സ്വർണ വിലയില് റെക്കോർഡ്: എന്നാല് ഒരു പവന് പണയം വെച്ചാല് എത്ര രൂപ വരെ ലഭിക്കും, നിയമം എന്ത്
കൊച്ചി: റെക്കോർഡ് നിരക്കിന് ശേഷം തുടർച്ചയായ രണ്ടാം ദിവസവും കേരളത്തില് സ്വർണ വിലയില് ഇടിവ് രേഖപ്പെടുത്തിയിരിക്കുകയാണ്. 80 രൂപയാണ് ഇന്ന് സ്വർണ വിലയിലുണ്ടായിരിക്കുന്ന ഇടിവ്. ഇതോടെ പവന് 44640 രൂപ എന്ന നിരക്കിലാണ് ഇന്നത്തെ വില്പ്പന. 10 രൂപ കുറഞ്ഞ് ഒരു ഗ്രാം സ്വർണത്തിന് 5,580 രൂപയാണ് ഇന്നത്തെ വില.
45000 രൂപയെന്ന റെക്കോർഡ് നിരക്കിന് ശേഷം കഴിഞ്ഞ ദിവസവും സ്വർണ വിലയില് ഇടിവുണ്ടായിരുന്നു. പവന് 280 രൂപയുടെ കുറവായിരുന്നു ഇന്നലെയുണ്ടായത്. ഒരു പവൻ സ്വർണത്തിന് 44,720 രൂപയും ഗ്രാമത്തിന് 5590 രൂപയുമായിരുന്നു ഇന്നത്തെ വില. രാജ്യാന്തര വിപണയിലേക്ക് വരികയാണെങ്കില് ട്രോയ് ഔൺസിന് 2007 ഡോളറിലാണ് വില.
സ്വർണ പണയം
സ്വർണത്തിന്റെ നിലവിലെ ഉയർന്ന നിരക്ക് സാധാരണക്കാരനെ സംബന്ധിച്ച് ആശങ്കയ്ക്ക് ഇടയാക്കുന്നതാണെങ്കിലും ഒരു ചെറുതരി സ്വർണമെങ്കിലും കയ്യിലുള്ളവർക്ക് ചില ആനുകൂല്യങ്ങളും ഈ വർധനവ് നല്കുന്നുണ്ട് എന്നതാണ് യാഥാർത്ഥ്യം. സ്വർണ പണയത്തിലൂടെയാണ് സാധാരണക്കാർക്ക് വർധനവ് ഗുണകരമായി മാറുന്നത്.
ഏതെങ്കിലും ഒരു അത്യാവശ്യം വന്നാല് വീട്ടിലുള്ള ആഭരണങ്ങള് കൊണ്ടുപോയി ബാങ്കിലോ സഹകരണ സ്ഥാപനങ്ങളിലോ കൊണ്ടുപോയി പണയം വെക്കുന്നവരാണ് നമ്മളില് പലരും. വിപണിയില് വില വർധിച്ചതോടെ സ്വർണം ഈടായി വാങ്ങിച്ച് പരമാവധി നല്കുന്ന തുകയുടെ പരിധിയും ബാങ്കുകള് ഉയർത്തിയിട്ടുണ്ട്. ലളിതമായി പറഞ്ഞാല് ഒരു വർഷം മുമ്പ് ഒരു പവന് സ്വർണം പണയം വെച്ചാല് ലഭിക്കുന്ന തുകയേക്കാള് ഉയർന്ന തുകയായിരിക്കും ഇന്ന് ലഭിക്കുക.
പലിശ നിരക്കും കുറവ്
മറ്റ് തരത്തിലുള്ള വായ്പകളുടേതായ യാതൊരു നൂലാമാലകളും ഇല്ലെന്നുള്ളതാണ് സ്വർണ വായ്പയുടെ പ്രത്യേകത. സ്വർണ ആഭരണവുമായി ചെന്നാല് ആദ്യ അവസരത്തില് തന്നെ നിങ്ങള്ക്ക് അർഹമായ തുക ലഭിക്കും. മണിക്കൂറുകള്ക്കുള്ളില് തന്നെ നടപടിക്രമങ്ങളെല്ലാം കഴിയും. പലിശ നിരക്കും വലിയ തോതില് കുറവാണ്. ഒന്നിലധികം തിരിച്ചടവ് ഓപ്ഷനുകളുമാണ്, അവയെ ആകർഷകമാക്കി മാറ്റുന്നു.
Hair care: മുടി തഴച്ച് വളരാന് പഴം കൊണ്ട് ചില വിദ്യകളുണ്ട്, പഴത്തൊലിയായാലും മതി
ഏതെങ്കിലും പ്രമുഖ ബാങ്കിൽ നിന്നോ NBFC-യിൽ നിന്നോ നിങ്ങളുടെ 22 കാരറ്റ് സ്വർണ്ണാഭരണങ്ങൾക്ക് 2 കോടി രൂപ വരെ തൽക്ഷണമായി സ്വർണ്ണ വായ്പ നേടാന് സാധിക്കും. കുറഞ്ഞ പേപ്പർവർക്കുകളും കുറഞ്ഞ പ്രോസസ്സിംഗ് സമയവും മാത്രമായതിനാല് ലോൺ അനുവദിക്കുന്നതും എളുപ്പമാണ്. മിക്ക പണമിടപാടുകാരും ആർ ബി ഐ മാർഗ്ഗനിർദ്ദേശങ്ങൾ അനുസരിച്ച് നിങ്ങളുടെ സ്വർണ്ണത്തിന്റെ മൂല്യത്തിന്റെ 75% വരെ വാഗ്ദാനം ചെയ്യും.
