മുന് ഹൈക്കോടതി ചീഫ് ജസ്റ്റിസ് ജസ്റ്റിസ് തോട്ടത്തില് ബി രാധാകൃഷ്ണന് അന്തരിച്ചു
കൊച്ചി: ജസ്റ്റിസ് തോട്ടത്തില് ബി രാധാകൃഷ്ണന് അന്തരിച്ചു. 63 വയസായിരുന്നു. കാന്സർ രോഗബാധിതനായതിനെ തുടർന്ന് കഴിഞ്ഞ കുറച്ച് ദിവസങ്ങളിലായി കൊച്ചിയിലെ സ്വകാര്യ ആശുപത്രിയില് ചികിത്സയിലായിരുന്നു. കേരള ഹൈക്കോടതിയിൽ 12 വർഷം ജഡ്ജിയായി സേവനം അനുഷ്ഠിച്ച തോട്ടത്തില് ബി രാധാകൃഷ്ണന് കൊൽക്കത്ത ഹൈക്കോടതി ചീഫ് ജസ്റ്റിസ് ഛത്തീസ്ഗഡ്, തെലങ്കാന/ആന്ധ്ര ഹൈക്കോടതികളിലും ചീഫ് ജസ്റ്റിസുമായിരുന്നു, തെലങ്കാനയ്ക്കു പ്രത്യേക ഹൈക്കോടതി രൂപീകരിച്ചപ്പോൾ ആദ്യ ചീഫ് ജസ്റ്റിസ് ആവാനുള്ള നിയോഗവും തോട്ടത്തില് രാധാകൃഷ്ണനായിരുന്നു.
1983 ലാണ് ബി രാധാകൃഷ്ണന് അഭിഭാഷകനായി പ്രവർത്തനം ആരംഭിക്കുന്നത്. 2004 ഒക്ടോബർ 14 നാണ് കേരള ഹൈക്കോടതിയിൽ ജഡ്ജിയായി ചുമതലയേറ്റു. രണ്ടു തവണ ആക്ടിങ് ചീഫ് ജസ്റ്റിസായി. കേരള ലീഗൽ സർവീസസ് അതോറിറ്റി എക്സിക്യൂട്ടീവ് ചെയർമാനായിരുന്നു. സംസ്ഥാനത്തെ മാനസികാരോഗ്യ കേന്ദ്രങ്ങളുടെ പ്രവർത്തനത്തിലും മുതിർന്ന പൗരന്മാരുടെ പ്രശ്നങ്ങളിലും ദേവസ്വം വിഷയങ്ങളിലും ശ്രദ്ധേയ ഇടപെടൽ നടത്തിയ അദ്ദേഹം ശ്രദ്ധേയമായ നിരവധി കേസുകളില് വിധി പുറപ്പെടുവിക്കുകയും ചെയ്തിട്ടുണ്ട്.
വെള്ളക്കെട്ട് പരിഹരിക്കുന്നതില് കൊച്ചി നഗരസഭയുടെ ഭാഗത്ത് വീഴ്ചയുണ്ടായപ്പോള് തന്റെ വീടിന് മുന്നിലെ ഓട വൃത്തിയാക്കാന് തൂമ്പയുമായി നേരിട്ടിറങ്ങി പ്രതികരിച്ചിട്ടുണ്ട് തോട്ടത്തില് രാധാകൃഷ്ണന്. അവകാശങ്ങള് സംരക്ഷിക്കുന്നതിനായി മാധ്യമ വാര്ത്തകളുടെ അടിസ്ഥാനത്തിലും കേസെടുത്ത് ഇടപെടുന്ന ന്യായാധിപന് കൂടിയായിരുന്നു അദ്ദേഹം.
കൊല്ലം തേവള്ളി മരാമത്ത് വീട്ടിൽ എൻ ഭാസ്കരൻനായരുടെയും പാറുക്കുട്ടിയമ്മയുടെയും മകനാണ്. നിലവിൽ കൊച്ചി എളമക്കര ബിടിഎസ് റോഡിലായിരുന്നു താമസം. കൊല്ലം സെന്റ് ജോസഫ്സ് കോൺവന്റ് സ്കൂൾ, ഗവ. ബോയ്സ് ഹൈസ്കൂൾ, പട്ടത്തെ ആര്യ സെൻട്രൽ സ്കൂൾ, ട്രിനിറ്റി ലൈസിയം ഹയർ സെക്കൻഡറി സ്കൂൾ എന്നിവിടങ്ങളിൽ സ്കൂൾ വിദ്യാഭ്യാസം പൂർത്തിയാക്കി.
ഫാത്തിമ മാതാ നാഷണൽ കോളേജിലെ ഉപരിപഠനശേഷം കോളാറിലെ കെജിഎഫ് ലോ കോളേജിൽനിന്ന് നിയമബിരുദം നേടി. ഭാര്യ: മീരസെൻ. മക്കൾ: പാർവതിനായർ, കേശവരാജ്നായർ.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google