സ്വര്ണവിലയില് ഇന്ന് അപൂര്വ ദിനം; സ്തംഭനത്തിന് അല്പ്പായുസ്, ഇന്നത്തെ പവന്, ഗ്രാം വില അറിയാം
കൊച്ചി: കേരളത്തില് വലിയ കുതിച്ചു ചാട്ടമാണ് രണ്ടാഴ്ച മുമ്പ് സ്വര്ണവിലയില് ഉണ്ടായത്. 1.31 ലക്ഷം വരെ പവന് വില ഉയര്ന്നു. പിന്നീട് പൊടുന്നനെ താഴ്ന്ന് 1.07 ലക്ഷത്തിലേക്ക് വീണു. കഴിഞ്ഞാഴ്ചയ്ക്ക് ശേഷം നേരിയ തോതില് വില ഉയര്ന്നു വരികയാണ്. ഈ ദിനങ്ങളിലെല്ലാം ഒരു ദിവസം രണ്ട് തവണ വില മാറി. അപൂര്വമായി നാല് തവണ വില മാറിയ ദിവസവുമുണ്ടായി.
അതേസമയം, ഇന്ന് കേരളത്തില് സ്വര്ണവിലയില് മാറ്റമില്ല. കുറച്ചു മാസങ്ങള്ക്കിടെ വിലയില് മാറ്റമില്ലാത്ത ദിനം ആദ്യമാണ്. അതുകൊണ്ടുതന്നെയാണ് സ്വര്ണവിപയില് അപൂര്വ ദിനം എന്നു പറയുന്നത്. എന്നാല് ഇതിന് അല്പ്പായുസേ ഉണ്ടാകൂ എന്നാണ് വിലയിരുത്തല്. വൈകാതെ വിലയില് ചാഞ്ചാട്ടം പ്രതീക്ഷിക്കാം. തിങ്കളാഴ്ച രണ്ട് തവണ വില മാറിയിരുന്നു. രാവിലെ ഉയര്ന്നെങ്കില് വൈകീട്ട് വില കുറയുകയാണ് ചെയ്തത്.
കേരളത്തില് ഇന്നത്തെ സ്വര്ണവില എത്ര എന്ന് അറിയാം. 22 കാരറ്റ് ഒരു ഗ്രാമിന് 14475 രൂപയാണ്. പവന് 115800 രൂപയും. 18 കാരറ്റ് സ്വര്ണം ഗ്രാമിന് 11895 രൂപയും പവന് 95160 രൂപയുമാണ്. അതേസമയം, 14 കാരറ്റ് സ്വര്ണം ഗ്രാമിന് 9260 രൂപയാണ് വേണ്ടത്. പവന് 74080 രൂപയും. 9 കാരറ്റ് ഗ്രാമിന് 5970 രൂപയും പവന് 47760 രൂപയും നല്കണം. വെള്ളിയുടെ വില ഇന്ന് കുറഞ്ഞു. ഗ്രാമിന് 290 രൂപയായി.
രാജ്യാന്തര വിപണിയില് ഡോളര് സൂചിക അല്പ്പം ഇടിഞ്ഞു. ഡോളര് 97ന് താഴേക്ക് വീണത് സ്വര്ണവില ഉയരാന് ഇടയാക്കുമെന്നാണ് കരുതിയത്. എന്നാല് രൂപയുടെ മൂല്യം അല്പ്പം ഉയര്ന്നത് ആശ്വാസമായി. ഡോളറിനെതിരെ രൂപയുടെ മൂല്യം 90.70 എന്ന നിരക്കിലാണ്. ഡോളര്-രൂപ മൂല്യം ഒത്തുനോക്കിയാണ് കേരളത്തിലെ ജ്വല്ലറി വ്യാപാരികള് സ്വര്ണ വില നിശ്ചയിക്കുക.
ഈ മാസം സ്വര്ണത്തിന് 7880 രൂപയുടെ വില മാറ്റം
രാജ്യാന്തര വിപണിയില് സ്വര്ണത്തിന് വില കുറഞ്ഞിട്ടുണ്ട്. 5021 ഡോളര് ആണ് പുതിയ നിരക്ക്. വ്യാപാരം തുടരുന്നതിനാല് ഇതില് മാറ്റം പ്രതീക്ഷിക്കാം. അതേസമയം, ആഗോള വിപണിയില് വില കുറഞ്ഞെങ്കിലും കേരളത്തില് വില താഴ്ന്നിട്ടില്ല എന്നതും എടുത്തു പറയണം. രൂപ ഇനിയും കരുത്താര്ജിച്ചാല് കേരളത്തില് സ്വര്ണവില കുറയും.
കേരളത്തില് ഈ മാസം രേഖപ്പെടുത്തിയ ഏറ്റവും ഉയര്ന്ന പവന് വില 117760 രൂപയാണ്. ഏറ്റവും കുറഞ്ഞത് 107920 രൂപയും. ഈ വിലയില് നിന്ന് 7880 രൂപ കൂടുതലാണ് ഇന്ന്. വില കുറഞ്ഞ വേളയില് വാങ്ങിയവര്ക്ക് ഇത്രയും രൂപ ലാഭമായി എന്ന് ചുരുക്കം. ഇന്ന് വില മാറിയില്ലെങ്കിലും വൈകാതെ മാറ്റം വരുമെന്നാണ് വിപണി നിരീക്ഷകര് അഭിപ്രായപ്പെടുന്നത്.
ഇറാനും അമേരിക്കയും നടത്തുന്ന ചര്ച്ച അലസിപ്പിരിഞ്ഞാല് സ്വര്ണവില കൂടും. പശ്ചിമേഷ്യയില് യുദ്ധഭീഷണി ഉയരുകയും ചെയ്യും. ബുധനാഴ്ച ഇസ്രായേല് പ്രധാനമന്ത്രി നെതന്യാഹു വാഷിങ്ടണിലെത്തി അമേരിക്കന് പ്രസിഡന്റ് ഡൊണാള്ഡ് ട്രംപിനെ കാണുന്നുണ്ട്. ഈ ചര്ച്ച പശ്ചിമേഷ്യയിലെ സംഭവ വികാസങ്ങളില് നിര്ണായകമായിരിക്കും.
-
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
സ്വർണത്തിന് ഒറ്റയടിക്ക് കൂടിയത് 15,000 രൂപ, വീണിടത്ത് നിന്ന് തിരിച്ച് കയറുന്നു, ഈ കുതിപ്പ് തുടരുമോ? -
ഗാര്ഹിക സ്വര്ണശേഖരം സാമ്പത്തിക സംവിധാനത്തിലേക്ക് കൊണ്ടുവരണം; നിര്ദേശത്തിന് പിന്നില് -
സ്വര്ണാഭരണം വാങ്ങുന്നത് എല്ലാവരും നിര്ത്തി... നാണയത്തിനും ബാറിനും ഡിമാന്ഡ് കൂടി; കാരണമിത് -
ഒരു ലക്ഷം രൂപ കൈയിലുണ്ടോ? സ്വര്ണം ഇപ്പോള് വാങ്ങിവെച്ചാല് നല്ലത്, വിലയിടിവ് നോക്കേണ്ട! -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം
Click it and Unblock the Notifications
Sign in with Google