• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Elections 2019

കൊച്ചി മുസ്സിരിസ് ബിനാലെയിലെ ഒരു അത്ഭുത കാഴ്ച

  • By Sruthi K M

കൊച്ചി: കൂറ്റന്‍ മണി കണ്ടോ.. എന്തൊരു കാഴ്ച അല്ലേ. ആരെയും അമ്പരിപ്പിക്കുന്ന ഈ കാഴ്ച കൊച്ചി മുസ്സിരിസ് ബിനാലെയില്‍ ചെന്നാല്‍ കാണാം. അവിടെയാണ് ജിജി സ്‌കറിയ എന്ന മലയാളി കലാകാരന്റെ ഈ കലാസൃഷ്ടി നിലകൊള്ളുന്നത്. ചരിത്രവും മിത്തും സമൂഹവും ഒരു കായലോരത്ത് ഒന്നിക്കുകയാണെന്നു തോന്നിപ്പിക്കുന്ന ഒരു അത്ഭുത കാഴ്ച തന്നെ. വല്ലാര്‍പാടം കണ്ടെയ്‌നര്‍ ടെര്‍മിനലിന്റെ പെപ്പര്‍ ഹൗസിനോടു ചേര്‍ന്നാണ് ഈ മണി തൂങ്ങി കിടക്കുന്നത്.

കായലില്‍ മുങ്ങി കിടക്കുന്നു എന്നു തോന്നിപ്പിക്കും വിധമാണ് ഇത് ഘടിപ്പിച്ചിരിക്കുന്നത്. ഈ ചിത്രം കണ്ടാല്‍ ആര്‍ക്കും അങ്ങനെയേ തോന്നുകയുള്ളൂ. ഇതിനുമുമ്പ് കായല്‍ തീരത്ത് ഇങ്ങനെ ഒരു കാഴ്ച ഉണ്ടായി കാണില്ല. അതിനു കൊച്ചി മുസ്സിരിസ് ബിനാലെ കാരണമായി എന്നു തന്നെ പറയാം. ക്രോണിക്കിള്‍ ഓഫ് ദി സീഷോര്‍ ഫോര്‍റ്റോള്‍ഡ് എന്നാണ് ഈ കലാ വിന്യാസത്തെ വിശേഷിപ്പിക്കുന്നത്.

നിറയെ ദ്വാരങ്ങളുള്ള ഈ കൂറ്റന്‍ മണി സമയത്തിന്റെ പ്രതീകം എന്നു പറയാം. അതിലൂടെ പ്രവഹിക്കുന്ന കായല്‍ജലം. കാലത്തില്‍ പ്രതീകാത്മകമായി ദ്വാരങ്ങളിടുകയാണ് ഇതിലൂടെ താന്‍ ചെയ്യുന്നതെന്ന് ജിജി പറയുന്നു. 13 അടി ഉയരവും 16 അടി വ്യാസവുമുള്ള സ്‌റ്റെയിന്‍ലസ് സ്റ്റീലില്‍ നിര്‍മ്മിച്ച ഈ മണിക്ക് 2.5 ടണ്‍ ഭാരമുണ്ട്. കോയമ്പത്തൂരില്‍ നിന്നാണ് ഇത് നിര്‍മ്മിച്ച് കൊണ്ടു വന്നത്. ആറു മാസം വേണ്ടി വന്നു ഇതിന്റെ നിര്‍മ്മാണത്തിന്.

ബിനാലെയുടെ ഭാഗമായി ഒരു അവതരണമെന്ന നിലയിലായിരുന്നു മണി സ്ഥാപിച്ചത്. സമുദായത്തിന്റെ ഉറങ്ങിക്കിടക്കുന്ന ഓര്‍മകളെ മണികൊട്ടി ഉണര്‍ത്തുകയാണ് ഈ കലാസൃഷ്ടി ചെയ്യുന്നത്. ഇത്തവണ കൊച്ചി മുസ്സിരിസ് ബിനാലെ എല്ലാം കൊണ്ടും കാണികള്‍ക്ക് വേറിട്ട അനുഭവങ്ങളാണ് നല്‍കുന്നത്.

English summary
artist gigi scaria installation in kochi muziris biennale
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more