യുഡിഎഫില് ഐക്യം കാലുവാരലില് മാത്രം: കേരള കോണ്ഗ്രസ് വിട്ട വിക്ടർ ടി തോമസ് ബിജെപിയില് ചേർന്നു
കൊച്ചി: കേരള കോണ്ഗ്രസ് ജോസഫ് വിഭാഗം നേതാവ് വിക്ടർ ടി തോമസ് ബി ജെ പിയില് ചേർന്നു. സംസ്ഥാന അധ്യക്ഷന് കെ. സുരേന്ദ്രന്, ബി ജെ പി സംസ്ഥാന പ്രഭാരി പ്രകാശ് ജാവദേക്കര് എന്നിവരുടെ സാന്നിധ്യത്തിലാണ് വിക്ടറിന്റെ ബി ജെ പി പ്രവേശനം. യു ഡി എഫിനെതിരായ വിമർശനം അദ്ദേഹം സ്വീകരണ വേദിയിലും ആവർത്തിച്ചു. യു ഡി എഫില് കാലുവാരുന്നതില് മാത്രമാണ് ഐക്യമുള്ളതെന്നായിരുന്നു വിക്ടർ ടി തോമസിന്റെ ആരോപണം.
പഞ്ചായത്തംഗം പോലും ആവാന് കഴിയാത്തവര് സ്ഥാനാര്ഥിയാവാന് ആഗ്രഹിക്കുകയും തന്നെ കാലുവാരി തോല്പ്പിക്കുകയും ചെയ്തു. ഇത് നിരന്തരം ആവർത്തിച്ചുകൊണ്ടിരിക്കുകയാണ്. പരാതിപ്പെട്ടാലും ഇക്കാര്യത്തില് യാതൊരു നടപടികളും ഉണ്ടാവാറില്ലെന്നും അഭിപ്രായപ്പെട്ട വിക്ടർ ടി തോമസ് സുശക്തമായ കേന്ദ്രമുണ്ടെങ്കിലേ സംസ്ഥാനങ്ങള്ക്ക് സംതൃപ്തമാകാന് കഴിയൂവെന്നും അതിന് നരേന്ദ്രമോദിയുടെ നേതൃത്വത്തിലുള്ള സുശക്തമായ നേതൃത്വം വേണമെന്നും പറഞ്ഞു.
ബി ജെ പിയില് ചേക്കേറുന്നതിന് മുന്നോടിയായി വിക്ടർ ടി തോമസ് കേരള കോണ്ഗ്രസ് പത്തനംതിട്ട ജില്ല പ്രസിഡന്റ് സ്ഥാനം രാജിവെച്ചിരുന്നു. യു ഡി എഫ് ജില്ലാ ചെയർമാന് കൂടിയായിരുന്നു വിക്ടർ. കേരള കോണ്ഗ്രസ് പാർട്ടിക്കെതിരേയും യു ഡി എഫ് മുന്നണിക്കെതിരേയും രൂക്ഷമായി വിമർശനം ഉന്നയിച്ചായിരുന്നു അദ്ദേഹത്തിന്റെ രാജി. തിരുവല്ലയില് 2006 ലും 2011 ലും യു ഡി എഫ് നേതാക്കള് തന്നെ കാലുവാരി തോല്പ്പിച്ചെന്നും അദ്ദേഹം ആരോപിച്ചിരുന്നു.
20 വർഷമായി കേരള കോൺഗ്രസ് ജില്ലാ പ്രസിഡന്റായിരുന്നു വിക്ടർ. 2021 ലെ നിയമസഭ തിരഞ്ഞെടുപ്പിലും തിരുവല്ല മണ്ഡലത്തില് മത്സരിക്കാന് അദ്ദേഹം വലിയ സമ്മർദ്ദം ചെലുത്തിയിരുന്നെങ്കിലും സീറ്റ് ലഭിച്ചിരുന്നില്ല. അന്ന് മുതല് പാർട്ടിയുമായി അത്ര രസത്തിലായിരുന്നില്ല കെഎസ്സി(എം) സംസ്ഥാന പ്രസിഡന്റ്, യൂത്ത് ഫ്രണ്ട് (എം) സംസ്ഥാന പ്രസിഡന്റ്, കേരള കോണ്ഗ്രസ് (എം) സംസ്ഥാന ജനറല് സെക്രട്ടറി, കോഴഞ്ചേരി പഞ്ചായത്ത് പ്രസിഡന്റ് തുടങ്ങിയ സ്ഥാനങ്ങളില് പ്രവര്ത്തിച്ചിട്ടുണ്ട്.
