''അന്ന് എതിർത്ത വിക്ടേഴ്സ് ഇന്ന് സർക്കാരിന് തുണ, തിരിച്ചറിയാൻ കൊറോണയും 14 വര്ഷവും വേണ്ടിവന്നു''
തിരുവനന്തപുരം: കൊവിഡ് പടര്ന്നതോടെ മുഴുവന് വിദ്യാലയങ്ങളും അടഞ്ഞുകിടക്കുകയാണെങ്കിലും സംസ്ഥാനത്തിലെ വിദ്യാര്ത്ഥികള്ക്കായുള്ള ക്ലാസുകള് നാളെ മുതല് ഓണ്ലൈനിലൂടെ ആരംഭിക്കുമെന്ന് സര്ക്കാര് നേരത്തെ അറിയിച്ചിരുന്നു. വിക്ടേഴ്സ് ചാനല് വഴിയാണ് നാളെ മുതല് ക്ലാസുകള് ആരംഭിക്കുക. ഒരു സമയത്ത് ഒരു ക്ലാസുകാര്ക്ക് വേണ്ടിയുള്ള ക്ലാസ് മാത്രമായിരിക്കും നടക്കുകയെന്ന് അധികൃതര് അറിയിച്ചിട്ടുണ്ട്.
ഇപ്പോഴിതാ സര്ക്കാരിന്റെ ഈ തിരുമാനത്തില് പ്രതികരിച്ച് രംഗത്തെത്തിയിരിക്കുകയാണ് മുന് മുഖ്യമന്ത്രിയും കോണ്ഗ്രസ് നേതാവമായ ഉമ്മന് ചാണ്ടി. ജൂണ് ഒന്നിന് സ്കൂള് തുറന്നെന്ന് ഇടതുപക്ഷത്തിന് അഭിമാനപൂര്വം പറയാന് തങ്ങള് തുറന്നെതിര്ത്ത വിക്ടേഴ്സ് ചാനലിനെ ആശ്രയിക്കേണ്ടി വന്നുവെന്ന് ഉമ്മന് ചാണ്ടി പറഞ്ഞു. 2005ല് ഇടതുപക്ഷത്തിന്റെ എതിര്പ്പിനെ മറികടന്ന് യുഡിഎഫ് സര്ക്കാര് തുടങ്ങിയ വിക്ടേഴ്സ ഓണ്ലൈന് ചാനല് ഇന്ന് രാജ്യത്തെ തന്നെ മുന്നിര വിദ്യാഭ്യാസ ചാനലാണെന്നും മുഖ്യമന്ത്രി കൂട്ടിച്ചേര്ത്തു.
അഭിമാനപൂര്വം പറയാന്
ജൂണ് ഒന്നിന് സ്കൂള് തുറന്നെന്ന് ഇടതുപക്ഷത്തിന് അഭിമാനപൂര്വം പറയാന് തങ്ങള് തുറന്നെതിര്ത്ത വിക്ടേഴ്സ് ചാനലിനെ ആശ്രയിക്കേണ്ടി വന്നുവെന്ന് മുന് മുഖ്യമന്ത്രി ഉമ്മന് ചാണ്ടി. ഒന്നു മുതല് 12 വരെയുള്ള സംസ്ഥാനത്തെ 40 ലക്ഷം വിദ്യാര്ത്ഥികള്ക്ക് വിക്ടേഴ്സ് ചാനലിന്റെ പ്ലാറ്റ്ഫോിമില് ഓണ്ലൈനിലൂടെ ക്ലാസ് ആരംഭിക്കുന്നു. വിക്ടേഴ്സ് ചാനലിന്റെ പ്രാധാന്യം തിരിച്ചറിഞ്ഞ് അതിനെ വ്യാപകമായി ഉപയോഗിക്കാന് തീരുമാനിച്ച സര്ക്കാരിന്റെ നടപടിയെ സ്വാഗതം ചെയ്യുന്നു.
മുന്നിര വിദ്യാഭ്യാസ ചാനലാണ്
2005ല് ഇടതുപക്ഷത്തിന്റെ എതിര്പ്പിനെ മറികടന്ന് യുഡിഎഫ് സര്ക്കാര് തുടങ്ങിയ വിക്ടേഴ്സ് ഓണ്ലൈന് ചാനല് ഇന്ന് രാജ്യത്തെ തന്നെ മുന്നിര വിദ്യാഭ്യാസ ചാനലാണ്. 2004ല് ആണ് ഐഎസ്ആര്ഒ വിദ്യാഭ്യാസത്തിനു മാത്രമായി എഡ്യൂസാറ്റ് എന്ന സാറ്റലൈറ്റ് വിക്ഷേപിച്ചത്. അത് ആദ്യം തന്നെ പ്രയോജനപ്പെടുത്തിയ സംസ്ഥാനമാണു കേരളം. തൊട്ടടുത്ത വര്ഷം തന്നെ ഇന്ത്യയില് ആദ്യമായി രൂപം കൊടുത്ത വിദ്യാഭ്യാസ ചാനലാണ് വിക്ടേഴ്സ്.
