സ്വര്ണം മുന്നോട്ടുതന്നെ; ഇന്നും വില വര്ധിച്ചു, ആഭരണത്തിന് 1.11 ലക്ഷം രൂപ, ഇന്നത്തെ ഗ്രാം വില അറിയാം
കൊച്ചി: കേരളത്തില് ഇന്നും സ്വര്ണവില വര്ധിച്ചു. ക്രിസ്മസ് ദിനത്തില് നാമമാത്രമായ വര്ധനവാണ് രേഖപ്പെടുത്തിയത് എങ്കിലും വില കുറയുന്നില്ല എന്നത് എടുത്തു പറയണം. ഈ മാസം രേഖപ്പെടുത്തിയ ഏറ്റവും കുറഞ്ഞ വിലയില് നിന്ന് 7200 രൂപ അധികമാണ് ഇന്നത്തെ വില. അതായത്, മൂന്നാഴ്ച തികയുന്നതിന് മുമ്പാണ് ഇത്രയും വര്ധന.
രാജ്യാന്തര വിപണിയില് അവധി ആയതിനാല് ഇന്ന് കാര്യമായ വില മാറ്റമുണ്ടായിട്ടില്ല. 4479 ഡോളര് ആണ് ഒരു ഔണ്സ് സ്വര്ണത്തിന് രേഖപ്പെടുത്തിയിരിക്കുന്നത്. അതേസമയം, ഡോളര് സൂചിക 97.95 എന്ന നിരക്കിലേക്ക് അല്പ്പം മെച്ചപ്പെട്ടു. ഇതോടെ ഇന്ത്യന് രൂപ 89.83 എന്ന നിരക്കിലേക്ക് വീണു. രൂപയും ഡോളറും രാജ്യാന്തര സ്വര്ണവിലയും നോക്കിയാണ് കേരളത്തില് സ്വര്ണില നിശ്ചയിക്കുക.
കേരളത്തില് ഇന്ന് 22 കാരറ്റ് സ്വര്ണം ഒരു പവന് 102120 രൂപയാണ് ഇന്നത്തെ വില. 240 രൂപയാണ് ഇന്ന് വര്ധിച്ചത്. ഗ്രാമിന് 30 രൂപ വര്ധിച്ച് 12765 രൂപയായി. സ്വര്ണത്തിന്റെ മറ്റു കാരറ്റുകള്ക്കും സമാനമായ വിലക്കയറ്റമുണ്ടായിട്ടുണ്ട്. കുറച്ചുദിവസങ്ങളായി രാജ്യാന്തര വിപണിയില് പല കാരണങ്ങളാല് സ്വര്ണവില ഉയരുകയാണ്. ഇതിന്റെ പ്രതിഫലനമാണ് കേരളത്തിലും കാണുന്നത്. ചാഞ്ചാട്ടം പ്രതീക്ഷിക്കാമെങ്കിലും വലിയ തോതില് വില കുറയാന് സാധ്യതയില്ല എന്നാണ് വിലയിരുത്തല്.
ആഭരണം വാങ്ങുമ്പോള് ഒരു പവന് സ്വര്ണത്തിന് 1.11 ലക്ഷം രൂപ വരെ ചെലവ് പ്രതീക്ഷിക്കുന്നുണ്ട്. അഞ്ച് ശതമാനം പണിക്കൂലിയും മൂന്ന് ശതമാനം നികുതിയും ഹാള്മാര്ക്കിങ് ചാര്ജുമെല്ലാം ചേരുമ്പോഴാണിത്. ഒരു ജ്വല്ലറിയില് മാത്രം അന്വേഷിക്കാതെ, ഒന്നിലധികം സ്ഥലത്ത് അന്വേഷിച്ച് പണിക്കൂലിയിലെ മാറ്റം മനസിലാക്കി ആഭരണം വാങ്ങുന്നതാണ് ഉപഭോക്താക്കള്ക്ക് ഉചിതം.
