സ്വര്ണനാണയങ്ങള് വാങ്ങുന്നെങ്കില് ഇപ്പോള് വാങ്ങിക്കണം..! ലാഭം കൊയ്യേണ്ടതിങ്ങനെ
സ്വര്ണ വിലയില് സമീപ കാലത്തൊന്നുമില്ലാത്ത വിധത്തിലുള്ള കുതിപ്പാണ് കഴിഞ്ഞ ഏപ്രിലില് ഉണ്ടായത്. ഏപ്രില് 22 ന് ഇന്ത്യയിലെ സ്വര്ണ വില പത്ത് ഗ്രാമിന് ഒരു ലക്ഷം രൂപ എന്ന എക്കാലത്തെയും ഉയര്ന്ന നിരക്കിലെത്തിയിരുന്നു. സാധാരണക്കാരെ എന്നല്ല മധ്യവര്ഗത്തിന് മുകളിലുള്ളവര്ക്കും പോലും അപ്രാപ്യമായ നിരക്കിലായിരുന്നു സ്വര്ണ വില അപ്പോള്. ഇത് സ്വര്ണം വാങ്ങാനിരിക്കുന്നവരുടെ നെഞ്ചിടിപ്പേറ്റുകയും ചെയ്തിരുന്നു.
കഴിഞ്ഞ ഒരു വര്ഷത്തിനിടെ സ്വര്ണ വില കുത്തനെ ഉയര്ന്നിട്ടുണ്ട്. വാസ്തവത്തില് കഴിഞ്ഞ 24 മാസത്തിനിടെ സ്വര്ണ്ണം 40% ത്തിനും 70% നും ഇടയില് ആണ് വര്ധിച്ചത്. ഫോമോ ( FOMO -the fear of missing out ) ഘടകം മിക്ക ഇന്ത്യക്കാരെയും വേഗത്തില് പിടികൂടുകയാണ്. ഉയര്ന്ന വിലയില് സ്വര്ണം സ്വന്തമാക്കാന് ഭൂരിഭാഗം പേര്ക്കും അല്പ്പം ബുദ്ധിമുട്ടാണ് എന്നത് തന്നെയാണ് ഇതിന് കാരണം.
ഉയര്ന്ന സ്വര്ണ വില പണപ്പെരുപ്പം പോലെയാണ്. കാരണം അന്നത്തെ അതേ തുകയ്ക്ക് നിങ്ങള്ക്ക് ഇന്ന് കുറച്ച് മാത്രമേ വാങ്ങിക്കാനാകൂ. 2020 ല്, 50,000 രൂപയ്ക്ക് നിങ്ങള്ക്ക് പത്ത് ഗ്രാം സ്വര്ണ്ണം വാങ്ങാന് കഴിയുമായിരുന്നെങ്കില് ഇന്ന് അതേ വിലയ്ക്ക് കഷ്ടിച്ച് അഞ്ച് ഗ്രാം സ്വര്ണം മാത്രമെ ലഭിക്കുകയുള്ളൂ എന്ന് സാരം. ഈ സാഹചര്യത്തില് എങ്ങനെയാണ് സ്വര്ണത്തില് ശരിയായി നിക്ഷേപിക്കേണ്ടത് എന്ന് നോക്കാം.
സ്വര്ണം വാങ്ങുന്നത് ഒറ്റത്തവണ പ്രക്രിയ ആകരുത് എന്നതാണ് ഇതില് പ്രധാനം. നിങ്ങളുടെ മൊത്തത്തിലുള്ള സാമ്പത്തിക പദ്ധതിയുടെ ഭാഗമായി നിങ്ങള് കാലക്രമേണ സ്വര്ണം ശേഖരിച്ചു കൊണ്ടിരിക്കണം. ഇവിടെയാണ് നിര്ണായകമായ ഭാഗം വരുന്നത്. നിങ്ങള് എന്തിനാണ് സ്വര്ണ്ണം വാങ്ങേണ്ടതെന്ന് വ്യക്തമായി മനസ്സിലാക്കേണ്ടതുണ്ട്. അത് നിക്ഷേപ ആവശ്യങ്ങള്ക്കോ അതോ വിവാഹ ആവശ്യങ്ങള്ക്കോ ആഭരണമായി അണിയാനാണോ എന്ന് വ്യക്തമാക്കണം.
നിങ്ങള് ഭൗതിക സ്വര്ണം വാങ്ങാന് ആഗ്രഹിക്കുന്നുവെങ്കില്, ആഭരണങ്ങള്ക്ക് പണിക്കൂലിയുടെ അഞ്ച് ശതമാനം മുതല് 20 ശതമാനം വരെ തുക ജ്വല്ലറികള് ഈടാക്കും. ഇത് നിങ്ങളുടെ മൂലധന തുകയെ ബാധിക്കുന്നു. അതിനാല് സ്വര്ണത്തില് നിക്ഷേപിക്കാന് ആഗ്രഹിക്കുന്നു എങ്കില് മറ്റൊരു ചെലവ് കുറഞ്ഞ ഓപ്ഷനായ സ്വര്ണ നാണയങ്ങള് വാങ്ങുന്നത് പരിഗണിക്കാം.
