സ്വർണത്തിന്റെ കുതിപ്പ് ഉടന് നില്ക്കുമോ: ഇപ്പോള് വാങ്ങിയാല് ഭാവിയില് ലാഭമോ നഷ്ടമോ-അറിയാം
രണ്ട് ദിവസത്തെ വില സ്ഥിരതയ്ക്ക് ശേഷം സംസ്ഥാനത്ത് ഇന്ന് സ്വർണ വിലയില് വലിയ വർധനവാണ് ഉണ്ടായിരിക്കുന്നത്. 45200 രൂപയാണ് പുതിയ വില. ഗ്രാമിന് 80 രൂപ കൂടി 5650 രൂപയായി. ഒറ്റയടിക്ക് 640 രൂപയാണ് ഇന്ന് വർധിച്ചിരിക്കുന്നത്. കഴിഞ്ഞ രണ്ട് ദിവസമായി വിലയില് മാറ്റമുണ്ടാവാതിരുന്നതോടെ 44560 രൂപ എന്ന നിരക്കിലായിരുന്നു വില്പ്പന നടന്നുകൊണ്ടിരുന്നത്.
ഏപ്രില് 14 നായിരുന്നു കേരളത്തില് സ്വർണ വില റെക്കോർഡ് നിരക്കിലേക്ക് എത്തിയത്. 45320 രൂപയായിരുന്നു അന്നത്തെ വില. ഫസ്റ്റ് റിപ്പബ്ലിക് ബാങ്കിന്റെ തകർച്ചയെ തുടർന്ന് അമേരിക്കൻ സമ്പദ്ഘടനയ്ക്ക് വീണ്ടും തിരിച്ചടി നേരിട്ടതോടെയാണ് സ്വർണ വില വീണ്ടും ഉയരാന് ഇടയാക്കിയത്. അന്താരാഷ്ട്ര വിപണിയില് വില ട്രായ് ഔൺസിന് വീണ്ടും 2000 ഡോളർ കടന്ന് 2020 ഡോളറിലേക്ക് എത്തിയിരിക്കുകയാണ്.
വില വർധിച്ചത് സ്വർണത്തില് നിക്ഷേപിച്ചവർക്ക് സന്തോഷം നല്കുന്ന കാര്യമാണ്. സുരക്ഷിതമായ നിക്ഷേപം, പണപ്പെരുപ്പത്തിനെതിരായ സംരക്ഷണം തുടങ്ങിയ വിവിധ അനുകൂലഘടകങ്ങളാണ് സ്വർണത്തിനുള്ളത്. അതേസമയം, കഴിഞ്ഞ വർഷം ഇന്ത്യയുടെ സ്വർണ ഇറക്കുമതി ഗണ്യമായി കുറഞ്ഞു. സ്വർണത്തിന്റെ വിലക്കയറ്റത്തിന് പുറമെ, ജൂലായിൽ സ്വർണത്തിന്റെ ഇറക്കുമതി തീരുവ 7.5 ശതമാനത്തിൽ നിന്ന് 12.5 ശതമാനമായി ഉയർത്താനുള്ള ഇന്ത്യൻ ഗവൺമെന്റിന്റെ തീരുമാനവുമാണ് ഇറക്കുമതി കുറയാനുണ്ടായ കാരണം.
സ്വർണ്ണ ഇറക്കുമതിയിൽ കുറവുണ്ടായിട്ടും, 2023 സാമ്പത്തിക വർഷത്തിൽ ഇന്ത്യക്ക് 35.01 ബില്യൺ ഡോളർ മൂല്യമുള്ള സ്വർണ്ണം ഇറക്കുമതി ചെയ്യേണ്ടിവന്നു. സമീപകാല ഡാറ്റ അനുസരിച്ച്, ഉയർന്ന വില ഉണ്ടായിരുന്നിട്ടും ഇന്ത്യക്കാർക്കിടയിൽ സ്വർണ്ണം ഉപഭോഗത്തിന് യാതൊരു കുറവും ഉണ്ടായിട്ടില്ല. അക്ഷയ തൃതീയയ്ക്ക് മുന്നോടിയായി, 2022 മാർച്ചിനെ അപേക്ഷിച്ച് 216.75 ശതമാനം സ്വർണ ഇറക്കുമതി വർധിച്ചതായി മാർച്ചിലെ കണക്കുകളും വെളിപ്പെടുത്തുന്നു.
