കൊങ്കണ് റെയില്വേ പാതയില് മഴയും മണ്ണിടിച്ചിലും; നാല് ട്രെയിനുകള് റദ്ദാക്കി
തിരുവനന്തപുരം: ശക്തമായ മഴയില് കൊങ്കണ് റെയില്വേ പാതയിലും മണ്ണിടിച്ചില് ഇതോടെ ട്രെയിനുകള് റദ്ദാക്കി. നാല് ട്രെയിനുകളാണ് റദ്ദാക്കിയത്. ഞായറാഴ്ച്ച മുതല് ഈ മാസം 20 വരെയാണ് ട്രെയിന് സര്വ്വീസുകള് റദ്ദാക്കിയിരിക്കുന്നത്. നാല് ട്രെയിനുകള് വഴി തിരിച്ചുവിടുമെന്നും റെയില് അറിയിച്ചു.
1-തിരുവനന്തപുരം-ലോക്മാന്യ തിലക് നേത്രാവതി പ്രതിദിന സ്പെഷ്യല്
2-ലോക്മാന്യ തിലക് -തിരുവനന്തപുരം നേത്രാവതി പ്രതിദിന സ്പെഷ്യല് ഓഗസ്റ്റ് 09 മുതല് 20 വരെ
3-ദില്ലി-തിരുവനന്തപുരം രാജധാനി സ്പെഷ്യല് ഓഗസ്റ്റ് 9,11,12,16,18 തിയ്യതികളില്
4-തിരുവനന്തപുരം -ദില്ലി രാജധാനി സ്പെഷ്യല് ഓഗസ്റ്റ് 11,13, 14, 18,20 തിയ്യതികളില് ഇവയാണ് റദ്ദാക്കിയ ട്രെയിനുകള്.
Recommended Video
ഒപ്പം എറണാകുളം-ഹസ്രത്ത് നിസാമുദീന് മംഗളാ പ്രതിദിന സ്പെഷ്യല് , ഹസ്രത്ത് നിസാമുദീന്- എറണാകുളം ജംഗ്ഷന് മംഗള പ്രതിദിന സ്പെഷ്യല്, ഹസ്രത്ത് നിസാമുദീന്-എറണാകുളം ദുരന്തോ പ്രതിവാര സ്പെഷ്യല്, എറണാകുളം ജംഗ്ഷന് -ഹസ്രത്ത് നിസാമുദീന് ദുരന്തോ സ്പെഷ്യല് ട്രെയിന് എന്നീ ട്രെയിനുകളാണ് വഴി തിരിച്ചുവിടുന്ന ട്രെയിനികള്.
നിലവിലെ സാഹചര്യത്തില് ഓഗസ്റ്റ് 8 ന് കണ്ണൂര്, വയനാട്, കോഴിക്കോട്, മലപ്പുറം, ഇടുക്കി ജില്ലകളിലും ഓഗസ്റ്റ് ഒമ്പതിന് ഇടുക്കി, മലപ്പുറം, വയനാട് ജില്ലകളിലുമാണ് അതി തീവ്രമഴക്ക് മുന്നറിയിപ്പ് പ്രഖ്യാപിച്ചിരിക്കുന്നത്. ഈ ജില്ലകളില് റെഡ് അലേര്ട്ട് പ്രഖ്യാപിച്ചിരിക്കുകയാണ്. ഒറ്റപ്പെട്ട ഇടങ്ങളില് അതിതീവ്രമായ മഴയാണ് ഇവിടങ്ങളില് പ്രവചിച്ചിരിക്കുന്നത്.
യുപിയില് പരശുരാമന്റെ കൂറ്റന് പ്രതിമ വരുന്നു; പിന്നില് ബിജെപിയല്ല, കോണ്ഗ്രസിന്റെ ഫോറവും
കോണ്ഗ്രസിനെ കരകയറ്റാന് ഏറ്റവും യോഗ്യന് രാഹുലെന്ന് സര്വെ; രണ്ടാമത് മന്മോഹന്, സച്ചിനുമുണ്ട്
സ്വപ്നയ്ക്ക് മുകളില് മറ്റൊരു 'മാഡം' കൂടി? ബ്യൂട്ടി പാര്ലര് ഉടമയിലേക്കും അന്വേഷണം