സ്വര്ണവില റോക്കറ്റ് പോലെ; പഴയ ആഭരണം വില്ക്കുന്നുണ്ടോ? ഇന്നത്തെ പവന് വില അറിയാം
കൊച്ചി: കേരളത്തില് സ്വര്ണവില വീണ്ടും കുതിക്കുന്നു. ചില ദിവസങ്ങളില് ഇടിവ് രേഖപ്പെടുത്തുണ്ടെങ്കിലും വില കൂടാനുള്ള സാധ്യത തന്നെയാണ് വിപണിയിലുള്ളത്. വില വന്തോതില് കുറയുമെന്ന് ചില പ്രവചനങ്ങളുണ്ടെങ്കിലും മറിച്ചാണ് സംഭവിക്കുന്നത്. ഓരോ ദിവസവും നേരിയ തോതില് വില ഉയരുന്നതാണ് വിപണിയിലെ കാഴ്ചകള്.
ഇന്നലെ രാവിലെ വലിയ തോതിലുള്ള വില ഇടിവ് വിപണിയിലുണ്ടായിരുന്നു. എന്നാല് ഉച്ചയ്ക്ക് ശേഷം വില വര്ധിച്ചു. ഇന്നലെ രാവിലെ 111720 രൂപയായി കുറഞ്ഞ പവന് വില ഉച്ചയ്ക്ക് ശേഷം 112720 രൂപയായി ഉയരുകയാണ് ചെയ്തത്. എന്നല് ഇന്ന് രാവിലെ പവന് 2000 രൂപയില് അധികം വര്ധിച്ചു. ഇന്നത്തെ വിവിധ കാരറ്റുകളിലെ ഗ്രാം, പവന് വിലകള് അറിയാം...
കേരളത്തില് ഇന്ന് 22 കാരറ്റ് ഒരു പവന് സ്വര്ണത്തിന് 114840 രൂപയാണ് വില. 2120 രൂപയാണ് വര്ധിച്ചിരിക്കുന്നത്. ഗ്രാമിന് 265 രൂപ വര്ധിച്ച് 14355 രൂപയായി ഉയര്ന്നു. അതേസമയം, വെള്ളിയുടെ വിലയില് ഇന്ന് അല്പ്പം ഇടിവ് വന്നിട്ടുണ്ട്. ഗ്രാമിന് 285 രൂപയാണ് ഇന്ന് രേഖപ്പെടുത്തിയിട്ടുള്ളത്. 10 ഗ്രാം ലഭിക്കണം എങ്കില് 2850 രൂപയാണ് നല്കേണ്ടത്.
22 കാരറ്റ് സ്വര്ണത്തിന് വില വലിയ തോതില് കൂടിയ സാഹചര്യത്തില് പലരും 18, 14, 9 കാരറ്റുകളിലെ ആഭരണങ്ങള് വാങ്ങുണ്ട്. ആഭരണം മാത്രമാണ് ഈ കാരറ്റുകളില് ലഭിക്കുക. 18 കാരറ്റ് ഗ്രാമിന് 11795 രൂപയും പവന് 94360 രൂപയുമാണ് വില. 22 കാരറ്റിനേക്കാള് 20000 രൂപ കുറവാണ് 18 കാരറ്റിന്. 14 കാരറ്റ് ഗ്രാമിന് 9185 രൂപയും പവന് 73480 രൂപയുമാണ് ഇന്നത്തെ വില. 9 കാരറ്റിന് 5925 രൂപയും പവന് 47400 രൂപയുമാണ് വില.