നിങ്ങളുടെ വാലറ്റില് കൊണ്ടുപോകാന് സാധിക്കുന്ന 1 രൂപ, 5 രൂപ, അല്ലെങ്കില് 20 രൂപ മൂല്യമുള്ള സ്വര്ണ നാണയങ്ങള് സ്വന്തമാക്കാം. ആഭരണങ്ങളില് നിന്ന് വലിയ വ്യത്യാസം വരുന്നത് ഇവ ശുദ്ധമായ സ്വര്ണം കൊണ്ടാണ് നിര്മ്മിച്ചിരിക്കുന്നത് എന്നതാണ്. സ്വര്ണ നാണയങ്ങള് വ്യത്യസ്ത മൂല്യങ്ങളില് വരുന്നു. 0.5 ഗ്രാം മുതല് 100 ഗ്രാം വരെ, 22 അല്ലെങ്കില് 24 കാരറ്റിന്റെ വ്യത്യസ്ത പരിശുദ്ധി നിലവാരത്തിലും.
അതാണ് അവയെ താങ്ങാനാവുന്ന വിലയാക്കുന്നത്. കൂടാതെ, അത് പണമാക്കി മാറ്റുന്നതും എളുപ്പമാണ്. നിങ്ങളുടെ ലിക്വിഡിറ്റി ആവശ്യങ്ങള് നിറവേറ്റുന്നതിന് നിങ്ങള്ക്ക് അവ വില്ക്കാനുമാകും. അതേസമയം സ്വര്ണ നില പരിധി വിട്ട് കുതിക്കുമ്പോള് ആളുകള് യഥാര്ത്ഥത്തില് സ്വര്ണ നാണയങ്ങള് വാങ്ങുന്നുണ്ടോ എന്നും അറിയേണ്ടതുണ്ട്. സ്വര്ണ നാണയങ്ങള്ക്ക് തീര്ച്ചയായും കൂടുതല് ഡിമാന്ഡ് ലഭിക്കുന്നു എന്ന് പി പി ജ്വല്ലേഴ്സിന്റെ ഡയറക്ടര് പിയൂഷ് ഗുപ്ത പറയുന്നു.
'പ്രത്യേകിച്ച് സ്വര്ണ്ണ വില വര്ധിച്ച് കൊണ്ടിരിക്കുന്ന സാഹചര്യത്തില്. ഉപഭോക്താക്കള് അവയെ ഒരു മികച്ച, കുറഞ്ഞ അപകടസാധ്യതയുള്ള നിക്ഷേപമായി കാണുന്നു, ആവശ്യമുള്ളപ്പോള് വില്ക്കാനും എളുപ്പമാണ്. അവ വ്യത്യസ്ത തൂക്കങ്ങളില് വരുന്നു എന്നതാണ് ഏറ്റവും വലിയ കാര്യം, അതിനാല് ചെറുകിട നിക്ഷേപകര്ക്ക് പോലും അവ സുഖകരമായി വാങ്ങാന് കഴിയും, '' പിയൂഷ് ഗുപ്ത പറഞ്ഞു.
നഗരത്തിലെ ജ്വല്ലറികളില് നിന്നോ ഓണ്ലൈന് പ്ലാറ്റ്ഫോമുകളില് നിന്നോ എം എം ടി സി - പി എ എം പി സര്ക്കാര് പിന്തുണയുള്ള ഔട്ട്ലെറ്റുകളില് നിന്നോ സ്വകാര്യ ആഭരണ ഷോറൂമുകളില് നിന്നോ നിങ്ങള്ക്ക് ഇത് വാങ്ങിക്കാം. അതേസമയം പ്രശസ്ത ഔട്ട്ലെറ്റുകളില് നിന്നുള്ള നാണയങ്ങള് വില്പ്പന എളുപ്പമാക്കുന്നതിനും മികച്ച പുനര്വില്പ്പന മൂല്യം നേടുന്നതിനും സഹായിക്കും ന്നെ് വെഞ്ചുറയിലെ കമ്മോഡിറ്റി ഡെസ്ക് ആന്ഡ് സി ആര് എം ഹെഡ് എന് എസ് രാമസ്വാമി പറയുന്നു.
സ്വര്ണ നാണയങ്ങള് വാങ്ങുന്നത് ബുദ്ധിമുട്ടുള്ള കാര്യമാണ്. ഓരോ മൂല്യത്തിനും അതിന്റേതായ പരിശുദ്ധിക്കും വ്യത്യസ്ത സ്വര്ണ നിരക്കുകളുണ്ട്. മൂല്യവും പരിശുദ്ധിയും സമാനമാണെങ്കില് പോലും സങ്കീര്ണ്ണമായി രൂപകല്പ്പന ചെയ്ത നാണയത്തിന് വില കൂടുതലായിരിക്കും എന്നതും മറന്ന് പോകരുത്.
