• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

കുഞ്ഞിക്കാല്‍ കാണാന്‍ ആഗ്രഹിക്കുന്നവരേ ഇതിലേ, നിങ്ങള്‍ക്കിതാ പുതിയ ദൈവം!!

  • By Ashif

തിരുവനന്തപുരം: അനന്തപുരിയില്‍ 'പുതിയ ദൈവം' പിറന്നിരിക്കുന്നു. കുട്ടികളില്ലാത്തവരും മാറാവ്യാധികളാല്‍ ബുദ്ധിമുട്ടുന്നവരും ഇവിടെ വന്ന് ദക്ഷിണ സമര്‍പ്പിച്ചാല്‍ മതി, അല്ലെങ്കില്‍ ഒരു മെഴുകുതിരി കത്തിക്കല്‍...എല്ലാം ശരിയാവും.

സ്ത്രീകളുടെയും കുട്ടികളുടെയും ആശുപത്രിയായ എസ്എടിക്ക് മുമ്പിലെ 'അമ്മയും കുഞ്ഞും' ശില്‍പ്പം ഒരുക്കിയത് മെഡിക്കല്‍ കോളജ് അനാട്ടമി വിഭാഗം ജീവനക്കാരന്‍ ആര്യനാട് രാജേന്ദ്രനാണ്. വര്‍ഷങ്ങള്‍ക്ക് മുമ്പ് അദ്ദേഹം ഇതൊരുക്കുമ്പോ കരുതി കാണില്ല തന്റെ കരവിരുതുകള്‍ പുതിയ ദൈവത്തെ സൃഷ്ടിക്കുകയാണെന്ന്.

അമ്മയും കുഞ്ഞും ശില്‍പ്പം വെറും പ്രതിമയല്ല

ഇന്ന് അമ്മയും കുഞ്ഞും ശില്‍പ്പം വെറും പ്രതിമയല്ല. ഒരുപാട് പേര്‍ക്ക് ആശ്വാസം നല്‍ക്കുന്ന ആരാധനാ മൂര്‍ത്തിയാണ്. ആശുപത്രിയിലെ ചില രോഗികളും കൂട്ടിനിരിക്കുന്നവരും രാവിലെയും വൈകിയും പ്രതിമക്ക് മുമ്പില്‍ പ്രാര്‍ഥിക്കുന്നു. തങ്ങളുടെ സങ്കടം പറയുന്നു. ചിലര്‍ മെഴുകുതിരി കത്തിക്കുന്നു.മറ്റു ചിലര്‍ ദക്ഷിണ സമര്‍പ്പിക്കുന്നു.

 സുഖ പ്രസവത്തിന്

എസ്എടി ആശുപത്രിയിലെത്തുന്ന ദമ്പതിമാര്‍ക്ക് കുഞ്ഞുങ്ങളുണ്ടാവാനും സുഖപ്രസവത്തിനും പ്രാര്‍ഥിക്കുന്നവരാണ് കൂടുതല്‍. ആദ്യം ഒരാളോ രണ്ടാളോ ആയിരുന്നു പ്രാര്‍ഥന നടത്തിയിരുന്നത്. എന്നാല്‍ ഇപ്പോള്‍ എണ്ണം കൂടിയിട്ടുണ്ട്. ഈ ദൈവം ആശുപത്രിയിലേക്ക് വരുന്നവര്‍ക്ക് തടസമാകുമോ എന്നാണ് അധികൃതരുടെ ആശങ്ക.

ദൈവമല്ലെന്ന് ഒരുമ

പ്രാര്‍ഥിക്കാനെത്തുന്നവരുടെ എണ്ണം കൂടിയതോടെ ഒരുമ എന്ന സന്നദ്ധ സംഘടന ആളുകളെ ഇതില്‍ നിന്നു പിന്തിരിപ്പിക്കാന്‍ ശ്രമം നടത്തുന്നുണ്ട്. അമ്മയും കുഞ്ഞും ഒരു ശില്‍പ്പവും കലാ സൃഷ്ടിയുമാണെന്നും ദൈവമാക്കരുതെന്നും അവര്‍ ബാനര്‍ എഴുതിക്കെട്ടി. ശില്‍പ്പത്തിന് മുന്നില്‍ വിളക്ക് വെക്കുന്നതു വിഡ്ഡിത്തമാണെന്നും ബാനറില്‍ എഴുതിയിട്ടുണ്ടെങ്കിലും പ്രാര്‍ഥിക്കുന്നവരുടെ എണ്ണത്തില്‍ കുറവില്ല.

ഇനിയുമുണ്ട് പ്രതിമകള്‍

രോഗികള്‍ ആശ്വാസത്തിന് വേണ്ടിയാവാം ഇവിടെ പ്രാര്‍ഥിക്കുന്നതെന്നും അതൊഴിവാക്കുന്നതാണ് നല്ലതെന്നും മെഡിക്കല്‍ കോളജ് പ്രിന്‍സിപ്പല്‍ ഡോ തോമസ് മാത്യു പറഞ്ഞു. മെഡിക്കല്‍ കോളജിന് മുന്നിലെ ഹിപ്പോക്രാറ്റ്‌സിന്റെ പ്രതിമയും ആര്യനാട് രാജേന്ദ്രന്റെ കരവിരുതാണ്. ഇവിടെയും നാളെ പ്രാര്‍ഥന തുടങ്ങുമോ എന്നാരുകണ്ടു.

English summary
Statue of Mother and Son in front of the Trivandrum SAT hospital has been change to God, Somany people start there prayer, especially patients and their relatives.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more