സ്വര്ണം വാങ്ങുമ്പോള് ശ്രദ്ധിക്കേണ്ട 3 കാര്യങ്ങള്
ആഭരണം അണിയുകയാണോ, ആസ്തിയായി സൂക്ഷിക്കുകയാണോ... ഏതാണ് ആവശ്യം എന്ന് സ്വര്ണം വാങ്ങുന്നതിന് മുമ്പ് ഉപഭോക്താവ് തീരുമാനിക്കണം. ആഭരണം മാത്രമാണ് ലക്ഷ്യമെങ്കില് കുറഞ്ഞ കാരറ്റില് താരതമ്യേന വില കുറഞ്ഞ സ്വര്ണം കിട്ടും. 18, 14, 9 കാരറ്റുകളെ ഇതിന് വേണ്ടി തിരഞ്ഞെടുക്കാം. കാരറ്റ് കുറയുമ്പോള് ആഭരണത്തിലെ സ്വര്ണത്തിന്റെ അംശം കുറയും.
18 കാരറ്റില് 75 ശതമാനമാണ് സ്വര്ണം. 14 കാരറ്റില് 58 ശതമാനം സ്വര്ണമുണ്ടാകും. 9 കാരറ്റില് 37 ശതമാനം സ്വര്ണവും ബാക്കി മറ്റു ലോഹങ്ങളുമായിരിക്കും. അതേസമയം, നിക്ഷേപമായി സ്വര്ണം വാങ്ങാന് ആഗ്രഹിക്കുന്നവര്ക്ക് 24 കാരറ്റിലെ ബാര്, കോയിന് എന്നിന വാങ്ങാം. ഗോള്ഡ് ഇടിഎഫ്, എസ്ജിബി തുടങ്ങിയ ഡിജിറ്റല് ഗോള്ഡ് ഇടപാടും സുരക്ഷിതമാണ്.
ആഭരണമായി അണിയുകയും വേണം, കൂടാതെ ആവശ്യം വന്നാല് ബാങ്കില് പണയും വെക്കുകയും ചെയ്യാം എന്ന ലക്ഷ്യമാണ് ഉപഭോക്താവിന് ഉള്ളതെങ്കില് 22 കാരറ്റ് ആഭരണം വാങ്ങാം. ഇവ ബാങ്കില് പണയം വെക്കാന് സ്വീകരിക്കും. ആഭരണമായി അണിയുകയും ചെയ്യാം. ഇതിനെക്കാള് കുറഞ്ഞ കാരറ്റിലെ ആഭരണങ്ങള് ബാങ്കില് സ്വീകരിക്കില്ല.
-
സ്വർണം ഇനിയും താഴേക്ക് പോകുമെന്നത് സ്വപ്നം മാത്രം; 1.40 ലക്ഷത്തിലേക്ക്..പണിതരുന്നത് ചൈന അടക്കമുള്ള രാജ്യങ്ങൾ -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വർണ വില പവന് 50,000 ആയി കുറയില്ല, 50,000 കൂടും; വിൽക്കല്ലേ..നിക്ഷേപകർ ചെയ്യേണ്ടത് ഇതാണ് -
കേരളത്തില് വീണിട്ടും ഗള്ഫില് സ്വര്ണത്തിന് അനക്കമില്ല...; ഇന്നത്തെ ഗ്രാം വില ഇങ്ങനെ -
സ്വര്ണാഭരണം വാങ്ങുന്നത് എല്ലാവരും നിര്ത്തി... നാണയത്തിനും ബാറിനും ഡിമാന്ഡ് കൂടി; കാരണമിത് -
ഒരു ലക്ഷം രൂപ കൈയിലുണ്ടോ? സ്വര്ണം ഇപ്പോള് വാങ്ങിവെച്ചാല് നല്ലത്, വിലയിടിവ് നോക്കേണ്ട! -
ഗാര്ഹിക സ്വര്ണശേഖരം സാമ്പത്തിക സംവിധാനത്തിലേക്ക് കൊണ്ടുവരണം; നിര്ദേശത്തിന് പിന്നില് -
സ്വർണത്തിന് ഒറ്റയടിക്ക് കൂടിയത് 15,000 രൂപ, വീണിടത്ത് നിന്ന് തിരിച്ച് കയറുന്നു, ഈ കുതിപ്പ് തുടരുമോ? -
സ്വര്ണവില ഇന്ന് രണ്ടാംതവണയും കുതിച്ചു; തിരിച്ചടിച്ചത് 2 കാര്യങ്ങള്, പുതിയ പവന്, ഗ്രാം വില -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം
Click it and Unblock the Notifications
Sign in with Google