പഴയ സ്വര്ണം വില്ക്കുമ്പോള് ശ്രദ്ധിക്കേണ്ട ഘടകങ്ങള്
വില ഉയര്ന്നു വരുന്ന സാഹചര്യത്തില് പലരും പഴയ സ്വര്ണം വിറ്റ് പണമാക്കാന് ശ്രമിക്കുണ്ട്. റിയല് എസ്റ്റേറ്റ് ഇടപാടിന് വേണ്ടിയാണ് പലരും സ്വര്ണം വില്ക്കുന്നത്. ഇനിയും സ്വര്ണവില കൂടാന് സാധ്യതയുണ്ട് എന്നതിനാല്, കാത്തിരുന്നാല് വലിയ ലാഭം കൊയ്യാന് സാധിക്കും. ആഭരണം വില്ക്കുന്നവര് ശ്രദ്ധിക്കേണ്ട പ്രധാന കാര്യം, വാങ്ങിയ ജ്വല്ലറിയില് തന്നെ വില്ക്കുക എന്നതാണ്.
തങ്കത്തിന്റെ വില അടിസ്ഥാനമാക്കിയാണ് ജ്വല്ലറികള് പഴയ സ്വര്ണം തിരിച്ചെടുക്കുക. എല്ലാ ദിവസവും 11 മണിയോടെയാണ് തങ്കത്തിന്റെ വില പരസ്യപ്പെടുത്തുക. ആഭരണം വില്ക്കുമ്പോള് അല്പ്പം നഷ്ടം വന്നേക്കാം. ആഭരണം വാങ്ങുന്ന വേളയില് നല്കിയ പണിക്കൂലി, ജിഎസ്ടി, ഹാള്മാര്ക്കിങ് ചാര്ജ് എന്നിവയെല്ലാം വില്ക്കുന്ന വേളയില് നഷ്ടമാകും. മാത്രമല്ല, സ്വര്ണത്തിന്റെ വിപണി വിലയില് നിന്ന് അല്പ്പം താഴ്ത്തിയാണ് മൂല്യം നിശ്ചയിക്കുക.
സ്വര്ണവില കൂടിയ സാഹചര്യത്തില് ജ്വല്ലറികളില് ആഭരണം വാങ്ങാന് എത്തുന്നവരേക്കാള് കൂടുതല് വില്ക്കാന് വരുന്നവരാണ്. പല ജ്വല്ലറികളും പഴയ ആഭരണം വില്ക്കുന്നവര്ക്ക് പണം നല്കാന് നീണ്ട കാലാവധി പറയുകയാണ്. അതേസമയം, സ്വര്ണം വാങ്ങുന്നവര് ബാര്, കോയിന്, ഇടിഎഫ്, എസ്ജിബി എന്നീ രംഗത്ത് ശ്രദ്ധ പതിപ്പിക്കാം. വില്ക്കുന്ന വേളയില് വലിയ നഷ്ടം വരാത്ത മേഖലകളാണിത്.
-
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വർണ നിക്ഷേപത്തിൽ ചൈനയ്ക്ക് വൻ ജാക്ക്പോട്ട്; കണ്ടെത്തിയത് 1100 ടണ് സ്വർണം,ഇനി ചൈനയെ പിടിച്ചാൽ കിട്ടില്ല -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
യുദ്ധം തുടങ്ങിയതിന് ശേഷം പൊന്നിന് കുറഞ്ഞത് 27000 രൂപ! ഇടിഞ്ഞത് 18%, കാരണമിത് -
ഒറ്റയടിക്ക് കുറഞ്ഞത് 15 ദിര്ഹം; ദുബായില് 500 ദിര്ഹത്തില് നിന്ന് താഴേക്ക് വീണ് സ്വര്ണവില -
ഇന്ത്യയിലെ വീടുകളിലെ സ്വര്ണത്തിന്റെ മൂല്യം 5 ട്രില്യണ് ഡോളറായി! ജിഡിപിയുടെ 125% -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
വിലക്കുറവില് സ്വര്ണാഭരണം വാങ്ങിക്കാം; ഈ ക്രെഡിറ്റ് കാര്ഡുകള് ഉപയോഗിച്ച് നോക്കൂ -
20% വിലക്കുറവ്..!! 18 കാരറ്റ് ആഭരണങ്ങളിലേക്ക് ഒഴുകി ഉപഭോക്താക്കള്, 22 കാരറ്റ് വേണ്ട
Click it and Unblock the Notifications
Sign in with Google