സ്വർണവും വെള്ളിയും മൂക്കും കുത്തി താഴേക്കാണോ? വാങ്ങിവെയ്ക്കുന്നത് ആനമണ്ടത്തരമോ? വിദഗ്ധൻ പറയുന്നു

പ്രതിസന്ധി ഘട്ടങ്ങളിൽ സുരക്ഷിത നിക്ഷേപമാണ് സ്വർണം. വില കുതിച്ചുയർന്നതോടെ പലരും വലിയ അളവിൽ സ്വർണത്തിൽ നിക്ഷേപിച്ചിട്ടുണ്ട്. അപ്രതീക്ഷിത വിലക്കുതിപ്പിനെ തുടർന്ന് വെള്ളിയിൽ നിക്ഷേപിച്ചവരും കുറവല്ല. അതേസമയം വലിയ ലാഭം പ്രതീക്ഷിച്ച് നിക്ഷേപിച്ചവരിൽ പലരും ഇപ്പോഴത്തെ ഇടിവിൽ കടുത്ത ആശങ്കയിലായിട്ടുണ്ട്. ഇനിയും സ്വർണത്തിനും വെള്ളിക്കും വില കുറയുമോയെന്നതാണ് പലരുടേയും ചോദ്യം. വില കുറയുന്നത് കുതിക്കാനാണെങ്കിൽ ഇപ്പോൾ കൂടുതൽ വാങ്ങി നിക്ഷേപിക്കേണ്ടതുണ്ടോയെന്ന ചോദ്യവും ചിലർക്കുണ്ട്. ഇപ്പോഴിതാ അതിന് മറുപടി നൽകുകയാണ് പെന്റാഡ് സെക്യൂരിറ്റീസ് സിഇഒ നിഖിൽ ഗോപാലകൃഷ്ണൻ .പെന്റാഡ് സെക്യൂരിറ്റീസ് ആൻ്റ് മണി ടോക്സിൽ അദ്ദേഹം പങ്കുവെച്ച വാക്കുകൾ ഇങ്ങനെ

'സ്വർണത്തേക്കാൾ വെള്ളിയ്ക്കാണ് അടുത്തിടെ യഥാർത്ഥത്തിൽ വില കുതിച്ചത്. 4.20 ലക്ഷം രൂപയിലെത്തി എന്നിട്ട് പെട്ടെന്ന് 27 ശതമാനം താഴെ പോയി. സ്വർണം 10 ഗ്രാമിന് 1.60 നും മുകളിൽ എത്തി ആ ദിവസം തന്നെ ഏകദേശം 12 ശതമാനം ഒറ്റടിക്ക് താഴേക്ക് വന്നു.

ഒരു ഇൻവെസ്റ്റ്മെന്റ് ആംഗിളിൽ പറയുകയാണെന്നുണ്ടെങ്കിൽ ഗോൾഡിൻ്റേയും സിൽവറിന്റെയും ഒക്കെ വില ഇക്വിറ്റിയുമായ താരതമ്യം ചെയ്യുമ്പോൾ ഭയങ്കരമായിട്ട് കയറ്റിറക്കങ്ങൾ ഉള്ളതാണ്. ഏകദേശം 2011 ൽ വെള്ളിവില 55% താഴെ പോയി. ഈ വില തിരിച്ച് കയറാനായി ഏകദേശം ഒൻപത് വർഷം എടുത്തു. സ്വർണത്തിൻ്റെ വില 2020 കാലഘട്ടത്തിൽ 25 ശതമാനത്തോളം താഴെ ഇറങ്ങി. അത് തിരിച്ചു വരാനായിട്ട് ഏകദേശം ഏഴ് വർഷം എടുത്തു.

സ്റ്റോക്ക് മാർക്കറ്റിൽ നോക്കുയാണെങ്കിൽ 2010 ലൊക്കെ 27% മാർക്കറ്റ് കറക്ഷൻ വന്നു. ഏകദേശം ഒരു രണ്ടര മൂന്ന് വർഷത്തിനുള്ളിൽ ആ പഴയ പ്രൈസിലേക്ക് തിരിച്ചു വന്നു ഫ്ലക്ച്ുവേഷൻ മനസ്സിലാക്കണം എന്നുണ്ടെങ്കിൽ സിൽവറൊക്കെ ഏറ്റവും ഉയർന്ന നിലയിലെത്തി താഴേക്ക് വന്ന് കഴിഞ്ഞാൽ തിരിച്ചു കയറാനായിട്ട് ടൈം എടുക്കുന്നുണ്ട് . ഇതിൻ്റെ പശ്ചാത്തലത്തിൽ നമ്മുടെ പോർട്ട്ഫോളയോയിൽ ഈ ലോഹങ്ങൾ 20 ശതമാനത്തിന് മുകളിലാണെങ്കിൽ ആണെങ്കിൽ അത് വേണമെങ്കിൽ കുറക്കാം. കൂടുതൽ നിക്ഷേപിക്കുന്നതിൽ നിന്ന് താത്കാലികമായി പിൻവാങ്ങാം.

സിൽവറും ഗോൾഡിന്റെയും ഇങ്ങനത്തെ ഒരു പ്രൈസ് ഫ്ലക്ചുവേഷൻ കാണുമ്പോൾ ഇത് ഒരു എസ്ഐപി ചെയ്യാനായിട്ട് വേണമെന്നുണ്ടെങ്കിൽ കുറച്ചും കൂടി നല്ലൊരു ഇൻസ്ട്രുമെന്റ് ആണ്. നമ്മുടെ എന്റയർ പോർട്ട്ഫോളിയോയിൽ എസ്ഐപിയുടെ അലോക്കേഷൻ ഒരു 10% വരെ ഒക്കെ വേണമെന്നുണ്ടെങ്കിൽ ഗോൾഡും സിൽവറും അലോക്കേറ്റ് ചെയ്യുന്നത് നല്ലതായിരിക്കും.

വില ഇറങ്ങി കഴിഞ്ഞ് പിന്നെ കയറുമ്പോൾ കുതിക്കുന്നത് കണ്ട് കൂടുതൽ നിക്ഷേപിക്കാൻ തയ്യാറെടുക്കാറുണ്ട് പലരും. എന്നാൽ ഒറ്റയടിക്ക് ഒരുപാട് തുക നിക്ഷേപിക്കാതെ ചെറിയ അളവിൽ മ്യൂച്വൽ ഫണ്ട് മോഡലോ ഇടിഎഫ് മോഡലോ ഒക്കെ ആയിട്ട് എസ്ഐപി മോഡലിൽ ഇൻവെസ്റ്റ് ചെയ്യാണെങ്കിൽ അത് കുറച്ചുംകൂടി നല്ലതായിരിക്കും.