ഓണാഘോഷം കൊഴുപ്പിക്കാൻ കുട്ടികൾ ചെയ്തത്! ചോദിക്കാൻ ചെന്ന ടീച്ചറിനെ അവർ... 4 വിദ്യാർത്ഥികൾ അറസ്റ്റിൽ
കുതുരുത്തി: സ്കൂളുകളിലും കോളേജുകളിലും ഓണാഘോഷങ്ങൾ പൊടിപൊടിക്കുന്ന സമയമാണിപ്പോൾ. എന്നാൽ ചില വിരുതന്മാർ ഒപ്പിക്കുന്ന പണി കണ്ടാൽ നമ്മൾ ഞെട്ടിപോകും. ഞീഴൂർ ഐഎച്ച് ആർഡി കോളേജിലെ ഓണാഘോഷത്തോടനുബന്ധിച്ച് നടന്ന സംഭവമാണ് ഇപ്പോൾ പുറത്ത് വന്നിരിക്കുന്നത്. ഓണം ആഘോഷിക്കാൻ ക്ലാസ് മുറിയിലിരുന്നു മദ്യപിക്കുകയും അധ്യാപകരെ ഭീഷിണിപെടുത്തുകയും ചെയ്ത വിദ്യാർഥികൾക്കെതിരെ പോലീസ് കേസെടുത്തിരിക്കുകയാണ്.
ക്ലാസ്സ് മുറിയിലിരുന്ന മദ്യപിക്കുകയും ചോദ്യം ചെയ്യാനെത്തിയ അധ്യാപകരെ മദ്യലഹരിയിലായ വിദ്യാർഥികൾ അധ്യാപകരെ ഭീക്ഷണിപെടുത്തുകയും തുടർന്ന് കോളജിലെ ഓണാഘോഷം വിദ്യാർഥികൾ അലങ്കോലപ്പെടുത്തുകയും ചെയ്തു. പ്രിൻസിപ്പാളിന്റെ പരാതിയെ തുടർന്ന് പോലീസ് നാല് വിദ്യാർഥികൾക്കെതിരെ കേസെടുത്തു.
അധ്യാപകരോട് തട്ടി കയറി
കോളജിൽ ഓണാഘോഷ പരിപാടികൾ നടക്കുന്ന സമയത്ത് നാല് വിദ്യാർഥികൾ ക്ലാസ്സ് മുറിയിലിരുന്ന മദ്യപിച്ചു. വിവരമറിഞ്ഞ് എത്തിയ അധ്യാപകർ ക്ലാസ്സ് മുറിയിലെ മദ്യപാനം ചോദ്യം ചെയ്തതോടെ വിദ്യാർഥികൾ അധ്യാപകർക്കു നേരേ തട്ടി കയറുകയും അപമര്യാദയായി പെരുമാറുകയായിരുന്നു.
പുറത്ത് പോകാൻ ആവശ്യപ്പെട്ടു
സംഭവമറിഞ്ഞെത്തിയ പ്രിൻസിപ്പൾ മദ്യലഹരിയിലായിരുന്ന വിദ്യാർഥികളോട് കോളജ് പരിസരത്ത് നിന്ന് പുറത്തു പോകുവാൻ ആവശ്യപ്പെട്ടു.
പ്രിൻസിപ്പാളിനെ കൈയ്യേറ്റം ചെയ്തു
അധ്യാപകൻ വിദ്യാർത്ഥികളോട് കോളേജ് പരിസരത്തു നിന്നും പുറത്ത് പോകാൻ ആവശ്യപ്പെട്ടതോടെ പ്രിൻസിപ്പളിനെ കൈയ്യേറ്റം ചെയ്യുവാൻ ശ്രമിക്കുകയായിരുന്നു.
സെക്യൂരിറ്റിക്കാരനെയും വെറുതെ വിട്ടില്ല
ഇതിനിടെയിൽ കോളജിന്റെ പ്രധാനകവാടം അടച്ച സെക്യൂരിറ്റി ജീവനക്കാരനെയും വിദ്യാർഥികൾ കൈയ്യേറ്റം ചെയ്തു. ഇതോടെ കോളജിലെ ഓണാഘോഷം അലങ്കോലപെട്ടു.
പോലീസിനെ വിവരം അറിയിച്ചു
പ്രശ്നം രൂക്ഷമായതോടെ ഓണാഘോഷങ്ങൾ നിറുത്തിവച്ചതിന് ശേഷം പ്രിൻസിപ്പൾ പോലീസിൽ വിവരമറിയിക്കുകയായിരുന്നു.
നാല് പേർക്കെതിരെ കേസ്
പ്രിൻസിപ്പാളിന്റെ പരാതിയെ തുടർന്ന് കോളജിലെ നാല് മൂന്നാംവർഷ ബിരുദവിദ്യാർഥികളെ കസ്റ്റഡിലെടുക്കുകയും ഇവർക്കെതിരെ കേസെടുത്തതായും കടുത്തുരുത്തി എസ്ഐ ജി പ്രദീപ് പറഞ്ഞു.
Click it and Unblock the Notifications
Sign in with Google