ജോണി നെല്ലൂർ രൂപീകരിച്ച എന് പി പിയെന്ന പാർട്ടിയിലേക്ക് വിക്ടർ ടി തോമസ് പോയേക്കുമെന്ന പ്രചരണം ഉണ്ടായിരുന്നു. എന്നാല് ബി ജെ പിയില് ചേരാനായിരുന്നു വിക്ടർ തോമസിന് താല്പര്യം. ഇതോടെയാണ് പാർട്ടി പ്രവേശനം കൂടുതല് വേഗത്തിലായത്. അതേസമയം, എന് പി പിയിലേക്ക് ഉടന് തന്നെ കൂടുതല് നേതാക്കള് എത്തുമെന്നാണ് ജോണി നെല്ലൂർ അവകാശപ്പെടുന്നത്.
-
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
എല്ലാം കണക്കാ...- കാൽനൂറ്റാണ്ടിനിടെ എൽഡിഎഫ് പതുങ്ങിയതും യുഡിഎഫ് കുതിച്ചതും 2001ൽ -
രാജീവ് ഗാന്ധിയുടെ സോറി- ‘ഡീൽ’ ആരോപണം ചൂടുപിടിക്കുമ്പോൾ മൂന്നര പതിറ്റാണ്ടിനിപ്പുറവും ലൈവായി ‘കോലീബി സഖ്യം’ -
ത്രികോണപ്പോര് മുറുകി തലസ്ഥാന ജില്ല, മൂന്ന് ഹോട്ട്സ്പോട്ടുകൾ -
പത്തനംതിട്ടയിൽ അഞ്ചിടത്തും പഞ്ചതന്ത്രം പയറ്റി മുന്നണികൾ -
പിണറായിയുടേത് 'സംഘി ക്യാബിനറ്റ്'! പിഷാരടിയെ തൊട്ടാൽ വിവരം അറിയും; ആഞ്ഞടിച്ച് ഷാഫി പറമ്പിൽ -
'പാലക്കാട് നേമം ആവർത്തിക്കാനുളള പുറപ്പാട്, ബിജെപിയെ നേരിടേണ്ടത് കോമഡി കൊണ്ടല്ല', രമേഷിനെതിരെ ഐസക് -
യുവ മനസ്സുകളിലെന്താണ്? 2021ലെ വോട്ട് വിഹിതം വർധിപ്പിക്കാൻ ‘ജെൻ സി’യെ കയ്യിലെടുക്കാൻ മുന്നണികൾ -
‘പൊലീസിന് ഈ വീട്ടിൽ കാര്യമുണ്ട്’- സമൂഹ മാധ്യമങ്ങളിലെ തെരഞ്ഞെടുപ്പ് പോസ്റ്റുകളിൽ പൊലീസ് ഇടപെടൽ -
ബിജെപി വിജയം 3ൽ ഒതുങ്ങില്ല, പത്തിലധികമെന്ന് സർവ്വേ, ഞെട്ടിക്കുന്ന മുന്നേറ്റമുണ്ടാക്കും, സീ ഫോർ പ്രവചനം ഇങ്ങനെ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
പ്രചാരണത്തിന് ‘ഇന്ദിര ഗ്യാരന്റി’ വരുന്നു, വാഗ്ദാനങ്ങളുമായി കേരളം ചുറ്റും
Click it and Unblock the Notifications
Sign in with Google