ഉദ്ഘാടനം
2005 ജൂലൈ 28ന് അന്നത്തെ രാഷ്ടപതി എപിജെ അബ്ദുള് കലാം തിരുവനന്തപുരത്തെത്തി ഉദ്ഘാടന കര്മം നിര്വഹിച്ചു. രാഷ്ടപതി ഒരു അധ്യാപകനെപ്പോലെ ക്ലാസെടുക്കുകയും കുട്ടികളുമായി നേരിട്ടും വിവിധ ജില്ലകളിലെ എഡ്യൂസാറ്റ് ഇന്റര് ആക്ടീവ് ടെര്മിനലുകല്രുന്ന വിദ്യാര്ത്ഥികളുമായി ഓണ്ലൈനിലും സംവദിച്ചു. . അന്നത്തെ യുഡിഎഫ് മന്ത്രിസഭയില് വിദ്യാഭ്യാസ മന്ത്രിയായിരുന്ന ഇടി മുഹമ്മദ് ബഷീര് ഈ പദ്ധതിക്ക് പ്രത്യേക താത്പര്യം എടുത്തിരുന്നു.
ഇടതുപക്ഷത്തിന്റെ പ്രതിഷേധം
എസ് എസ് എല് സിക്ക് പതിമൂന്നാമത്തെ വിഷയമായി ഐടി ഉള്പ്പെടുത്തിയപ്പോഴും സ്റ്റേറ്റ് ഇന്സ്റ്റിറ്റ്യൂട്ട് ഓഫ് എഡ്യൂക്കേഷന് എന്ന സ്ഥാപനത്തെ സ്റ്റേറ്റ് ഇന്സ്ടിട്യൂട് ഓഫ് എഡ്യൂക്കേഷന് ടെക്നോളജി ആയി ഉയര്ത്തിയപ്പോഴും ഇടതുപക്ഷം പ്രതിഷേധവുമായി രംഗത്തുവന്നു. ഐടി പരീക്ഷ ബഹിഷ്കരിക്കുമെന്നും മൈക്രോസോഫ്റ്റിന്റെ പ്ലാറ്റ്ഫോമില് ഐടി പരീക്ഷ സോഫ്റ്റ്വെയര് നിര്മിച്ചത് തെറ്റാണെന്നും ഇവിടെ വേണ്ടത് സ്വതന്ത്ര സോഫ്റ്റ്വെയര് ആണെന്നും ചൂണ്ടിക്കാട്ടി കനത്ത എതിര്പ്പ് ഉയര്ത്തി. ഓണ്ലൈന് ചാനല് അധ്യാപകരെ ഒഴിവാക്കാനുള്ള കുതന്ത്രമായി വ്യാഖ്യാനിക്കപ്പെട്ടു.
പതിന്നാലു വര്ഷം
വിദൂര വിദ്യാഭ്യാസത്തിന്റെയും സാങ്കേതിക വിദ്യയുടെയും അനന്തസാധ്യതകള് ഉപയോഗപ്പെടുത്താനാണ് യുഡിഎഫ് സര്ക്കാര് ശ്രമിച്ചത്. 2011-16ല് എസ്എസ്എല്സി പരീക്ഷയ്ക്ക് മുമ്പ് 5 വര്ഷത്തെ ചോദ്യപേപ്പറുകളുടെ വിശകലനം, പരീക്ഷാത്തലേന്ന് സാമ്പിള് ചോദ്യപേപ്പറിന്റെ വിശകലനം, എന്ട്രന്സ് കോച്ചിംഗ്, പത്തിനുശേഷമുള്ള ഉപരിപഠന സാധ്യതകള്, അധ്യാപക പരിശീലനം തുടങ്ങിയ ഒട്ടേറെ പരിപാടികള് നടപ്പാക്കി വിക്ടേഴ്സ് ചാനലിനെ മുന്നിരയില് എത്തിച്ചുവെന്ന് ഉമ്മന് ചാണ്ടി ചൂണ്ടിക്കാട്ടി. സാങ്കേതികവിദ്യയുടെ പ്രാധാന്യം തിരിച്ചറിയാന് എല്ഡിഎഫിന് പതിന്നാലുവര്ഷവും കൊറോണയും വേണ്ടിവന്നുവെന്നും ഉമ്മന് ചാണ്ടി ചൂണ്ടിക്കാട്ടി.