വദേശി ദിരീഷിന്റെ ഉടമസ്ഥതയിലുള്ള സ്ഥലമാണ് കത്തിക്കരിഞ്ഞത്. സ്ഥലത്ത് പൊലീസും റവന്യൂ ഉദ്യോഗസ്ഥരും പരിശോധന നടത്തുന്നു. ദുരന്ത നിവാരണ സേനയിലെ വിദഗ്ധരും സ്ഥലത്തെത്തും.
മധ്യകേരളത്തിലാണ് വെള്ളിയാഴ്ച രാത്രിയോടെ തീ ഗോളത്തെ കണ്ടത്. കരുമാല്ലൂരില് തീപ്പിടത്തമുണ്ടായ സ്ഥലത്തിന് സമീപം ഉണ്ടായിരുന്ന കുട്ടികള് തീഗോളം വരുന്നത് കണ്ടിരുന്നു. സെക്കന്ഡുകള് മാത്രം കാണപ്പെട്ട തീഗോളത്തിന് പിന്നാലെ പറമ്പ് കത്തുന്നതാണ് കണ്ടത്. തുടര്ന്ന് വെള്ളമൊഴിച്ച് തീ അണയ്ക്കാനുള്ള ശ്രമവും നടന്നു.രാവിലെ പത്രവാര്ത്ത കണ്ടപ്പോഴാണ് തീഗോളമാണോ വീണതെന്ന സംശയം പ്രദേശവാസികള്ക്കുണ്ടായത്. തുടര്ന്ന് അധികൃതരെ വിവരം അറിയിച്ചു.