ആശുപത്രിയിലാക്കിയ ഭിക്ഷക്കാരിയുടെ ഭാണ്ഡം നോക്കിയപ്പോള് ഞെട്ടിത്തരിച്ച് നാട്ടുകാര്!
തൃശൂര്: ആശുപത്രിയിലാക്കിയ ഭിക്ഷക്കാരിയുടെ ഭാണ്ഡം തുറന്ന് നോക്കിയപ്പോള് നാട്ടുകാര് ഞെട്ടി. ഭാണ്ഡത്തില് കണ്ടത് ലക്ഷത്തില്പ്പരം രൂപ. വാടാനപ്പള്ളി സെന്ററില് തൃശൂര് റോഡില് വസ്ത്ര വ്യാപാര സ്ഥാപനത്തിന്റെ വരാന്തയില് അന്തിയുറങ്ങുന്ന അന്യ സംസ്ഥാനക്കാരിയായ ദീദിയെ ആശുപത്രിയിലാക്കിയപ്പോഴാണ് പഞ്ചായത്തിന്റെ നേതൃത്വത്തില് ഭാണ്ഡക്കെട്ട് പരിശോധിച്ചത്.
വൃദ്ധ ഭിക്ഷാടകന് പതിമൂന്ന് കാരിയെ പീഡിപ്പിച്ചു; സംഭവം ആലപ്പുഴയില്
ഭാണ്ഡക്കെട്ട് പരിശോധിച്ചപ്പോള് ലക്ഷത്തില്പ്പരം രൂപയാണ് നാട്ടുകാര് കണ്ടത്. രൂപ എണ്ണിത്തിട്ടപ്പെടുത്താന് അഞ്ച് മണിക്കൂറാണ് എടുത്തത്. തിട്ടപ്പെടുത്തിയ തുകയാണെങ്കില് 1,11,678 രൂപയും. വായിലും ചുണ്ടിലും പഴുപ്പ് കണ്ടതിനെ തുടര്ന്നാണ് ദീദിയെ ഡിവൈഎഫ്ഐ പ്രവര്ത്തകര് ചേര്ന്നാണ് ആശുപത്രിയിലെത്തിക്കാന് നടപടി സ്വീകരിച്ചത്.
ദീദിയുടെ കൂടെ മനോനില തകരാറിലായ പരിമള എന്ന യുവതിയുമുണ്ടായിരുന്നു. രണ്ടു പേരെയും ആദ്യം ജെസിഎം കോടതില് ഹാജരാക്കുകയായിരുന്നു. കോടതിയുടെ നിര്ദേശ പ്രകാരം ഇരുവരെയും മാനസികാരോഗ്യ കേന്ദ്രത്തിലേക്ക് മാറ്റി. ഇതിന് ശേഷമാണ് പോലീസും പഞ്ചായത്ത് അധികൃതരും ചേര്ന്ന് ദീദിയുടെ ഭാണ്ഡം തുറന്നത്. പത്തുമുതല് ആയിരം വരെയുള്ള കറന്സി നോട്ടുകളും 25 പൈസ മുതല് പത്ത് രുപ വരെയുള്ള നാണയങ്ങളും 200 ദര്ഹത്തിന്റെ ഒരു നോട്ടും ഭാണ്ഡത്തില് കണ്ടതോടെ അധികൃതര്ക്കും നാട്ടുകാര്ക്കും കൗതുകമാകുകയായിരുന്നു.
പിടിയിലായ യാചകന്റെ ഫ്ളാറ്റിലെ പണം കണ്ട് ഷാര്ജ പോലീസ് ഞെട്ടി!!!
കാല് ചാക്കോളമുള്ള നാണയത്തുട്ടുകള് രണ്ട് പേര് ചേര്ന്നാണ് പഞ്ചായത്ത് സ്റ്റാന്ഡിങ് കമ്മറ്റി ഓഫീസിലെത്തിച്ചത്. കോടതിയുടെ നിര്ദേശ പ്രകാരം പഞ്ചായത്ത് പ്രസിഡന്റ്, വാടാനപ്പള്ളി എസ്ഐ എന്നിവരുടെ ചുമതലയില് ദീദിയുടെ പേരില് തുക ബാങ്കിലിടും. മാനസികാരോഗ്യ കേന്ദ്രത്തിലെ ചികിത്സയ്ക്ക് ശേഷം ദീദിയെ മഹിളാ മന്ദിരത്തിലേക്ക് മാറ്റുമെന്ന് വാടാനപ്പള്ളി എസ്ഐ ശ്രീജിത്ത് പറഞ്ഞു.