തുളസി തലമുടിക്കും അത്ഭുത മരുന്ന്: മുടികൊഴിച്ചില് തടയും താരന് അകറ്റും
നിക്ഷേപത്തിനുള്ള ഒരു ഉപകരണമായി സ്വർണ്ണത്തിലേക്ക് വരുമ്പോൾ, മറ്റ് ഘടകങ്ങളുമായുള്ള ബന്ധത്തിന്റെ അടിസ്ഥാനത്തിൽ അസറ്റ് ക്ലാസ് നന്നായി മനസ്സിലാക്കുകയും അപകടസാധ്യതയെയും പ്രതീക്ഷിക്കുന്ന വരുമാനത്തെയും കുറിച്ച് ശരിയായ പ്രതീക്ഷകളും മനസ്സിലാക്കേണ്ടത് പ്രധാനമാണ്.
പണപ്പെരുപ്പം ഉയർന്ന നില്ക്കുന്ന ഈ സമയത്ത് സ്വർണം വാങ്ങുന്നതാണ്, അല്ലെങ്കില് സ്വർണത്തില് നിക്ഷേപിക്കുന്നതാണ് ഉചിതമെന്നാണ് സാമ്പത്തിക വിദഗ്ധർ നിർദേശിക്കുന്നത്. മാന്ദ്യം ഉണ്ടായേക്കാമെന്ന റിപ്പോർട്ടുകളും ബാങ്കുകളുടെ തകർച്ചയും സ്വർണ വില ഈ വർഷം വീണ്ടും ഉയരുമെന്ന് തന്നെയാണ് വ്യക്തമാക്കുന്നത്. സ്വർണ വിലയില് ഈ വർഷം 6 ശതമാനം വരെ വർധനവുണ്ടാകുമെന്നാണ് വേള്ഡ് ബാങ്ക് റിപ്പോർട്ട് തന്നെ കഴിഞ്ഞ ദിവസം വ്യക്തമാക്കിയത്.
മൊത്തം നിക്ഷേപത്തിന്റെ പത്ത് ശതമാനമെങ്കിലും സ്വര്ണത്തില് നിക്ഷേപിക്കാമെന്നാണ് പരമ്പരാഗതമായി പറയുന്നത്. 15 ശതമാനം വരെ വിഹിതം വര്ധിപ്പിക്കുന്നതിലും തെറ്റില്ല. നിലവില് നിങ്ങള് സ്വർണത്തില് ഇത്രയും നിക്ഷേപിച്ചിട്ടുണ്ടെങ്കില് ആ രീതിയില് തന്നെ മുന്നോട്ട് പോവുക. അല്ലെങ്കില് വില കുറയുന്ന സമയത്ത് കൂടുതലായി നിക്ഷേപിക്കുക.
സ്വർണ വിലയിലെ അസ്ഥിരത പ്രയോജനപ്പെടുത്താനാണ് ശ്രദ്ധിക്കേണ്ടത്. അതായത് ഘട്ടം ഘട്ടമായി നിക്ഷേപിക്കാനാണ് തയ്യാറെടുക്കേണ്ടത്. സമ്പദ്ഘടന പ്രതിസന്ധി നേരിടുമ്പോള് മാത്രമാണ് സ്വര്ണത്തിന്റെ വിലയില് കുതിപ്പ് പ്രകടമാകുന്നത്. പ്രതിസന്ധി ഒഴിയുമ്പോള് വിലയില് കുറവുണ്ടാവുകയും ചെയ്യും. 2020 ലെ കുതിപ്പും, പിന്നീട് താഴ്ന്നതും ഉദാഹരണമാണ്.
Click it and Unblock the Notifications
Sign in with Google