മദ്യപിച്ചെത്തിയ അച്ഛന്റെ കൂട്ടുകാര് പീഡിപ്പിച്ച പെണ്കുട്ടി മരിച്ചു...പീഡനം നടന്നത് കളമശേരിയില്...
സെപ്റ്റംബര് മാസത്തിലാണ് കളമശേരിയിലെ വീട്ടില് വെച്ച് പെണ്കുട്ടി പീഡനത്തിനിരയായത്.
കൊച്ചി: മദ്യപിച്ചെത്തിയ അച്ഛന്റെ കൂട്ടുകാര് ക്രൂരമായി പീഡിപ്പിച്ച പതിനാലുകാരി മരിച്ചു. ഡിസംബര് 12 തിങ്കളാഴ്ച രാവിലെയാണ് പെണ്കുട്ടി മരണപ്പെട്ടത്. 2016 സെപ്റ്റംബര് മാസത്തിലാണ് പെണ്കുട്ടിയെ അച്ഛന്റെ കൂട്ടുകാര് ചേര്ന്ന് പീഡിപ്പിച്ചത്.
മസ്തിഷ്ക രോഗത്തിന് ചികിത്സയിലായിരുന്ന പെണ്കുട്ടി കളമശേരിയിലെ വീട്ടില് സുഖം പ്രാപിച്ച് വരുന്നതിനിടെയാണ് അച്ഛന്റെ കൂട്ടുകാര് പെണ്കുട്ടിയെ മാനഭംഗപ്പെടുത്തിയത്. പെണ്കുട്ടിയുടെ അച്ഛനോടൊപ്പം മദ്യപിച്ചെത്തിയ സുഹൃത്തുക്കള് പെണ്കുട്ടിയെ പീഡനത്തിരയാക്കുകയായിരുന്നു. തുടര്ന്ന് കോട്ടയം മെഡിക്കല് കോളേജ് ആശുപത്രിയില് പ്രവേശിപ്പിച്ച പെണ്കുട്ടി തിങ്കളാഴ്ച മരണത്തിന് കീഴടങ്ങുകയായിരുന്നു.
രോഗിയായ പെണ്കുട്ടിയെ പീഡിപ്പിച്ചു
പെണ്കുട്ടിയുടെ അച്ഛനും കൂട്ടുകാരും മദ്യപിച്ച ശേഷമാണ് വീട്ടിലെത്തിയത്. തുടര്ന്നാണ് മസ്തിഷ്ക രോഗത്തിന് ചികിത്സയിലായിരുന്ന പതിനാലുകാരിയായ പെണ്കുട്ടിയെ അച്ഛന്റെ കൂട്ടുകാര് ചേര്ന്ന് വീട്ടില് വെച്ച് അതിക്രൂരമായി പീഡിപ്പിച്ചത്.
പെണ്കുട്ടിയുടെ അച്ഛനും മരണപ്പെട്ടു
പീഡനത്തിന് ശേഷം ആരോഗ്യനില വഷളായ പെണ്കുട്ടിയെ ആശുപത്രിയില് പ്രവേശിപ്പിച്ചിരുന്നു. ഏകദേശം മൂന്നു മാസത്തോളം ചികിത്സയില് കഴിഞ്ഞിരുന്ന പെണ്കുട്ടി ഡിസംബര് 12 തിങ്കളാഴ്ച മരണത്തിന് കീഴടങ്ങുകയായിരുന്നു. ക്ഷയ രോഗ ബാധിതനായിരുന്ന പെണ്കുട്ടിയുടെ അച്ഛന് സമീപകാലത്ത് മരണപ്പെട്ടിരുന്നു.
പോലീസ് പറയുന്നത്
കോട്ടയം മെഡിക്കല് കോളേജേ് ആശുപത്രിയില് ചികിത്സയില് കഴിഞ്ഞിരുന്ന പെണ്കുട്ടിക്ക് അണുബാധയേറ്റതാകാം മരണകാരണമെന്നാണ് പോലീസ് അറിയിച്ചത്.
കൊലപാതകത്തിനും കേസെടുത്തു
പെണ്കുട്ടിയെ പീഡിപ്പിച്ച സംഭവത്തില് രവി, രാജു, രാജേഷ് എന്നിവരെ കളമശേരി പോലീസ് നേരത്തെ തന്നെ അറസ്റ്റ് ചെയ്തിരുന്നു. പെണ്കുട്ടി മരണപ്പെട്ടതോടെ പ്രതികള്ക്കെതിരെ കൊലപാതകത്തിനും കേസെടുത്തിട്ടുണ്ട്.