''24 കാരറ്റ് പരിശുദ്ധി ( 999 അല്ലെങ്കില് 999.9 സൂക്ഷ്മത ) നോക്കുക. വിശദമായ ഇന്വോയ്സ് ആവശ്യപ്പെടുക. നിങ്ങള്ക്ക് ആധികാരികതാ സര്ട്ടിഫിക്കറ്റ് ലഭിക്കുന്നുണ്ടെന്ന് ഉറപ്പാക്കുക. കൂടാതെ, ജി എസ് ടിയും ബാധകമായ മറ്റ് ചാര്ജുകളും മനസ്സിലാക്കുക. സമര്ത്ഥമായ നിക്ഷേപത്തിന്, വില്പ്പനക്കാരന്റെ ബൈ-ബാക്ക് പോളിസി എപ്പോഴും പരിശോധിക്കുക - കാരണം ലിക്വിഡിറ്റി പ്രധാനമാണ്, ''ഇന്ത്യന് ബുള്ളിയന് ആന്ഡ് ജ്വല്ലേഴ്സ് അസോസിയേഷന് ( ഐ ബി ജെ എ ) വൈസ് പ്രസിഡന്റും ആസ്പെക്റ്റ് ഗ്ലോബല് വെഞ്ച്വേഴ്സിന്റെ എക്സിക്യൂട്ടീവ് ചെയര്പേഴ്സണുമായ അക്ഷ കാംബോജ് പറയുന്നു.
ഏപ്രില് 22 ന് രേഖപ്പെടുത്തിയ എക്കാലത്തെയും ഉയര്ന്ന നിരക്കായ 3,500 ഡോളറിനേക്കാള് താഴ്ന്ന വിലയായ 3360 ഡോളറിലാണ് നിലവില് വ്യാപാരം നടക്കുന്നത്. സ്വര്ണ വില ഇനിയും കൂടുതല് ഉയരുമോ അതോ കുത്തനെ കുറയുമോ എന്ന കാര്യത്തിലൊന്നും ആര്ക്കും ഉറപ്പില്ല. പക്ഷേ താരിഫ് മുതല് യു എസ് കടം പ്രതിസന്ധി വഷളാകുന്നത് വരെയുള്ള നിലവിലെ അനിശ്ചിതത്വത്തിന്റെ കാറ്റ് സ്വര്ണ വിലയ്ക്ക് ഉത്തേജനം നല്കിയേക്കാം.
സ്വര്ണ്ണത്തിന് ഒരു സുവര്ണ്ണ ഭാവിയുണ്ടാകുമെന്ന് വിദഗ്ദ്ധര് പ്രവചിക്കുന്നു. ഇത് പല ഇന്ത്യക്കാര്ക്കും അത് താങ്ങാനാവാത്തതാക്കി മാറ്റുന്നു എന്ന് ഡബിള്ലൈന് ക്യാപിറ്റലിന്റെ സി ഇ ഒ ആയ ബോണ്ട് കിംഗ് ജെഫ് ഗുണ്ട് ലാച്ച് പറയുന്നു. സ്വര്ണ്ണ വില ഔണ്സിന് 4,000 ഡോളറായി ഉയരുമെന്നാണ് അദ്ദേഹത്തിന്റെ പ്രവചനം. ഇത് നിലവിലെ നിലവാരത്തില് നിന്ന് 15 % കൂടി ഉയര്ന്നതാണ്.
ഇന്ത്യയില് ഇന്ന് 24 കാരറ്റ് സ്വര്ണ്ണത്തിന് 95,950 രൂപയാണ് വില. ഈ വിലകളില് നിക്ഷേപകര്ക്ക് യാതൊരു നിയന്ത്രണവും ഇല്ല. പക്ഷേ നിങ്ങളുടെ സാമ്പത്തിക പദ്ധതിയില് കാലക്രമേണ സ്വര്ണം ശേഖരിക്കുക എന്നതാണ് നിങ്ങള്ക്ക് ചെയ്യാന് കഴിയുന്നത്. സ്വര്ണ നാണയങ്ങള് വാങ്ങുന്നത് ലളിതവും എളുപ്പമുള്ളതും താങ്ങാനാവുന്നതുമായ ഒരു സമീപനമാണ്, സംഭരണത്തിലെ ബുദ്ധിമുട്ടുകള് കുറവും അടിയന്തര ഘട്ടങ്ങളില് ആവശ്യത്തിന് പണലഭ്യതയും ഇതില് ഉള്പ്പെടുന്നു.
ഏറ്റവും നല്ല ഭാഗം, പണത്തിന് തുല്യമായ ഒരു യഥാര്ത്ഥ ആസ്തിയായി അവ നിങ്ങളുടെ കൈവശം ഉണ്ടായിരിക്കുക എന്നതാണ്. 1912 - ല് കോണ്ഗ്രസിന് മുമ്പാകെ ജെ പി മോര്ഗന് തന്റെ സാക്ഷ്യ പത്രത്തില് പറഞ്ഞത് പോലെ സ്വര്ണം പണമാണ്. മറ്റെല്ലാം ക്രെഡിറ്റ് ആണ്.
Click it and Unblock the Notifications
Sign in with Google