പ്ലസ്ടുവിന് 1200 ല് 1200ഉം കയ്യില്: ഫര്സാനയ്ക്ക് അഭിമാനത്തിന്റെ വിജയത്തിളക്കം
മൂവാറ്റുപുഴ:മിന്നും വിജയം നാടിന് സമ്മാനിച്ച് ഫര്സാന മൂവാറ്റുപുഴയുടെ അഭിമാനമായി. പ്ലസ് ടു പരീക്ഷയില് മുഴുവന് മാര്ക്കും വാങ്ങിയ അപൂര്വ്വ നേട്ടത്തിന് തിളക്കമേറെയാണ്. മൂവാറ്റുപുഴ സെന്റ് അഗസ്റ്റ്യന്സ് ഹയര്സെക്കണ്ടറി സ്കൂളില് നിന്ന് പ്ലസ്ടു പരീക്ഷയില് സയന്സ് ഗ്രൂപ്പില് 1200 ല് മുഴുവന് മാര്ക്കും വാങ്ങിയാണ് ഫര്സാന ആസാദ് ഉന്നത വിജയം നേടിയത്.
ഫര്സാന ആസാദ് എസ്എസ്എല്സി പരീക്ഷയിലും ഫുള് ഏപ്ലസ് വാങ്ങിയാണ് വിജയിച്ചത്. വായനക്കൊപ്പം സയന്സ് പ്രൊജക്ട് കള്ചെയ്യുന്നതിനും സമയം കണ്ടെത്തുന്ന ഫര്സാന മൂവാറ്റുപുഴ കാവുംങ്കര തെറ്റില മാരിയില് ടിഎംആസാദിന്റെയും, റെജീനയുടെയും മകളാണ്. ഉന്നത വിജയം നേടിയ ഫര്സാന അസാദിന് മെഡിസിന് പോകാനാണ് മോഹം. സഹോദരന് 'മുഹമ്മദ് യാസിന് എഞ്ചിനിയറിംഗ് വിദ്യാര്ത്ഥിയാണ്. ഫര്സാനയുടെ മിന്നും വിജയമറിഞ്ഞ് ജനപ്രതിനിധികളും പൗരമുഖരും അഭിനന്ദനവുമായി വീട്ടിലെത്തി. മൂവാറ്റുപുഴ എം.എല്.എ എല്ദോ എബ്രഹാം ഫര്സാനയുടെ ഉപഹാരം നല്കി ആദരിച്ചു. ഫര്സാനയുടെ വിജയം മൂവാറ്റുപുഴയ്ക്ക് അഭിമാനമായന്ന് എം.എല്.എ പറഞ്ഞു.