Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
വെള്ളാപ്പള്ളിയെ ഒതുക്കാന്‍ വീണ്ടും ഗോകുലം ഗോപാലന്‍,കൂട്ടിന് സിപിഎമ്മും? ശ്രീനാരായണ സഹോദര സംഘം...
ശ്രീനാരായണ സഹോദര സംഘം എന്ന സംഘടന രൂപീകരിച്ചാണ് ഗോകുലന്‍ ഗോപാലന്റെ പുതിയ കരുനീക്കങ്ങള്‍.
ആലപ്പുഴ: എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശനെ ഒതുക്കാന്‍ ഗോകുലം ഗോപാലനും സംഘവും പടയൊരുക്കം നടത്തുന്നു. ശ്രീനാരായണ സഹോദര സംഘം എന്ന സംഘടന രൂപീകരിച്ചാണ് ഗോകുലന്‍ ഗോപാലന്റെ പുതിയ കരുനീക്കങ്ങള്‍. സിപിഎം സഹയാത്രികനും സാഹിത്യകാരനുമായ എംകെ സാനുവിനെയും ഗോകുലന്‍ ഗോപാലന്‍ സംഘത്തിന്റെ പ്രവര്‍ത്തനങ്ങള്‍ക്കായി കൂട്ടുപിടിച്ചിട്ടുണ്ടെന്ന് സൂചനയുണ്ടെന്നും മംഗളം റിപ്പോര്‍ട്ട് ചെയ്യുന്നു.
എസ്എന്‍ഡിപിയില്‍ വെള്ളാപ്പള്ളിയുടെ ആധിപത്യത്തിനെതിരെ മുന്‍പും ഗോകുലന്‍ ഗോപാലന്‍ പ്രതികരിച്ചിരുന്നു. ഇതിന് പിന്നാലെ ശ്രീനാരായണ ധര്‍മ്മ വേദി എന്ന സംഘടന രൂപീകരിക്കുകയും വെള്ളാപ്പള്ളിക്കെതിരെ ശക്തമായ പ്രചാരണം നടത്തുകയും ചെയ്തു. എന്നാല്‍ പില്‍ക്കാലത്ത് ധര്‍മ്മ വേദിയുടെ പ്രവര്‍ത്തനങ്ങള്‍ നിര്‍ജീവമാകുകയായിരുന്നു.
വെള്ളാപ്പള്ളിക്കെതിരെ
സിനിമാ നിര്‍മ്മാതാവും പ്രമുഖ വ്യവസായിയുമായ ഗോകുലം ഗോപാലനാണ് എസ്എന്‍ഡിപി യോഗത്തില്‍ വെള്ളാപ്പള്ളി നടേശനെതിരെ ശക്തമായി രംഗത്തെത്തിയത്. എസ്എന്‍ഡിപി യോഗത്തില്‍ വെള്ളാപ്പള്ളി ഗുരുതരമായ സാമ്പത്തിക ക്രമക്കേട് നടത്തിയെന്ന് ആരോപിച്ച ഗോകുലം ഗോപാലന്‍ ശ്രീനാരായണ ധര്‍മ്മ വേദി രൂപീകരിച്ച് വെള്ളാപ്പള്ളിക്കെതിരെ മത്സരിക്കുകയും ചെയ്തിരുന്നു. പക്ഷേ, 2010ല്‍ നടന്ന എസ്എന്‍ഡിപി യോഗം തിരഞ്ഞെടുപ്പില്‍ വെള്ളാപ്പള്ളി പാനലിന് മുന്നില്‍ ഗോകുലം ഗോപാലന്‍ അതിദയനീയമായി പരാജയപ്പെടുകയും, കൊല്ലം എസ്എന്‍ കോളേജില്‍ നടന്ന തിരഞ്ഞെടുപ്പിനിടെയുണ്ടായ സംഘര്‍ഷത്തില്‍ ഗോകുലം ഗോപാലനടക്കമുള്ള ധര്‍മ്മ വേദി പ്രവര്‍ത്തകരെ അറസ്റ്റ് ചെയ്യുകയുമുണ്ടായി.
ശ്രീനാരായണ സഹോദര സംഘം...
വെള്ളാപ്പള്ളിയെ തളയ്ക്കാനായാണ് ഗോകുലം ഗോപാലന്റെ നേതൃത്വത്തില്‍ പുതിയ സംഘം രൂപീകരിക്കുന്നത്. ശ്രീനാരായണ ധര്‍മ്മവേദിയുടെ പ്രവര്‍ത്തം നിര്‍ജീവമായതിനാലാണ് പുതിയ സംഘടനയ്ക്ക് രൂപം നല്‍കിയിരിക്കുന്നത്. ഗോകുലം ഗോപാലനാണ് സംഘത്തിന്റെ ചെയര്‍മാന്‍. പ്രൊഫസര്‍ എംകെ സാനു രക്ഷാധികാരിയായ സംഘത്തില്‍ നേരത്തെ എസ്എന്‍ഡിപി യോഗത്തിലുണ്ടായിരുന്ന മറ്റു പലരുമുണ്ട്.
എംകെ സാനുവിനെ കൂട്ടുപിടിച്ചതിന് പിന്നില്‍?
മുന്‍പ് എസ്എന്‍ഡിപി യോഗത്തില്‍ വെള്ളാപ്പള്ളിക്ക് വേണ്ടി പ്രവര്‍ത്തിക്കുകയും പിന്നീട് അദ്ദേഹത്തെ തള്ളിപ്പറഞ്ഞ് പുറത്തുവന്നവരുമാണ് പുതുതായി രൂപീകരിച്ച സംഘത്തിലുള്ളത്. സിപിഎം സഹയാത്രികനും സാഹിത്യകാരനുമായ പ്രൊഫസര്‍ എംകെ സാനുവിനെ കൂട്ടുപിടിച്ചതിലൂടെ സംഘം സിപിഎം പിന്തുണയാണ് ലക്ഷ്യമിടുന്നത്.
ഈഴവരുടെ കൂട്ടായ്മ...
ബിഡിജെഎസ് രൂപീകരിച്ചതോടെ സിപിഎമ്മിന് ലഭിച്ചിരുന്ന വലിയൊരു വിഭാഗം വോട്ടുകള്‍ എന്‍ഡിഎയ്ക്കാണ് പോയത്. അത് മറികടക്കാനായി പുതിയ സംഘത്തിന് സിപിഎം പരസ്യമായ പിന്തുണ നല്‍കുമെന്നാണ് റിപ്പോര്‍ട്ടുകളുള്ളത്. മൈക്രോ ഫിനാന്‍സില്‍ വെള്ളാപ്പള്ളിക്കെതിരെയുള്ള ആരോപണങ്ങള്‍ ഉയര്‍ത്തി ഈഴവരുടെ കൂട്ടായ്മയുണ്ടാക്കാനാണ് സംഘത്തിന്റെ പദ്ധതിയെന്നും സൂചനയുണ്ട്.