ഒരു പവന് എത്ര രൂപ
നിലവില് സ്വർണത്തിന് 44000 രൂപ കണക്കാക്കിയാല് അതിന്റെ 75 ശതമാനമായ 33000 രൂപ വരെ നിങ്ങള്ക്ക് പണയമായി ലഭിക്കും. ഗോൾഡ് ലോണുകൾ സുരക്ഷിതമായ വായ്പകളായതിനാല് തന്നെ നിങ്ങൾക്ക് നല്ല ക്രെഡിറ്റ് സ്കോർ ആവശ്യമില്ല എന്നതാണ് മറ്റൊരു അനുകൂല ഘടകം. വ്യക്തിഗത വായ്പകൾ അല്ലെങ്കിൽ ക്രെഡിറ്റ് കാർഡുകൾ പോലെ, കടം കൊടുക്കുന്നയാൾ നിങ്ങളുടെ ക്രെഡിറ്റ് ചരിത്രമോ ക്രെഡിറ്റ് സ്കോറോ അവലോകനം ചെയ്യേണ്ടതില്ല.
ആവശ്യമായ മാനദണ്ഡങ്ങൾക്കനുസരിച്ചുള്ള സ്വർണാഭരണങ്ങൾ നല്കിയാല് അർഹമായ തുക ലഭിക്കും. നിങ്ങൾക്ക് കുറഞ്ഞ ക്രെഡിറ്റ് സ്കോർ ഉണ്ടെങ്കിലോ ക്രെഡിറ്റ് ഹിസ്റ്ററി ഇല്ലെങ്കിലോ ഗോൾഡ് ലോണുകളെ അത് യാതൊരു തരത്തിലും ബാധിക്കുകയില്ല. മറ്റ് വായ്പകളുമായി താരതമ്യപ്പെടുത്തുമ്പോൾ സ്വർണ്ണ വായ്പകൾക്ക് കുറഞ്ഞ പലിശ നിരക്കാണ് ഇടാക്കുന്നത്.
പണയം വെച്ചിരിക്കുന്ന സ്വർണ്ണത്തിന്റെ മൂല്യത്തെ അടിസ്ഥാനമാക്കിയാണ് സ്വർണ്ണ വായ്പ പലിശ നിരക്ക് നിർണ്ണയിക്കുന്നത്. കടം കൊടുക്കുന്നയാൾക്ക് സ്വർണ്ണത്തിന്റെ രൂപത്തിൽ സെക്യൂരിറ്റി ഉള്ളതിനാലാണ്, സ്വർണ്ണ വായ്പയുടെ പലിശ നിരക്കുകൾ സുരക്ഷിതമല്ലാത്ത വായ്പകളേക്കാൾ കുറവായിരിക്കുന്നത്.
സ്വർണ്ണ വായ്പയുടെ തിരിച്ചടവ്
സ്വർണ്ണ വായ്പകൾ നിങ്ങൾക്ക് ഒന്നിലധികം തിരിച്ചടവ് ഓപ്ഷനുകളുടെ ആനുകൂല്യവും വാഗ്ദാനം ചെയ്യുന്നു. നിങ്ങളുടെ സാമ്പത്തിക സ്ഥിതിയെ ആശ്രയിച്ച്, കുറഞ്ഞതോ ദൈർഘ്യമേറിയതോ ആയ തിരിച്ചടവ് കാലാവധി തിരഞ്ഞെടുക്കാനുള്ള അവരം നിങ്ങൾക്കുണ്ട്. നിങ്ങൾക്ക് ഒന്നുകിൽ സാധാരണ പോലെ തവണകളായി അടയ്ക്കാം അല്ലെങ്കിൽ നിങ്ങളുടെ സൗകര്യത്തിനനുസരിച്ച് പ്രതിമാസം, ദ്വിമാസ, ത്രൈമാസ, അർദ്ധ വാർഷിക അല്ലെങ്കിൽ വാർഷിക അടിസ്ഥാനത്തിൽ പലിശ അടയ്ക്കാം.
കൂടാതെ, അധിക നിരക്കുകളൊന്നും കൂടാതെ ഭാഗികമായോ പൂർണ്ണമായോ മുൻകൂർ പേയ്മെന്റുകൾ നടത്താനുള്ള അവസരവും നിങ്ങൾക്കുണ്ട്. സ്വർണ്ണ വായ്പയ്ക്കുള്ള യോഗ്യതാ മാനദണ്ഡങ്ങളും. നിങ്ങൾ 21 നും 70 നും ഇടയിൽ പ്രായമുള്ള ഒരു ഇന്ത്യൻ പൗരനായിരിക്കണം കൂടാതെ നിങ്ങളുടെ അടിസ്ഥാന വിവരങ്ങളും പരിശോധിച്ചുറപ്പിക്കേണ്ടതുണ്ട്. മിക്ക കേസുകളിലും, വായ്പയ്ക്ക് അംഗീകാരം ലഭിക്കുന്നതിന്, അഡ്രസ് പ്രൂഫിനൊപ്പം വോട്ടർ ഐഡി കാർഡ്, ആധാർ കാർഡ്, ഡ്രൈവിംഗ് ലൈസൻസ് അല്ലെങ്കിൽ പാസ്പോർട്ട് പോലുള്ള രേഖകൾ മതിയാകും.
Click it and Unblock the Notifications
Sign in with Google